بيومي فؤاد لـ إسعاد يونس: «مبتكسفش أعمل كاستينج في السن ده»
تاريخ النشر: 28th, February 2024 GMT
كشف النجم بيومي فؤاد ، خلال لقائه مع الإعلامية إسعاد يونس، في برنامج «صاحبة السعادة»، المذاع عبر شاشة قناة «DMC»، عن حبه للأعمال الفنية، قائلًا: «مبتكسفش أعمل كاستينج في السن ده».
أول أجر يتقاضاه بيومي فؤادوأوضح الفنان بيومي فؤاد، أن أول أجر تقاضاه من عمله في الفن كان 750 جنيهًا، قائلًا: «كان ذلك عقب عملنا بروفات لمسرحية مدة سنتين، وعرضناها في مركز الهناجر للفنون الكلام ده في سنة 1997، والرقم ده أنا مصدقتش نفسي، معقول همثل والناس هتتبسط وكمان هاخد فلوس، هي دي النعم، احنا كنا بنصرف على المسرحيات قبلها».
وأشار فؤاد خلال لقائه مع الإعلامية إسعاد يونس، إلى أنه يحب العمل كثيرًا، ودائمًا يطلب من الله عدم الجلوس في المنزل بدون عمل، متابعًا: «أنا طالع لأبويا وبحب الشغل، وبدعي ربنا على طول أنه يكفينا قعدت البيت من غير شغل».
بيومي فؤادالفنان بيومي فؤادوكشف بيومي فؤاد، عن رأيه في خضوع الفنانين لـ كاستينج قبل التعاقد على الأعمال الفنية، قائلًا: «قبل الشهرة بشوية عملت كاستينج مع يسري نصر الله ومخدنيش، ولما قابلته بعد كدا اتكسفت أني أسأله، بس هو اللي قالي مش أنا كنت عملتلك كاست ومخدتش، عارف ليه؟ عشان أنت مكنتش لايق على الدور ده، مبتكسفش من أني أعمل كاستينج في السن ده، أحمد بدير ونور الشريف عملوا كاستينج مع يوسف شاهين في المصير».
اقرأ أيضاًمسلسلات رمضان 2024.. محمد سلام وبيومي فؤاد يجتمعان في الكبير أوي 8
هدية حامل وظهور بيومي فؤاد ومحمد سلام.. مفاجآت في برومو الكبير أوي 8
برومو الجزء الثامن من الكبير أوي.. تفاصيل ظهور محمد سلام وبيومي فؤاد
المصدر: الأسبوع
كلمات دلالية: اسعاد يونس الإعلامية اسعاد يونس الفنان بيومي فؤاد برنامج صاحبة السعادة بيومى فؤاد بيومي بيومي فؤاد بیومی فؤاد
إقرأ أيضاً:
«ابني اتقال له أسود زي أبوك» .. بيان مؤلم من محمد رمضان | تفاصيل صادمة
أصدر الفنان محمد رمضان بيانًا رسميًا، أعرب فيه عن استيائه وغضبه من انتهاك خصوصية نجله، ونشر صوره مقترنة بالقضية المنسوبة إليه، بالإضافة إلى ما وصفه بالتعامل العنصري والتنمر على لونه.
ونشر رمضان عبر حسابه الرسمي على موقع "إنستجرام" صورًا من القانون المصري الذي ينص على ضرورة حجب هوية الأطفال، وعلّق قائلًا: "القانون ده من 2018، يا سادة، بضرورة حماية الطفل والعيلة، من خلال حجب هوية الطفل واسمه وصورته عن الإعلام والصحافة، حتى لو كان مجرد شاهد في قضية.
لكن لأن الطفل ده أبوه محمد رمضان، يبقى (حلال)! وبالأمر يصدروا بيانًا صحفيًا لكل الصحف والمواقع العامة والخاصة والحكومية: انشروا صورة ابن محمد رمضان، واكتبوا إنه هيتاخد من أمه وأبوه وهيروح دار رعاية!
مع إن القانون بيمنع النشر، لكنهم نشروا!
من حقي كأب أعرف: مين خالف القانون؟ ومين أصدر البيان الصحفي اللي ولا مؤسسة واحدة قدرت ترفض نشره؟
ورغم كل شيء، لا أشك أبدًا في نزاهة القضاء المصري".
محمد رمضان: ابني كان في حاله
وأضاف البيان: "ابني، اللي كان واضح في الفيديو اللي النيابة شافته، كان قاعد في حاله مع أخته الصغيرة في النادي، وراح له مجموعة أطفال وقالوله: (إنت أسود زي أبوك، وأبوك عنده فيلا كبيرة وعربيات علشان فلوسه حرام، إنما إحنا عايشين في شقق نيو جيزة علشان أهلنا مش حرامية).
ولما ابني كلّمني في التليفون، سمعت الكلام ده بنفسي.
وواضح إن ده كلام أهل طفل من الأطفال، لأن مستحيل طفل يفكر كده. وده في حد ذاته بيزرع الحقد والغلّ الطبقي بين الأطفال".
وتابع قائلًا: "رُحت لابني في النادي، واتكلمت مع الأطفال قدّام فرد الأمن ومدرب السباحة، وقلت لهم: (إنكم إخوات وجيران)، وده واضح في فيديوهات النادي اللي شافتها النيابة.
عمومًا، دي حلقة من سلسلة طويلة من الاضطهاد الواضح، والقسوة، والتعنّت تجاهي، على مدار أكثر من 11 سنة.
وبكتب النهاردة لأني ما تخيلتش إنهم يدخلوا طفل عنده 11 سنة في معركتهم مع أبوه!
ما توقعتش قسوة الحكم، والتشهير بيا وبعيلتي للدرجة دي.
وللعلم، الشارع المصري فاهم اللي بيحصل، وشايفه بوضوح الشمس."
واختتم قائلًا: "لكن، مهما حاولوا، ومهما ظلموا، سواء بالقصد أو بالجهل، هنفضل أنا وأولادي وعيلتي نحب بلدنا، وهنعيش ونموت فيها.
ولا عاش ولا كان اللي يكرهني في مصر.
نحيا كمصريين أولًا، بحبنا لبعض، من غير غيرة أو حقد أو استكثار.
علشان... تحيا مصر".
اللواء شقير: ستعود المناطق المحتلة في الجنوب الى الدولة وأهلها