احنا صعايدة.. استشاري نفسي: أسر تحاول إنهاء حياة بناتها بسبب قصة حب
تاريخ النشر: 26th, April 2024 GMT
تحدث د. جمال فرويز استشاري الطب النفسي، عن طرق التعامل مع أسئلة الأولاد والبنات عن الحب والارتباط والصداقة، وذلك خلال حواره ببرنامج "كل يوم" الذي يقدمه الإعلامي والمحامي الدولي، الدكتور خالد أبو بكر على قناة ON"".
وشدد على ضرورة الاستماع بحرص للأبناء والبنات، حينما يتحدثون عن علاقتهم العاطفية، مضيفًا:" ابني جالي واعترفلى بحبه من أيام الجامعة".
وحذر من أنه :"فيه بنات بتنتحر وأولاد بتهرب من رد فعل الأسرة على دخولهم في قصة حب"، مشددًا على أن الأب هو الأمان والقدوة وغيابه أو تشدده يؤدي لاضطرابات نفسية للأبناء.
وتابع :"المجتمع الشرقي بيفرح بالولد الجان اللي ليه علاقات والعكس مع البنات.. احنا ناس صعايدة يابيه.. وهناك أسر تحاول إنهاء حياة بناتها بسبب خطأها في قصة حب".
وشدد على ضرورة أن يعترف الطرفان في العلاقات العاطفية كلًا منهما للآخر قبل الوصول لمرحلة الزواج.
المصدر: صدى البلد
إقرأ أيضاً:
لو البوست ده نزل يبقى خلصت على نفسي.. شاب يودع أسرته برسالة مؤثرة
أثار شاب من محافظة الشرقية، يعمل محامي، حالة من القلق بعد تركه رسالة مؤثرة عبر حسابه على مواقع التواصل، ودع فيها أسرته وأحبائه.
وكتب عبر حسابه الشخصي على موقع التواصل الاجتماعي فيسبوك: "لو البوست ده نزل يبقى أنا اخدت القرار اللي بقالي فترة كبيرة بفكر فيه وكنت متردد والقرار ده هو اني اخلص كل اللي حواليا من أنهم يشيلو همي، معني ان البوست ده نزل يعني هتلاقوني في المكتب ومخلص علي نفسي".
وتابع: “بس فيه كلام نفسي اقوله لكل الناس اللي كانوا في حياتي الحلو منهم والوحش وأولهم عيلتي، ابويا أنا كان نفسي افرحك أوي وكان نفسي أنك تبقي فخور بيا بس للاسف ماعرفتش اعمل كده وللاسف خذلتك”.
وكتب: “أمي انتي أغلي حاجه عندي في الدنيا والتراب اللي بتمشي عليه ده كان بيريحني ان نفسك في الدنيا وانك جمبي”.
وأضاف: “اختي ايمان انا بحبك اوي انا عارف قد ايه انتي هتبقي زعلانه عليا بس بقدر الإمكان انا عايزك تطلعي أمك من اللي هاتبقي فيه، اخواتي الرجاله انا بحبكم واحد واحد وكان نفسي اقولكم اني بحبكم كلكم ونفسي مابقاش قصرت مع حد فيكم”.
وأكمل: “ولاد اخواتي انتو السند والضهر لجدكم وستكم خلوا بالكم من نفسكم انتوا احسن حاجه حصلت ليا في حياتي وعمري ماكنت اتخيل اني احب عيالي قد مانا بحبكم كده، عمي وولاد عمي وباقي قرايبي انا كنت بحبكم قوي واكتر من نفسي كمان”.
واستطرد: “صحابي ابقوا خلوا بالكم من ابويا وامي وعوضهم عني ويارب تبقوا فاكرني طول العمر بالحلو بس اصل هي مش مستاهله ابقي ميت الموته دي وسيرتي كمان في الدنيا وحشة”.
واختتم: “وفي الاخير يارب اكون سيرتي حلوه وسط الناس ويكون الناس كلها تفتكرني بالطيب ولو اي حد زعلان مني انا اسف بس مالقتش حل اني يبقى عندي 35 سنة ولسه زي مانا ماعملتش حاجة في دنيتي غير اني اروح لربنا انا بحبكم كلكم وبتمني ليكم كلكم الخير”.
شاهد | الرئيس الإماراتي يستقبل ترامب في قصر الوطن بأبوظبي