ننشر صورة المتهم بانهاء حياة زميلته موظفة جامعة القاهرة |خاص
تاريخ النشر: 27th, September 2023 GMT
حصل "صدى البلد" على صورة المتهم بإنهاء حياة زميلته موظفة كلية الآثار بجامعة القاهرة بعد إطلاقه الرصاص عليه داخل مكتبها صباح اليوم الأربعاء.
وكشفت إحدى شهود العيان على حادث إنهاء حياة نورهان حسين موظفة كلية الاثار بجامعة القاهرة، أنهم فوجئوا بتصويب المتهم أعيرة نارية على الموظفة اثناء تواجدها في مكتبها وأفادت أن الجاني تقدم لخطبة المجني عليها أكثر من مرة ورفضته، وأنه كان يعمل معها في نفس الكلية، ولكنه الآن لا يعمل بها حيث تم نقله لكلية الزراعة.
بيضايقها
وأضافت أن المتهم كان كثير التعرض للمجني عليها، وسبق أن حرق لها سيارتها منذ 5 سنوات وأرسل لها رسائل تهديد.
معاينة النيابة
وانتقلت النيابة إلى مسرح الجريمة وبرفقتها خبراء الإدارة العامة لتحقيق الأدلة الجنائية لمعاينته، ورفع ما به من آثار، ومناظرة الجثمان، كما أمرت بفحص كافة الآثار المادية المرفوعة بمسرح الحادث، وقاموا بأعمال التحقيقات المبدئية مع جميع الموجودين في المبنى، وتحديدا الدور الثالث الذي شهد أعمال الواقعة، وكلفت الأجهزة الأمنية بسرعة التحريات حول الواقعة، وضبط المتهم.
وتحفظت النيابة العامة على أجهزة تسجيل آلات المراقبة بمحيط المكان، وأظهرت كاميرات المراقبة قيام المتهم باستقلال سيارة ملاكي وفر هاربًا، كما أمرت بتشريح جثة المتوفى للوقوف على أسباب الوفاة، وإعداد تقرير الصفة التشريحية، وتحديد سبب الوفاة وكيفية حدوثها.
وكشفت التحقيقات أن المجني عليها «نورهان. ح» -32 سنة- موظفة برعاية الشباب بكلية الآثار، وتبين أن المجني عليها أصيبت بحوالي 4 طلقات نارية بأماكن متفرقة، وتم نقلها لمستشفى الطلبة وتوفيت بمجرد وصولها.
خطبها ورفضته
ورجحت التحقيقات أن المتهم زميل المجني عليها، وسبق أن تقدم لخطبة المجني عليها، وحدثت بينهما خلافات، فرفضت الارتباط به، كما أن المتهم سيئ السلوك وسبق محاولته إشعال النيران في سيارتها.
وكان اللواء محمد الشرقاوي مدير الإدارة العامة لمباحث الجيزة تلقى إخطارا من قسم شرطة الجيزة، يفيد ببلاغ من إدارة جامعة القاهرة بقيام موظف بالجامعة بدخول مبني رعاية الشباب التابع لكلية الآثار، وإطلاق أعيرة نارية على إحدي الموظفات أدت لوفاتها وفر هاربا، وتولت النيابة التحقيق.
وتم تحرير المحضر اللازم وأخطرت النيابة العامة لمباشرة التحقيقات بالواقعة.
المصدر: صدى البلد
كلمات دلالية: موظفة جامعة القاهرة جامعة القاهرة صورة المتهم موظفة كلية الآثار المجنی علیها
إقرأ أيضاً:
ناصر قالي معايا سبوبة حلوة هناكل منها الشهد .. ننشر اعترافات سيد العفريت المتهم في قتل مساعد وزير الداخلية الأسبق وزوجته بأسيوط
يواصل موقع صدى البلد الإخباري نشر نص اعترافات المتهمان بقتل اللواء محمد محسن علي طه بداري " مساعد وزير الداخلية الأسبق وزوجته هدى بداري علي حسين، أمام فريق النيابة العامة بقسم ثان أسيوط وقيام المتهمان بسرقة أموالهما ومصوغاتهما وسكب البنزين وإشعال النيران في مسكنهما بمدينة أسيوط وفي هذا التقرير ننشر نصر اعترافات المتهم الثاني الشهير بـ " سيد العفريت " في الواقعة .
