لامن كنا بنقول (الفا ون) وذئب الجيش السوداني في نشطاء كانوا بيقولوا علينا طبالين

( الفا _ ون )
السنة الفاتت قلت ليكم في حركة واحدة ح يعملها الجيش السوداني و بعد كده ح تتساقط المليشيا وراء بعض ذي كروت الضمنة .

البيحصل داخل السودان حالياً و البيحصل في مجتمعنا الإقليمي ده ما صدفة … صدفة دي اغنية ياااخ

بعد الحرب ما تنتهي عايزين نعمل اكاديمية اسمها ( اكاديمية صبير للعلوم الإستخباراتية ) تستقطب طلاب الدول المتآمرة على السودان و تدربهم التدريب السليم عشان ما يفكروا إنو يكرروا محاولاتهم الفاشلة

حقيقي معركة الكرامة تمت إدارتها بحنكة و دهاء و صبر و ح يجي اليوم الحيتم تدريسها للاجيال و طلاب العالم المتآمر .

لامن كنا بنقول (الفا ون) وذئب الجيش السوداني في نشطاء كانوا بيقولوا علينا طبالين ، هسه ذات النشطاء ديل شايلين الطبلة و معاها الإيقاع و بيرقصوا للبرهان عشرة بلدي … زمان كان بيقولوا الإختشوا ماتو ، هسه الإختشوا بعثوا من جديد
نزار العقيلي

إنضم لقناة النيلين على واتساب

المصدر: موقع النيلين