1- متوزعة بين الجهات الأربعة
أخبار متعلقة
قصيدتان لــ أسامة الغزولى
قصيدتان لـ منال رضوان «شعر»
قصيدتان لـــ أسامة الغزولى
متوزعة
بين الجهات الأربعة
ومفيش علامة عالطريق
معرفش إيه بيودى فين؟
البوصلة ضايعة
والغيوم
حاجبة السما
حاسة بضيق
يا رب أنا حاسة بضيق
محتاجة منك معجزة
تنزل على قلبى بسلام
توهب لى مفاتيح الكلام
مثلا تجينى فى المنام
منك إشارة
أو مرة تبعت لى بشارة
تجمع شتات روحى
اللى ياما اتوزعت
علشان تعود لى باليقين
فتعود بكومة أسئلة
أطلق طيورى الأربعة
وبكل لهفة أنتظر
يأتونى سعيا
ما يجينى رد
إلا صدى صوتى الحزين
جربت ليك كل السكك
واللى وصل لك ما هلك
وأنا خايفة أكون م الهالكين
أنا باستعيذ بمحبتك
من حجيم المنتصف
ومن غيامة الاحتمال
وكتير باشوف الكون سؤال
كل ما أحاول أفسره
بيزيد غموض
أرجع وشايلة فى جعبتى
نفس الردود
نفس المتاهة المظلمة
نفس الإجابات البليدة المبهمة
أرجع وشايلة فى قلبى قيد
كل أما أحاول أكسره
ألقاه حديد
وأنا يادوب كائن ضعيف
بيمر عالأيام بسرعة
كأنه طيف
الوقت زاحف ناحيته
عقرب مخيف
كائن ضعيف
يوم ما اتولد
وشموا على جلده الطرى
تابوهات كتير
دقوا له فى الهون النحاس
اسمع كلام أمك وأبوك
فتحوا له باب
وحذوره من أى باب مقفول
فجأة لقى روحه فى نفق
وآخر النفق فيه غول
كائن جهول
راضع مع الخوف الفضول
كل أما يمشى فى رحلته
تكبر وتتقل جعبته
ومفيش رجوع
ومفيش مفر
من الوصول
2- صورة سيلفى
خففى التجاعيد شويه
كترى ضى الفلاتر
زودى اللمعة فى عيونك
خلى بالك
من رنين الضحكة
وإنتى بتضحكيها
زودى الإيكو شوية
واكتبى دايما قصايد
فيها إحساس التفاؤل
خلى سيرة الحب حاضرة
حتى لو طول عمره غايب
حطى باقة ورد حمرا
صبحى على أصدقائك
خلى كل اللى يشوفك
يفتكر إنك سعيدة
صدقى كل الكلام
اللى فى العادى يقولوه
إيه الجمال دا
إنتى هايلة
إنتى روعة
واللى يبعت لك
على الخاص أشكريه
وابعتى له قلوب كتير
القلوب الحمرا دى
اللى بتطير فى الهوا
جمعيها فى كف إيديك
سمعيها نبض قلبك
واطلقيها فى شاشة زرقا
كل ما فيها افتراضى
عيدى نفس الحالة عادى
كل ليلة
وكل يوم / عيشى فيها
أى كدبة فى الوجود
بذرة صالحة تكون حقيقة
المهم تصدقيها
ثقافة سور الأزبكية قصيدتان متوزعة بين الجهات الأربعة صورة سيلفى.المصدر: المصري اليوم
كلمات دلالية: زي النهاردة شكاوى المواطنين ثقافة قصيدتان زي النهاردة
إقرأ أيضاً:
أحمد فلوكس يدعم «السقا» بعد موقفه مع محمد صلاح
حرص الفنان أحمد فلوكس على توجيه رسالة دعم إلى صديقه الفنان أحمد السقا، تعليقًا على موقفه الداعم للنجم محمد صلاح، ورسائله الموجهة إلى إدارة نادى ليفربول.
ونشر أحمد فلوكس، عبر حسابه الرسمى على موقع «فيسبوك» رسالة أشاد خلالها بمواقف السقا الإنسانية، واصفًا إياه بأنه صاحب قلب أبيض ونقى، وداعم حقيقى لكل من يحبهم، ولا يتردد فى مساندة أصدقائه دون حسابات أو تخطيط، خاصة عندما يتعلق الأمر بمن يكن لهم المحبة.
وكتب أحمد فلوكس: «الصاحب الجدع أبو القلب الأبيض النقى اللى بيحب يساعد كل اللى بيحبهم... اللى فى ضهرك بدون ما يفكر.. اللى فى قلبه على لسانه... لا بيحسبها ولا بيخطط خصوصا لو فى حاجه تخص اللى بيحبهم... انقى منك ماشوفتش يا محترم يا محب لمحبينك.. ربنا يحفظك... السقا ابو الرجوله والقلب الطيب».
رسالة دعم احمد السقا لمحمد صلاحوكان أحمد السقا وجه رسالة دعم ومساندة للنجم العالمى محمد صلاح، فى ظل الأزمة الأخيرة التى يمر بها مع ناديه ليفربول.
وقال السقا، فى مقطع فيديو نشره على حسابه الرسمى بموقع «إنستجرام»: «فيه مثل عندنا فى مصر بيقول يا جبل ما يهزك ريح، ولو مش عارف عملت إيه اسمحلى أفكرك، شوف جبت كام بطولة لليفربول، إنت فخر العرب فعلاً، خلى ثقتك فى نفسك تزيد مش تتهز».
وأضاف «السقا» مؤكدًا ثقته الكبيرة فى قائد المنتخب: «ركز يا صلاح، حاطين عليك أمل كبير فى بطولة أمم أفريقيا وكأس العالم، بنحبك يا صلاح».
الأجواء الشتوية تفرض نفسها..الأرصاد تعلن تفاصيل حالة الطقس