???? اي جيش في الدنيا بتحصل فيه خيانة
تاريخ النشر: 21st, May 2024 GMT
استغرب من زول يقول ليك في خيانة في الجيش
ياخي للمرة المليون .. اي جيش في الدنيا دي بتحصل فيهو خيانة
و قبل كدة قلنا انو قبل كدة في عهد الرسول عليه الصلاة و السلام حصلت الحاجة دي في جيش بقيادة افضل الخلق عليه الصلاة و السلام
و هسي دي جيش المليشيا المرتزقة فيهو خيانة و في عناصر من مختلف الرتب موجودة داخل الدعم السريع موالية للجيش السوداني و بترفع تقارير
و داخل الجيش السوداني في رتب و عناصر موالية للدعم السريع و بترفع تقارير
و في حلتكم في كم نفر بطلعوا بتونسوا معاكم بالنهار و بالليل برفعوا تقارير للدعم السريع
و في مناطق سيطرة الدعم السريع في عناصر موالين للجيش و برفعوا تقارير للجيش
و كل جيوش العالم دي مخترقة و فيها ناس بترفع تقارير للجيوش البيغادي
و الحاجة دي ما اكتشاف ولا شي جديد … الحاجة دي بديهيات و اساسيات
و رغم ذلك تنتصر الجيوش …
ببساطة لانك مستحيل تقدر تتحكم في 250 الف شخص و تضمن نضافتهم وولاءهم المطلق .
ما حتقدر 250 الف شخص تضمن انو ما فيهم زول ماسكين عليهو حاجة او تم اغراؤه بمبلغ كبير او ماسكين ولدو او بتو رهينة او غيرها من الدوافع
و ما حتقدر تنضف الجيش من الخونة .. كضاب … انا دايما ضد اي كلام مافي آلية او طريقة لتطبيقو في ارض الواقع … اي ممكن تمسك ليك خائن خائنين تلاتة بي سببهم باقي الخونة يبقوا اكثر حذرا يعني خلال رفع تقاريرهم …
الشعار ده عامل زي شعار اي كوز ندوسو دوس الزمان بيتقال داك .. هو كلام و خلاص
اي مؤسسة فيها الكويس و فيها الكعب
نحنا تكفينا الامثلة زي محمد صديق رحمه الله و ادخله الفردوس الاعلى
يكفينا فخرا انو جيشنا فيهو زي ديل .. و الزيو كتاااااااااااار جدا في الجيش
و باذن الله الجيش السوداني سينتصر رغم الخونة الموجودين فيهو
ربنا باذن الله ما حيخذل الشرفاء الكتار جدا في الجيش السوداني
نحنا مع الجيش السوداني في اي معركة ينهزم فيها و نحنا معاهو في اي معركة ينتصر فيها و نحنا معاهو رغم وجود خيانة في صفوف الجيش …
باذن الله جيشنا سينتصر
Ahmed Crash
المصدر: موقع النيلين
كلمات دلالية: الجیش السودانی
إقرأ أيضاً:
حفتر من الدعم اللوجستي إلى المواجهة المباشرة مع الجيش السوداني
تحركات قوات الجنرال المتمرد خليفة حفتر الذي يسيطر هو و أبناؤه على شرق ليبيا منذ تمرده على الحكومة الشرعية المعترف بها دولياً في مايو 2014 على الحدود السودانية الليبية نأتي في إطار خطة دويلة الشر للسيطرة على منطقة العوينات و بعض النقاط الحدودية لضمان تدفق قوافل إمداد مليشيا الجنجويد التي فشلت في القيام بالمهمة نتيجة للنشاط المكثف لقوات محور الصحراء المشكلة من القوات المسلحة و المشتركة و هيئة العمليات ، و لإيجاد بديل لطرق الإمداد التقليدية عبر تشاد التي تشهد تذمراً معلناً من كبار ضباط الجيش إعتراضاً على تورط قيادتهم في استخدام مطار (أم جرس) و معبر أدري لإمداد المليشيا ..
حفتر بالإضافة للقوات التابعة له فإنه يستخدم مرتزقة من عدة دول أفريقية بالإضافة إلى روسيا و كولومبيا و يستعين بمستشارين من بعض الدول الأوروبية ..
الإشتباكات التي وقعت بين القوات السودانية و قوات و مرتزقة حفتر قبل يومين بالقرب من منطقة العوينات تؤكد بوضوح تحول دور الجنرال المتمرد من الإمداد اللوجستي للمليشيا إلى المواجهة المباشرة مع قواتنا المسلحة تنفيذاً لمخطط دويلة الشر المصطنعة ، و يعد تطوراً خطيراً يستدعي التعامل معه بما يستحق ، و بالتالي فإن قواته و مرتزقته و مراكز إمداد المليشيا داخل الأراضي الليبية التي يسيطر عليها أصبحت أهدافاً مشروعة للجيش السوداني ..
على الحكومة الشرعية في ليبيا أن تتخذ الإجراءات المناسبة في مواجهة هذا التصعيد إلتزاماً بالإتفاقات الموقعة بين البلدين و نتائج و مخرجات زيارة الفريق البرهان القائد العام للقوات المسلحة رئيس مجلس السيادة إلى طرابلس في شهر فبراير من العام الماضي 2024 و من أجل الحفاظ على حسن علاقات الجوار ..
حاج ماجد سوار سوار
10 يونيو 2025
مظاهرات حاشدة في إيران تطالب بالرد على إسرائيل والثأر لدماء القادة