البغبغان «ريو» نجم الحدائق والإعلانات.. «بيتكلم عربي وإنجليزي»

فى واحدة من الحدائق الكبيرة وبين الأشجار الضخمة والمتنوعة، يعيش «ريو» أحد أشهر البغبغانات فى مصر، طائر مميز بألوانه اللافتة والمريحة فى نفس الوقت، وبجانب الإبداع الإلهى فى خلقته يتمتع بذكاء وسرعة بديهة جعلته وجهاً إعلانياً مطلوباً بالاسم.

حكاية البغبغان «ريو»

«علي» مدرب البغبغان «ريو» يحكى أنه ينتمى إلى فصيلة الـ«مكاو»، يعيش فى بلدان مختلفة حول العالم، وبالأخص جنوب أفريقيا: «هو معايا من أكتر من 8 سنين، درّبته وعلّمته الكلام، مابيتكلمش قدام حد بس هو يقدر يتكلم إنجليزى وعربى».

وقاموس كلمات البغبغان يضم عدداً من الكلمات التى يلقيها له مدربه، ويفهمها أيضاً: «لما بيسمع رنة التليفون بيقول ألو، وهو هادى جداً مفيش عض، وطبعاً عارفنى عشان أنا اللى مربيه والناس بتجيله الحديقة الدولية مخصوص عشان تتصور معاه».بداية «ريو» فى مجال الإعلانات كانت بعد شهرته بين الناس، وحبهم لشكله وهدوئه، وفقاً لمدربه: «بعد شهرة ريو بين الناس وحبهم له، حد من الأصدقاء طلب بغبغان علشان إعلان ما، رشحت له ريو وبعد تصوير أول إعلان نال شهرة كبيرة وأصبحت الشركات تستعين به فى التسويق لمنتجات مختلفة مثل الكريمات والهواتف».

حكاية البغبغان مع الإعلانات

يحكى «على» عن تدريب البغبغان، سواء للإعلانات أو التعامل مع الناس فى الحديقة، أن الجميل فى «ريو» هدوؤه، وسرعة بديهته: «لما توقفه فى مكان مابيتحركش ويسمع الكلام وينفذ كل حركة مطلوبة، ولما بيقف على كتف أى حد مابيعملش حركات شقاوة زى العض ويلعب فى الشعر، لا هو عارف أنه بيتصور»، ومع ذلك هناك بعض الأسباب التى قد تجعل البغبغان يخرج عن سيطرته: «فى حاجات بتخضه زى الطائرات والصقور والبالونات، وقتها بيكون عايز يرجع بيته، أو يتعصب يفضل يدور عليها».يفاجئ «على» محبى «ريو» بأنه سوف يظهر خلال شهر رمضان المقبل عبر عدد من الإعلانات المصورة فى مصر.

المصدر: الوطن