قعدت يومين أمام البيت علشان اعرف اطلع
قال المتهم الثاني " عبد العال محمود عبد العال " 36عاما ، الشهير بـ سيد العفريت ، يعمل نقاش أمام فريق النيابة العامة بقسم ثان أسيوط" اللي حصل إن أنا اعرف ناصر " المتهم الأول " من زمان لان أنا شغال نقاش وهو نقاش بس أنا الحال كان واقف معايا الأيام الأخيرة قابلني ناصر وقالي يا سيد أنا معايا سبوبه حلوة هناكل منها الشهد قولتله أية القصة يا ناصر قالي أنا اعرف لواء شرطة أموره مرتاحة واسمه " محسن بداري " وهو مرتاح وظروفه كويسة وهو طالع علي المعاش من زمان وبيقيض معاش حلو ومعاه بيت مؤجره للطلبة وبياخد منه فلوس كتيرة ومحدش ساكن معاه غير مرانه بس فهنروح أنا وأنت ونطلع البيت ونخلص عليهم ونلم كل اللي في البيت وبعد كدة نولع في البيت ونمشي ومحدش يعرف عننا حاجة فانا قولتله تمام أنا معاك في المصلحة دي عشان أنا الظروف واقفة معايا الأيام دي وثاني يوم طلعت أنا وناصر ناحية العمارة اللي في شارع فريال اللي ساكن فيها اللواء محسن، وأول ما وصلنا هناك من ناصر علي اللواء محسن وقاله أنا جايبلك معايا ٣ كيلو لاكية أخضر عشان أعملك بيهم حديد البلكونات، فاللواء قاله تالي يا ناصر أنا فوق فناصر قالي استناني هنا وأول ما أديك الإشارة اطلعلي فوق عشان تخلص، وبعد كدة طلع ناصر عند اللواء وقعد شغال في شبابيك البلكونات، وبعد كدة رن عليا ناصر وهو شغال فوق وقالي ياد استني شوية فانا قعدت مستني ناصر في البرجولة حوالي ساعة وربع ولما التليفون بتاعي فصل شحن.اخدت بعضي وروحت علي بيتنا، وفي نفس اليوم بعد ما خلص شغل ناصر عند اللواء محسن في البلكونات عدى عليا وقالي أنت مشيت ليه، قولتله التليفون بتاعي فصل وأنا مكنتش اعرف هطلع امتى قالي خلاص أنا بكره هاخدك معايا ونطلع فوق ونخلص الموضوع.
دخلت استخبيت في البلكونة لغاية ما المجني عليه الأول نزلواستكمل: تاني يوم راح ناصر للواء محسن وأنا كنت معاه وإحنا في الطريق اتصل اللواء محسن علي ناصر وقاله فينك رح ناصر قاله أنا بفطر وهاجي اشرب الشاي عندك وأول ما وصلت أنا وناصر عند البرجولة اللي تحت العمارة اللي ساكن فيها اللواء محسن كان معايا الشنطة بتاعتي وناصر كان معاه الشنطة بتاعتة، وناصر قالي انتظرني هنا أول ما اشورلك من البلكونة اطلعلي، فقعدت أنا مستني ناصر في البرجولة مستني ناصر يشاورلي، وطلع ناصر قاعد مع اللواء محسن في الشقة، وأول مرة رن عليا ناصر وطلعت في الاسانسير أول ما وصلت لقيت باب الشقة مقفول اخدت بعضي ونزلت تاني عشان أنا كنت متفق مع ناصر إن أول ما يتصل عليا واطلع هو هيفتحلي الباب من جوه، وبعدها بشوية ناصر رن عليا تأني وطلعت علي السلم علي ولقيت الباب مقفول بردة، ونزلت تأني وبعد كدة تليفوني فصل شحن وقعدت مستني ناصر في البرجولة تحت، وبعدها بربع ساعة أنا كنت قاعد باصص علي البلكونة لقيت ناصر بيشاورلي بيقولي اطلع عشان تليفوني كان فاصل شحن، وأول ما طلعت فوق خبطت خبطة خفيفة على الباب ففتحلى ناصر بسرعة وقالي ادخل على البلكونة استخبئ بسرعة، فانا دخلت علي البلكونة استخبيت وبعدها بشوية حوالي ربع ساعة نزل اللواء محسن واحد معاه ناصر عشان يشتروا لاكية ابيض بتاع السفرة اللي كان ناصر شغال فيها للواء محسن.
