محمد سامي يوجه رسالة مؤثرة لتامر حسني: قدمتني للجمهور كأب.. والأخير: ولسا الجاي أحلى

تصدر اسم المخرج محمد سامي، التريند على محركات البحث المختلفة خلال الساعات الماضية، وذلك بعدما نشر صورة من كواليس مسلسل «آدم»، تجمعه بالفنان تامر حسني وأرفقها برسالة مؤثرة.

تصريحات محمد سامي

حرص محمد سامي، على توجيه الشكر للفنان تامر حسني، كنوع من أنواع رد الجميل على تقديمه للجمهور، ونشر عبر صفحته الرسمية على موقع التواصل الاجتماعي «فيسبوك» صورة تجمعهما من كواليس تصوير مسلسل «آدم»، ووجه من خلالها رسالة إلى تامر حسني.

وقال محمد سامي، أنه تذكر الرحلة التي قضاها في مسيرته الفنية، منذ العمل الأول وحتى العمل الحالي الذي يقوم بتصويره، وكيف كان الحصول على فرصة أمراً صعباً للغاية.

تامر حسني ومحمد سامي

وعبر محمد سامي، عن سعادته بصداقة الفنان تامر حسني، مؤكدًا أنه كان من أول الداعمين له، قائلًا: «وَلَا تَنْسَوُا الْفَضْلَ بَيْنَكُمْ» وأنا قاعد إمبارح في التصوير افتكرت الرحلة والشقى والتعب من أول عمل لحد العمل اللي بصوره دلوقتي وافتكرت صعوبة الحصول على فرصة عشان الواحد يثبت نفسة ويحقق أحلامه، فطبعا افتكرت أخويا وصاحبي الجدع الطيب الخلوق اللي دعمني من أول لحظة وكان سبب في اللي أنا فيه دلوقتي، تامر قدملي كل الدعم والحب والإمكانيات اللي خلتني أثبت نفسي».

المخرج محمد سامي

وأضاف محمد سامي: «وبالذات في وقت كان صعب الشباب ياخد في الدراما فرصة بحجم مسلسل آدم، فاكر إن الكل كان رافض إني آخد الفرصة دي ومستكبرينها عليا إلا هو، وقف في ظهري كأنه بيحارب لأخوه وبصلي مرة والظروف كلها ضدي وكنت حاسس وأنا بحضر أنهم هيجيبوا حد غيري وقالي ده مسلسلك وهتعمله وهتنجح وهتنجحنا معاك، حتى طريقته المتواضعة وهو بيقولي مسلسلك كأني عامل تسع مسلسلات قبله تحسس الواحد بنفسه وأهميته».

رد تامر حسني على محمد سامي

من جانبه رد تامر حسني، على منشور محمد سامي، قائلًا: «يا سامي يا حبيبي يا بن الناس الطيبين شكرًا من كل قلبي على كل حرف خارج من قلبك كتبته في حقي، خلتني أدمع يا سمسم، أولًا أنا صدقت موهبتك من و انت صغير سنًا لإنك فعلًا موهوب موهبة مش عاديه و تاريخ نجاحاتك يشهد بكده، كنت عارف وانا بقدمك إني بقدم مكسب حقيقي للصناعة و من يوم ماسجلت رقمك على تليفوني و هو مكتوب سامي إبني، عشان كان إصراري على تقديمك كان بقلب أب مش صديق من سنك أب مصدق في إبنه و عارف إن الناس مش هيدوله فرصه يطلع عشان سنه صغير».

تامر حسني ومحمد سامي

وتابع تامر حسني: «الحمدلله برحلتك و رحلتي اثبتنا للدنيا إنها مش بالسن لأ!.. بالمجهود و التعب و الشطارة و المذاكره و انت كل الصفات دي كانت فيك وانا لوحدي اللي عارف، عشان كده صممت إن الدنيا كلها تعرف معايا حجم موهبتك الحقيقي، حتى أعمالي اللي من إخراجك ليها مكانه خاصه في قلوب الناس، وكتب تامر حسني أعماله التي أخرجها مع محمد سامي قائلًا: «مسلسل آدم، فيلم أهواك، فيلم تصبح على خير».

وتابع: «ولسه إن شاء الله نجاحات جاية مستنيانا مع بعض، ربنا يوفقك يا حبيبي في كل شغلك اللي جاي وتكسر الدنيا وفي القمة زي عادتك، يا محمد شكرًا تاني على البوست الصادق ده شكرًا يا أصيل يا محترم، ربنا يخلينا دايمًا لبعض ضهر وسند».

اقرأ أيضاًليلة رائعة.. أول تعليق لـ تامر حسني بعد حفله في الساحل | صور

برفقة ابنتيه.. أبرز لقطات حفل تامر حسني في الساحل الشمالي

«فرحتوني من قلبي».. تامر حسني يحتفل بعيد ميلاده مع أهالي شبرا

المصدر: الأسبوع