محمد علي رزق: غادة عبد الرازق عيطت على كتفي فى مشهد "صيد العقارب"
تاريخ النشر: 9th, August 2024 GMT
حرص الفنان محمد علي رزق على كشف كواليس تعاونه مع النجمة غادة عبد الرازق فى مسلسل "صيد العقارب" فى المسلسل الذي جمعهما فى ماراثون رمضان وحقق نجاحًا كبيرًا.
وقال محمد علي رزق: "غادة عبد الرازق جميلة جدًا، أنا كنت داخل أول يوم تصوير وأنا سامع كمية إشاعات إني هقابل ريتشارد قلب الأسد، أول مشهد بيني وبينها تاني يوم تصوير ليها، مشهد أنا بعيط أن مراتي وابني مشيوا وسابوني".
وأضاف: "شخصية مصطفى كانت بتاخد مني تركيز كبير قبل التصوير، كنت قاعد ومركز جدا في مود المشهد أستاذة غادة دخلت ودا كان أول لقاء قعدت جنبي وسألتني إن كنت مبسوط في التصوير عشان أول يوم تصوير كان عندي مشاهد مهمة، وقلت لها إني عملت شغل حلو بشهادة الناس لكن أنا مش بحب اتفرج على نفسي".
غادة عبد الرازق ومحمد علي رزقوتابع: "لقتني سرحان في المشهد وعمال أسبح وبدأت دموعي تنزل، راحت هي نايمة على كتفي وكل دا قبل التصوير ولقيتها بتعيط على كتفي، كانت بتساعدني عشان أدخل في المود، لدرجة أن حد على صوته طلبت منه يوطي صوته عشان أعرف أركز، وبعد ما خلصنا رحت ليها وشكرتها وكنت مبسوط بالشغل معاها".
قصة المسلسلتدور أحداثه في إطار اجتماعي مليء بالتشويق والإثارة من خلال وقوع حرب شديدة ومثيرة بين عائلتين من الصعيد، وتتحول الصداقة بين الجميع إلى عداوة قاتلة.
غادة عبد الرازق ومحمد علي رزق أبطال المسلسلمسلسل "صيد العقارب" بطولة غادة عبد الرازق، رياض الخولي، سيمون، محمد علاء، أحمد ماهر، مجدى بدر، سامية عاطف، ميار الغيطي، عماد صفوت، أحمد ماجد، أحمد جمال سعيد، منال سلامة والمسلسل من تأليف باهر دويدار، وإخراج أحمد حسن.
المصدر: بوابة الوفد
كلمات دلالية: محمد علي رزق الفنان محمد على رزق زوجة الفنان محمد علي رزق دور محمد علي رزق صاحبة السعادة محمد إمام محمد على محمد رمضان غادة عبد الرازق محمد علی رزق
إقرأ أيضاً:
تامر حسني يطمئن جمهوره على حالة نجله آدم
كشف نجم الجيل تامر حسني تطورات الحالة الصحية لنجله آدم وذلك عبر صفحته الرسمية بموقع التواصل الإجتماعي "فيسبوك" وذلك بعد إجرائه العملية الثانية حيث نشر قائلًا: "لكل الغاليين اللي اهتموا بتعب ابني
الحمدلله الوضع مستقر بعد العملية التانية وخرج من العناية المركزة بفضل الله ثم دعواتكم اللي لو عشت أشكركم عمري كله مش هوفي حقكم وربنا يتمم الشفاء على خير،، ودايمًا بقول على دعواتكم الكريمة: لكم مثلها وأضعاف أضعافها
… شكرًا يا أغلى الناس ربنا يحفظكم ويحفظ ولادكم قادر يا كريم"
تعرض نجل الفنان تامر حسني (آدم) لوعكة صحية ودخل على إثرها العناية المركزة وذلك بعد انفجار الزائدة الدودية حيث أنه قد خضع لعملية جراحية منذ أيام ولكن قد حدثت معه تطورات أخري وقد دخل العمليات مرة أخري صباح اليوم.
وأجري آدم تامر حسني الجراحة الثانية وأنه الآن يمكث فى العناية المركزة في أحد المستشفيات بمدينة 6 أكتوبر في القاهرة مع استقرار فى حالته الصحية.
تامر حسني يكشف تفاصيل حالة نجله في منشور سابق
وفي سياق متصل يذكر أنه قد كشف تامر حسني تفاصيل حالة آدم الصحية بالتفصيل في منشور سابق قائلًا: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس"
وتابع: "وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد، وخلاص لا روحوا اكشفوا كويس واعملوا سونار على البطن والزايدة مرة و٢ عشان برضو ساعات مش بيبان ولازم الدكتور يضغط بطريقة معيّنة، تقريبًا أقوى شوية عشان يعرف، لإني سمعت كتير اليومين دول إن الزايدة خادعة"
وأضاف: "اطمنوا كذا مرة قبل لحظة انفجارها عشان بجد مشاكل بتحصل بعدها كبيرة وحزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر، يارب، بحق “كن فيكون”.
اشفيه وعافيه، هو وكل ولادنا
بس هو راجل وهيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب"
واختتم قائلًا ؛ "وأحب أقول تاني شكرًا من كل قلبي على دعواتكم، أنا شايف قلب كل حد فيكم وهو بيدعي بصدق
متشكر أوي يا جماعة شكرًا لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصيًا، أنا مش لاقي كلام أشكركم بيه وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم".
3 إصابات شمالي الأردن بعد سقوط شظايا صواريخ (شاهد)