«مرموش»: ما بحبش اخسر حتى في البلايستيشن وباختار فريقي عشان ألعب بنفسي

قال عمر مرموش، لاعب المنتخب الوطني ونادي أينتراخت فرانكفورت الألماني، «لما بنزل الملعب بتحول، الناس إلى عرفاني لما تشوفني لما بلعب بتحس شخصيتي مختلفة». 

ما بحبش أخسر

وأضاف مرموش خلال حلقة خاصة في برنامج «صاحبة السعادة» إسعاد يونس المذاع على قناة «دي أم سي»، أنه في الملعب لا يحب الخسارة على الإطلاق، مشيرًا إلى أنه حتى وهو صغير في السن وعندما كان يلعب مع شقيقة «بلايستيشن» أو كرة قدم، كان إذا خسر واستفزه شقيقه «كنت ممكن أمسك الدراع وكسره.

. ما بحبش أخسر خالص».

وأشار لاعب المنتخب الوطني ونادي أينتراخت فرانكفورت الألماني، إلى أنه عند النزول إلى الملعب يريد كل زملائه في الفريق في كامل تركيزهم لتقديم أحسن ما عندهم للفوز.

وتابع: «في الملعب بكون ماشي في ثقة زي براه، عشان تأثير على زملائي يكون بطريقة كويسة».

بتلكم مع نفسي في الملعب

وعلى جانب أخر ذكر أنه يحب اللعب بفريقه في «البلايستيشن»: «عشان ألعب بنفسي.. بحس إني ممكن اتحكم بنفسي من برة.. ولما بضيع  أقول لنفسي إيه اللي انت بتعمله ده؟». 

وأوضح  عمر مرموش أنه على أرض الملعب وخلال المباريات دائمًا يتحدث مع نفسه ويوجهها بكلمات مثل «ركز» «معلش لو ضيعت كورة هتجيب اللي بعدها» مواصلًا: «دي حاجة بحسها مهمة جدًا على الرغم إن ممكن حد يحسها حاجة غريبة، بس مهم أن يكون للواحد علاقة مع نفسه.. بكلم نفسي وأقول انت كويس هتجيب جول.. كمل مش مشكلة لو ضيعت فرصة، عشان الكورة المجريات بتتغير في ثواني، وانت لو وقفت أو قعدت تفكر في الفرصة اللي ضيعتها هتحس إن الماتش بيطول والفرص اللي جاية ممكن تضيعها». 

المصدر: الوطن