شيف يحشو الممبار بالدولار: عايز أبسط الناس
تاريخ النشر: 1st, March 2024 GMT
قال الشيف أيمن النجار، صاحب ترند حشو الممبار بالدولار، إن الهدف من حشو الممبار بالدولار يرجع في المقام الأول إلى خلق نوع من الفكاهة بين المواطنين وادخال السرور على قلوبهم "عايز ابسط الناس".
وأوضح الشيف أيمن النجار، خلال مشاركته في برنامج "هي وهما" الذي تقدمه الإعلامية أميرة عبيد على قناة الحدث اليوم، أن انشغال المواطنين بسعر صرف الدولار على مدار الساعة دفعه لتنفيذ هذه الحيلولة، مضيفا: قمت بحشو الممبار بالدولار كنوع من الفكاهة وجذب أكبر عدد من المشاهدين، لافتا إلى أنه اخترع مسابقة لجلب الزبائن من خلال حصولهم على دولار واحد حال شرائهم كيلو ممبار على طريقة "فتش على الدولار في الممبار".
وعن مصدر حصوله على الدولار، قال صاحب ترند حشو الممبار بالدولار، إنه كان يعمل في السعودية وقطر وعدد من الدول الأخرى ودائما ما يحتفظ بهذه العملة، موضحا أن لديه عدد من الزبائن الخلايجة يشترون منه الممبار والطعام بالدولار.
وأوضح أنه ورث أسرار المهنة من أجداده، وأمتلك أدوات للطهي بلغ عمرها 44 عاما، موضحا أنه سافر مع والده حارج البلاد في التسعينات لتعلم الطهي على يد باكستانيين وإيرانيين ويمنيين.
المصدر: صدى البلد
إقرأ أيضاً:
بلال قنديل يكتب: مش من حقك
في وقت بقينا كلنا فيه عايشين وسط زحمة الناس وزحمة الآراء، بقى الطبيعي انك تلاقي حد بيتكلم عنك، وحد بيحكم على تصرفاتك، وحد تاني بيحاول يغيرك عشان تبقى على مزاجه. بس الحقيقة البسيطة اللي الناس ناسيينها انك انت مش مرآة لحد، ومش تابع لحد، ومش من حق أي انسان يفرض عليك طريقة تعيش بيها حياتك.
مش من حقك تقوللي ألبس ايه، ولا أمشي ازاي، ولا أتعامل مع مين، ولا حتى احلم بإيه. مش من حقك تحطني في قالب انت شايفه مناسب ليك. انا حر، وعندي عقلي، وبعرف افكر، وعندي تجارب ووجع ومواقف خلتني ابقى الشخص اللي قدامك دلوقتي.
لو شايفني غلطان، من حقك تنصحني، لكن مش من حقك تفرض عليا قرارك وتعتبر انك بتعمل كده لمصلحتي.
فيه ناس بتفتكر ان القرب معناه السيطرة، وان الحب معناه التحكم، وان النصيحة لازم تكون أوامر. وده اكبر غلط. لان اقرب الناس ليك المفروض يكونوا اكتر ناس بيدوك مساحة تتنفس وتغلط وتتعلم. مش اقرب الناس هما اللي يقفلوا عليك ويحاسبوك على كل نفس.
الناس بقت تحب تتدخل، بقت تحب تسأل وتلاحق وتتابع، مش بدافع الاهتمام الحقيقي، لكن بدافع الفضول، او الاحساس بالتفوق، او حتى الهروب من مشاكلهم. والمشكلة الاكبر انهم لما ما يسمعوش اللي يرضيهم، يبتدوا يوجعوا بالكلام، ويحكموا، ويسيئوا.
المجتمع اللي عايز الكل نسخة واحدة، مجتمع مريض. ومفيش تطور ولا ابداع ولا راحة نفسية في بيئة مافيهاش حرية شخصية. لما تكون كل خطوة محسوبة عليك، وكل قرار لازم ياخد عليه الناس رأي، ساعتها تبقى مش عايش، انت مجرد آلة بتنّفذ اللي يرضي الناس.
محتاجين نرجع نفهم تاني يعني ايه احترام خصوصية، يعني ايه نسأل نفسنا قبل ما نتكلم: هو ده شغلي؟ هل انا مؤهل احكم؟ هل اللي بعمله هيبني ولا هيكسر؟ لأن الكلمة اللي بتطلع مش بترجع، والتدخل اللي مش في مكانه ممكن يبوّظ حياة بني آدم.
في النهاية، كل واحد فينا ليه حكاية، وليه وجع، وليه اختيارات. فلو مش هتدعم، اسكت. ولو مش هتفهم، متحكمش. مش من حقك تكون انا، ولا تكون صاحب القرار في حياتي. خليك في حالك، وخلي غيرك في حاله. كده بس نقدر نعيش في سلام حقيقي.
"احترم خصوصية غيرك، زي ما بتحب الناس تحترم خصوصيتك، لأن الاحترام الحقيقي بيبدأ من هنا."
ريانة البرناوي: أكثر من 80 ألف طالب شاركوا في مسابقة “الفضاء مداك” ..فيديو