حكايات رمضان| السيد حمدي: أحب السحور والدورات الرمضانية.. وأنصح الشباب بالأعمال الخيرية
تاريخ النشر: 6th, March 2025 GMT
في شهر رمضان الكريم، يكون هناك عادات وتقاليد خاصة فيما يتعلق بالاستعداد لشهر الخير، فإن معظم نجوم الرياضة يعتمدون على هذه الطقوس والتقاليد في شهر القرآن.
بوابة «الأسبوع» حرصت على معرفة طقوس أبطالنا الرياضيين في مختلف الألعاب خلال الشهر المعظم.
اليوم يحكي كابتن سيد حمدي نجم النادي الأهلي ومنتخب مصر السابق، عن استعداداته وتفاصيل يومه خلال شهر رمضان الكريم.
فى رمضان طقوسي بتكون طبيعية بصلى وأقرأ القرآن الكريم ودايما الصبح في نهار رمضان مش بيكون عندى شغل فبحاول أستغل ده في الصلاة وقراءة القرآن وفي الليل بعد صلاة التراويح بروح شغلى ولو مش ورايا حاجة ببقى مع أصحابي بلعب دورات رمضانية.
2- هل تهتم بالأعمال الرمضانية أم لا؟أنا متابع لو في مسلسل شدني أو كدة ومش بتفرج على أكتر من مسلسل، وممكن أتابعه من خلال السوشيال ميديا والفيس بوك، لكن ببقى مركز معاه أكتر بعد شهر رمضان، وخاصة إن اغلب المسلسلات بتتعاد تاني بعد شهر رمضان الكريم.
3- ما هي الأكلات التي تفضلها فى رمضان؟دايما الأكل في رمضان بيكون كتير وفيه بركة وبيكون متوفر أكتر من صنف وده عادة كل المصريين تقريبا، وأنا دايما مش بفطر كويس وقت المغرب لكن ممكن أكل تاني بعد صلاة العشاء والتراويح وأنا بالنسبة لي مليش أكل خاص أو معين اللي موجود قدامى باكله وبحب السحور أكتر من الفطار.
4- ما المواقف التي لا تنسى ودائما في ذاكرتك فى شهر رمضان؟بصراحة مش متذكر موقف معين حصل معايا في رمضان ممكن أحكيه ولكن شهر رمضان الواحد بينتظره من السنة للسنة والواحد بيحاول يعمل خير بشكل كبير، بجانب الصلاة وقراءة القرآن علشان استغل الشهر الكريم الاستغلال الأمثل.
5- ما النصيحة التي توجهها للشباب في شهر رمضان؟بنصح كل الشباب بالأعمال الخيرية وزيارة المريض زيارة الأهل والأقارب، ونحاول نرجع العادات والتقاليد الجميلة اللى اتربينا عليها، ولو في حد زعلان نروح نصالحه، ونستغل الشهر الكريم في كده، وأنا بنصح بالحاجات دي كلها نفسي قبل الشباب.
6- هل طقوسك فى الماضى وأنت لاعب تغيرت عن الوضع الحالى أم لا؟الطقوس وأنا مدرب اختلفت عن وأنا لاعب، وأنا لاعب كنت ملتزم أكتر من ناحية الأكل والنوم والسهر أكيد كل الحاجات اللى كنت بعملها، وأنا لاعب كان ليها حسابات ونظام فاعتقد لما الأمور تتغير واعتزل وأبقى مدرب الأمور والروتين بيختلف بشكل كبير جدا ممكن أكل وأسهر براحتي دون قيود أه ماشي بنظام رياضي، ولكن أقل بكتير ومن أنا لاعب كرة.
7- ما هي المباراة التى ترتبط فى ذهنك دائما بشهر رمضان الكريم ولا تنساها؟مباراة مع منتخب مصر في تصفيات إفريقيا وكانت في شهر رمضان عام 2009، وكانت المباراة قبل الفطار ودرجة الحرارة كانت مرتفعة جدا جدا ووقتها كان في فتوى إننا نفطر علشان نقدر نلعب المباراة، فده من المواقف والمباريات اللى مقدرش أنساها.
المصدر: الأسبوع
كلمات دلالية: السيد حمدي حكايات رمضان شهر رمضان الکریم أکتر من فی شهر
إقرأ أيضاً:
كريستال بالاس يهزم ليفربول ويتوج بطلا لكأس الدرع الخيرية 2025
توج فريق كريستال بالاس بلقب كأس الدرع الخيرية 2025 بعد تغلبه على حساب ليفربول بركلات الترجيح بنتيجة 3-2 في المباراة التي أقيمت بينهما مساء اليوم الأحد بملعب “ويمبلي” بالعاصمة البريطانية لندن.
انتهى الوقت الأصلى من المباراة بالتعادل الإيجابي بين الفريقين بنتيجة 2-2 ليحتكما إلى ركلات الترجيح ليضيع الريدز بطل الدوري الإنجليزي أول ألقاب الموسم الجديد بخسارة قاسية أمام كريستال بالاس
شهدت ركلات الترجيح إهدار النجم المصري محمد صلاح الركلة الأولى بعدها فشل ماك أليستر في التسجيل هو الآخر ليواصل الريدز إهدار الضربة تلو الأخرى بعدما أخفق هارفي إيليوت هو الآخر ركلة.
خاض ليفربول اللقاء باعتباره بطلاً لمسابقة الدوري الإنجليزي الممتاز “البريميرليج”، بينما لعب كريستال بالاس اللقاء بصفته بطلاً للنسخة الأخيرة من بطولة كأس الاتحاد الإنجليزي، بعدما تغلب فى المباراة النهائية على مانشستر سيتي المحترف ضمن صفوفه النجم المصري عمر مرموش، بهدف دون مقابل.
انخفض .. أعلى سعر لجرام الذهب اليوم الأربعاء 13-8-2025