رانيا فريد شوقي توجه رسالة حزينة لشقيقتها ناهد: « أنا بعتذرلك »
تاريخ النشر: 7th, December 2023 GMT
أعربت الفنانة رانيا فريد شوقي، عن حزنها الشديد بفقدان شقيقتها «ناهد»، والتي فارقت عالمنا الثلاثاء الماضي بعد تعرضها لأزمة صحية مفاجئة .
واعتذرت «رانيا»، لشقيقتها ناهد فريد شوقي، حيث نشرت صورة جمعتهما، وذلك عبر حسابها بموقع الصور والفيديوهات الشهير «انستجرام»، وكتب: «للأسف بنعتاد الأحباب في حياتنا، كأنهم خالدين في الدنيا، زي ما نعتاد النعم كأنها مستمرة إلى الأبد، وده من عيوب البشر، أختي الحبيبة الغالية ناهد أنا بعتذر لك لأني اعتدك في حياتي، يمكن خيالي كان أضعف من إني أتصور فراقك ».
وأضافت رانيا فريد شوقي: يمكن خدتنا مشحانات الدنيا وربنا نور بصيرتنا، ورجعنا لحضن بعض والحب اللي اتربينا عليه، وحبنا لـ بابا كان دايمًا بيجمعنا، يمكن لأني نسيت إننا بنكبر كلنا، يمكن لأني جيت الدنيا لقيتك أختي الكبيرة القوية العنيدة، اللي ماتعرفش حاجة اسمها استسلام وإرادتها من حديد، قوتك كانت بطمني عليكي أنا مش عارفة أنا بكتب إيه بس اللي حساه أكبر بكتير من أي كلام، مازلت مش مستوعبة ولما حد بيقول الله يرحمها بتخض.
وتابعت: في الفترة الأخيرة كنت بشوف فيكي بابا، بكل حركاته وطريقة كلامه ونظراته وهزارك، وقُلت للأحفاد اللي ماشفوش جدهم، ناهد بقت نسخة من جدكم لما تشفوها كأنكم شفتوه سبحان الله، والغريب أني من الشخصيات اللي بتخاف تدخل على حد متوفي، لأنه بيبقي آخر انطباع بيفضل في الذاكرة، عن الشخص لكن لما دخلت وشوفت وشك مبتسمه كأنك نايمة، وبتحلمي حلم جميل، حسيت إنك شوفتي فريد ابنك بيستقبلك، وخدك لحبايبك، بابا وطنط هدى ومها أختنا، ده تفسيري لابتسامتك الهادية الجميلة الواضحة أوي، اللي هونت علينا كلنا فراقك، واللي مش هتفارقني اللي باقي من عمري.
رانيا فريد شوقي توصي شقيقتها :«سلمي على بابا»
واختتمت رانيا فريد شوقي: كنتي راضية بكل أقدار الله، ومسلمة أمرك لله إلى أن نلتقي يا أختي سلمي لي على بابا، وقوليله الحياة من غيرك مش حياة، ونفسي يجيلي في الحلم بقاله فترة غايب عني.. هتوحشيني أوي يا حته من أبويا ومن قلبي ».
شُيعت عصر الثلاثاء الماضي، جنازة المنتجة ناهد فريد شوقي، والدة الفنانة ناهد السباعي، من مسجد الشرطة بمنطقة الشيخ زايد بحضور عدد من نجوم الفن والإعلام.
نجوم الفن يودعون ناهد فريد شوقي لمثواها الأخير
وحضر صلاة جنازة ناهد فريد شوقي، مجموعة من الفنانين، أبرزهم:" أشرف زكي، سامح الصريطي، داليا البحيري، أحمد فريد، سليمان عيد، هشام إسماعيل، داليا مصطفى، لقاء سويدان، دنيا عبدالعزيز، بشرى، أحمد سعيد، نرمين الفقي، رانيا فريد شوقي، دنيا سمير غانم، غادة إبراهيم، ميار الغيطي ووالدها الإعلامي محمد الغيطي، حمزة العيلي والإعلامية بوسي شلبي ".
المصدر: بوابة الوفد
كلمات دلالية: رانيا فريد شوقي ناهد فريد شوقي وفاة ناهد فريد شوقي جنازة ناهد فريد شوقي عزاء ناهد فريد شوقي الفن رانیا فرید شوقی ناهد فرید شوقی
إقرأ أيضاً:
ياسمين عبدالعزيز توجه رسالة نارية على الهواء: "ليه مبتفكروش في ربنا.. هتترد لك"
فتحت الفنانة ياسمين عبد العزيز النار على من يروجون لفكرة فشل زواج الفنانين، مؤكدة أن المشكلة ليست محصورة في الوسط الفني وأن نسب الطلاق باتت مرتفعة في كل المجتمعات.
وكشفت خلال لقائها في برنامج "معكم منى الشاذلي"، على قناة"سي بي سي"، عن "الدرس المستفاد" من تجاربها السابقة، مشددة على أهمية الخصوصية والحفاظ على العلاقة الزوجية بعيدًا عن الأضواء.
ورفضت التعميم بأن زيجات الفنانين مصيرها الفشل، مشيرة إلى أن التحدي الحقيقي يكمن في "البركة".
وقالت: “أي جوازه في الوسط الفني... الناس بتقول بكره يتطلقوا. ليه؟ أي حاجة بتظهر للناس ما فيهاش بركة، ما فيهاش خير”.
وأكدت أنها تعلمت من هذا المبدأ، معلنة قرارها المستقبلي المتعلق بحياتها الشخصية: “أنا لو هتجوز في يوم من الأيام، أنا مش هظهر الكلام ده، أنا عايزة أعيش حياة مستقرة بعيدة عن الأضواء... مش هتجوز في السر، بس مش هظهر بقى الصور والحاجات دي”.
وشددت على أن هدفها هو خصوصية العلاقة وليس سريّة الزواج، محذرة من خطورة إظهار تفاصيل الحياة الخاصة للعامة.
وانتقلت ياسمين عبد العزيز إلى مهاجمة مستخدمي وسائل التواصل الاجتماعي الذين يتدخلون في حياة الأزواج، متهمة إياهم بـ"خراب البيوت" والتحريض.
حذرت ياسمين من قوة الحسد، قائلة: “كم عين بتبص على الصورة، كم عين بتبص على الفيديو؟ هو الحسد بيعمل إيه؟ الحسد بيموت”.
كما وجهت رسالة نارية لمن يكتبون التعليقات السامة، خاصة في حال وجود خلافات عابرة بين زوجين، قائلة: "في ناس كتير على السوشيال ميديا ما شاء الله عليهم بيخرب بيوت... يقعدوا بقى يقولوا كذا، طب افريد ما هم لسه هيتصالحوا؟ ليه تسخن الدنيا ما بينهم؟".
واختتمت حديثها بتوجيه تحذير أخلاقي صارم: “انتوا يا جماعة ليه ما بتفكروش في ربنا؟ هو اللي بيكتب حاجة زي كده... ما هيترد لك والله هيترد لك، كل حرف بتكتبه. تقي ربنا في اللي أنت بتكتبه، أنت بتخرب بيوت”.
اقرأ المزيد..