مروان حمدي بعد تتويج بيراميدز ببطولة إفرقيا: معلش لاي حد كأن عايز يشمت فينا

وجه مروان حمدي لاعب الفريق الأول لكرة القدم بنادي بيراميدز، رسالة بعد تتوج الفريق  ببطولة دوري أبطال إفريقيا.

وكتب مروان حمدي عبر حسابه الرسمي" إنستجرام": الحمد لله، احنا أبطال أفريقيا بعد تعب كبير جدًا وموسم عظيم لينا، ربنا كرمنا بأغلى وأهم بطولة، كسبناها عن استحقاق وبمجهودنا وتركيزنا وإصرارنا".

وتابع قائلاً:" فخور جدًا بينا وبأخواتي أحسن لاعيبة في مصر وأفريقيا، وأنضف شخصيات، كل فرد داخل منظومة بيراميدز يستحق الشكر، وشكرًا جدًا للجمهور المحترم اللي جاه ساندنا النهاردة".

واستكمل قائلاً:" حقيقي كانوا ناس جميلة جدًا، مفيش نادي في العالم بيتولد بجماهير، لكن الشعبية بتتعمل واحدة واحدة، والناس هتبدأ تشجع بيراميدز، وأنا واثق في ده إن شاء الله".

وأضاف مروان حمدي قائلاً: وقتنا دلوقتي نستمتع، وعايز أقول "معلش" لأي حد كان عايز يشمت فينا أو كان بيتمنى نخسر، معلش جدًا، صعبان عليا والله، ألف شكر لإعلامنا الجميل المحايد العسل النموذج على النزاهة والأمانة في الشغل، وعلى اهتمامه ببيراميدز الفترة اللي فاتت، وأنه فريق مصري وصل نهائي أفريقيا وتغطية جميع أخباره ومتابعته".

وأختتم قائلاً:" والمناسبة، احنا مكناش محتاجين دعمكم في حاجة، بس أنتم فعلًا واضحين جدًا للجميع، إلا من رحم ربّي، لكن ده العادي من إعلامنا المعروف عنه أنه بيشتغل الشغلانة صح بمعايير الإعلام المضبوطة، مش بيخاف من حد ولا شغال مصالح شخصية وماشي مع القطيع. الحمد لله، واخيرا هاردلك لمشجعين صن داونز الناطقين باللهجة المصرية".

طباعة شارك بيراميدز دوري أبطال إفريقيا مروان حمدي افرقيا

المصدر: صدى البلد