أنا جاي أخد الدهب والفلوس وامشيوتابع : أنا أول ما لقيتهم نزلوا فانا دخلت الشقة نفسها وقعدت أدور علي أي حاجة اقلبها وكنت ماسك السكنية في أيدي، ورحت دخلت الناحية الثانية فلقت وحدة ست لابسه عباية لونها ابيض، فانا قولتلها من غير ما تعملي أي دوشه وزعيق أنا جاي أخد الدهب والفلوس وامشي من غير ما أذيكي، فرحت هي مصرخه وهبشت فيا فأنا رحت زقيتها على السرير و حاولت اكتم بوقها بايدي وقولتلها انا مش عاوز اذيكي وبعد كدة أنا رحت مسكت رقبتها ورحت دبـ.ـحها بالسكينة اللي في أيدي وخلصت عليها في الحال وبعد كدة قعدت اقلب في الدولاب وطلعت فلوس من الدولاب كان في دهب لابساه في أيديها غوايش وأساور قلعتهملها، واخدتهم وحطيتهم في الشنطة اللي كانت معايا وكان في ذهب وفلوس في الدولاب طلعتهم وحطيتهم في الشنطة اللي كانت معايا وقلبت الأوضة كلها، وبعد كدة طلعت علي النيش برة وفتحت درج كان في معالق وشوك فملتقش في فلوس ولا حاجة وبعد كدة لميت كل اللي طلعته من الدولاب وحطيته في الشنطة بتاعتي وبتاعت ناصر وبعدين رحت ناحية الباب اللي دخلني منه ناصر وأول ما وصلت هناك لقيت الباب بيتزق لجوه رحت أنا فاتح الترياس بالراحة عشان أنا كنت قفلته أول ما طلعت من البلكونة، وفتحت الترياس واستخبيت عند باب الاوضة اللي علي يمين الباب.
دخل المجني عليه الأول وجدني في الشقةواستكمل: بعد كده دخل اللواء محسن ومعاه ناصر، و قفل الباب وراه، و شافني اللواء في البيت، و قالي " أنت مين أنت " وابتدأ يمسك فيا رحت أنا رفعت السكينة اللي كانت في أيدي في وشه وقولتله " متصرخش أنا جان اقضي مصلحة وماشي ومش عاوز أذي حد" ، راح اللواء قال لناصر حوش یا ناصر حوش یا ناصر، وناصر كان بيبص للواء محسن وبيضحك، وبعدين اللواء محسن مسك في طرطور الترينج اللي انا كنت لابسه، وأنا مسكت في اللواء برضة، وأول ما ناصر حس أن اللواء محسن هيتغلب عليا، راح ناصر دخل المطبخ وجاب أيد الهون ولما طلع من بره لقي اللواء محسن نايم علي الأرض ورأسه ناحية الكنبه وأنا أيدي في بوقه والسكينة في ايدي وأنا مش عارف افلت منه، فراح ناصر ركب علي الكنبة من فوق وكان معاه ايد الهون وراح ضرب اللواء محسن ثلاثة ضربات باید الهون علي دماغه فانا عرفت اطلع أيدي من بوق اللواء محسن بعد ما كان عض صباعي الإبهام في أيدي الشمال وانا مسكت السكينة اللي كانت في ايدي ودبـ.ـحت اللواء محسن بيها في رقبته لأني كانت راكب فوقيه وكمان عورته في جنب رقبته من وراء وعورته في ذراعيه من قدام عشان افلت منه عند الكوع.
ناصر سكب البنزين في الشقة وأشعل النيرانوقال المتهم الثاني في تحقيقات النيابة: بعد كده اللواء محسن سابني عشان كان بيفرفر خلاص وأول ما اتاكدت انه مات أنا قومت من عليه وأنا كنت مجهز الحاجة في الشنطتين بتاعتي أنا وناصر وحاطتهم علي الكنبة في الكرسي، وقلت لناصر يلا بينا يا ناصر فناصر قالي استني وخد ناصر التليفون بتاع اللواء محسن وحطه في قاعدة الحمام، وخد الهون معاه في الشنطة بتاعته وبعد كدة طلع ناصر وكان جايب معاة زجاجة مياه فيها بنزين مع اللاكية اللي كان جايبه معاه فمسك ناصر زجاجة البنزين وقعد يرش بيها علي الكراسي وعلي اللواء محسن نفسه، وبعد كدة ناصر جاب الكرسي اللي جنب الباب وحطه وراء الباب، وراح ناصر دخل المطبخ وفتح عين البوتاجاز عشان الغاز يتسرب في الشقة وبعد كدة ناصر قالي يلا بينا، وبعد كدة ناصر جاب حتة قماشة ولع فيها وراح رمها علي الكرسي وأنا كنت نزلت ومستنية علي أول السلم اللي يطلع الدور الثامن، وبعدين ناصر رمي حنة القماش جوه الشقة وقفل الباب وبعدين خد الولاعة بتاعته ونزل وكل واحد فينا كان شايل شنطة من الاتنين وبعد كدة وإحنا نازلين وعند الدور الثاني الولاعة بتاعت ناصر وقعت فسابها لان مكنش في نور علي السلم في الدور الثاني ونزلنا أنا وهو وطلعنا بره باب العمارة كان التيشرت بتاعي كله دم ومشينا ووقفنا عند كولدير مياه عشان اغسل التيشرت بتاعي من الدم والنسل وشي وبعدين ناصر قالي تعالي نروح القيسارية، فانا قولتله لا أنا لازم اطلع على البيت أغير هدومي، وبعدين رحت علي البيت ناحية الكركون قسم أول وناصر كان واقف مستنيني تحت البيت وغيرت هدومي وحطيت الهدوء اللي فيها دم في شنطة قماش وحطينا فيها الهون بالأيد بتاعته، وكانت السكينة جوه شنطة من الشنط اللي فيها المسروقات وبعدين اخدت ناصر ومشينا من عند البيت بتاعي واتمشينا ناحية مدرسة جلال الدين وبعدين مشينا ناحية معمل الكاتكيت وعدينا علي محطة المجاري من ضهرها وبعدين مشينا ناحية كوبري رعرع أنا وناصر وأول ما وصلنا ناحية كوبري رعرع وقبل ما أوصل كوبري رعرع عديت علي الترعة المرة ورميت الشنطة القماش اللي كنت حاطط فيها الهدوم اللي عليها دم والهون ورميتهم كلهم بالشنطة في الترعة المرة وبعدين طلعت السكينة ورميتها برده في الترعة المرة، وبعد كدة طلعت علي الدئري علي الاسفلت وكملت مشي لحد ما وصلنا القيسارية وأول ما وصلت القيسارية وصلنا عند محل هدوم واشترينا لبس أنا وناصر وقلعنا الهدوم اللي كنا لابسينها ولبسنا الهدوم الجديدة.
واستكمل: بعد كده طلعنا ناحية كوبري الوسطي عشان الدنيا هتبقي ملبشه حكومة وخدنا تاكسي رحنا كوبرى الوسطى وأول ما وصلنا هناك قعدنا شوية كتير هناك وأنا قولتله إن التليفون بتاعي فاصل، وقولتله تعالي ننزل ناحية نزلة عبد اللاه ودخلنا الوسطى اشتريت شاحن من محل هناك تحت الكوبرى وكان الكلام ده حوالى الساعة ١٢ بالليل وبعدين طلعنا الكوبرى تأني فراح ناصر قالى تعالى نروح ابنوب نستخبى هناك وأنا قولتله لا تعالى نروح الواحات أحسن وهو قالي لا عشان مكنش معاه بطاقة وبعدين خدنا ميكروباص وصلنا لحد الملجأ ومنها خدنا ميكروباص ثاني ورحنا على ابنوب وأول ما وصلنا هناك قعدنا على قهوة في أمام الموقف حتى الصبح ما طلع وكنت ساعتها شحنت تليفوني فاتصل بيا واحد صاحبي وقالي الحكومة واخد أمك واخوك أنت عملت ايه ؟ فانا قولتله خلاص أنا هركب وأنزلك فانا قولت لناصر أنا هنزل أسلم نفسي فقالي مع نفسك أنا مليش دعوة بيك فسيبتله الشنطتين اللي فيهم الحاجة واخدت ميكروباص ونزلت أسيوط أول ما وصلت ميدان البداري قابلني ضابط مباحث من قسم أول وسألني على صاحبي ناصر وبعدين ركبني عربية الشرطة ورحنا على قسم ثان وهناك سألني على ناصر صاحبي وأنا قولتلهم أن ناصر قاعد على قهوة في ابنوب وبعدين هما راحوا جابوه من أبنوب وده كل اللي حصل وبعدين جيت النيابة.
اتحاد الكرة يوضح: أسباب اختيار طولان لمهمة عاجلة