تريند البنات: أغاني فيها موسيقى حلوة بس كلامها ضعيف… ليه بنسمعها وندمن عليها؟
تاريخ النشر: 9th, July 2025 GMT
في زمن السوشيال ميديا والمقاطع السريعة، بقت الأذن تدور على حاجة مختلفة… مش دايمًا لازم نسمع أغنية علشان كلماتها العميقة أو معناها الكبير، أحيانًا بنسمع ونُدمن أغاني كلماتها سطحية أو حتى "مفيهاش معنى"، بس الموسيقى… بتخطف.
والمفارقة إنك ممكن تلاقي واحدة بتقول: "أنا عارفة إن الكلام ملوش أي معنى بس مقدرتش أبطل أسمعها!"، وكأن الموسيقى عاملة نوع من "السحر اللحظي" اللي بيغطي على أي ضعف في الكلام.
طيب ليه ده بيحصل؟ وإزاي الأغاني دي بتتحول لتريندات؟
أولًا: الموسيقى بقت هي اللغة الأولى
زمان كان الناس بتقعد تسمع الأغنية عشان تعيش في كلماتها وتحلل معناها، لكن دلوقتي، في عالم السرعة والدوشة، الموسيقى بقت أسرع وسيلة تنقل إحساس. لو اللحن شدّك من أول كام ثانية، فالمخ خلاص بيقرر "نسمع"، بغض النظر عن الكلام.
ثانيًا: الإيقاع أهم من المعنى
الأغاني اللي فيها Drop موسيقي قوي أو Chorus "يدوّخ" بتبقى هي الأكثر انتشارًا، خصوصًا وسط البنات اللي بيحبوا يستخدموها في خلفيات فيديوهاتهم على تيك توك أو إنستجرام. حتى لو الكلام مش عميق، الإيقاع بيكفي عشان ينقل الحالة اللي حابة تعيشها أو تظهرها قدام الناس.
ثالثًا: إحساس "المود" أهم من النص
بنسمع الأغنية مش عشان نحللها، لكن عشان تحطّنا في حالة. واحدة بتحب تحس إنها "مجنونة شوية"، فتختار أغنية كلامها ساخر أو عشوائي. واحدة تانية بتحب تحس إنها رومانسية، فممكن تختار أغنية مليانة "كلام كليشيه" لكن اللحن ناعم وجذاب.
رابعًا: أغاني التريند بتفوز… حتى لو ضعيفة
بعض الأغاني بتنجح بس علشان اتقالت في مسلسل مشهور، أو تريندت في رقصة مشهورة، أو حتى مطربها محبوب. الكلمات مش دايمًا بتلعب دور البطولة، واللي بيكسب هو التأثير اللحظي و"الستايل"، مش المضمون.
خامسًا: التوزيع الموسيقي بقى فن لوحده
النهاردة بنسمع أغنية مش علشان كلماتها، لكن عشان الموزّع! فيه أسماء بقوا نجووم لأنهم بيعرفوا "يطبخوا" مزيكا تسمّعها وانت سايب الدنيا حواليك. الأغنية ممكن تبقى كلماتها ضعيفة، بس فيها Beat يخليك تدوس "إعادة تشغيل" 10 مرات.
وفي النهاية، الأغنية مش بس كلام… الأغنية إحساس، لحظة، حالة مزاجية، وصوت يقدر يوصلك حتى لو الكلام فاضي.
وعلشان كده، بقت البنات أكتر ناس بيختاروا الأغاني على أساس إحساسها مش معناها.
والمفارقة؟ ممكن تبقى الأغنية اللي بنقول عنها "كلامها تافه" هي أكتر أغنية بنرجع نسمعها لما نكون محتاجين نهرب من الواقع!
المصدر: بوابة الفجر
كلمات دلالية: الفجر الفني منوعات
إقرأ أيضاً:
مراد مكرم: اللي يقولك مصر ما كسبتش حرب أكتوبر قوله الحداية ما بترميش كتاكيت
أحتفل الفنان مراد مكرم بذكري انتصار حرب أكتوبر المجيدة.
وكتب مراد مكرم عبر فيسبوك:"الي يقولك مصر ما كسبتش حرب اكتوبر ٧٣ ،قوله الحداية ما بترميش كتاكيت ،لولا انك علمت عليهم و خافوا علي وجودهم ،ماكانوش رجعوا شبر من سينا و بترولها و خيراتها.ولنا في باقي الأراضي المحتلة من هذا الكيان ،خير دليل".
وتحتفل اليوم مصر بذكرى نصر السادس من أكتوبر حرب أكتوبر المجيدة ضد العدو الإسرائيلي يوم السبت 6 أكتوبر 1973، الموافق 10 رمضان 1393 هـ، بهدف استعادة شبه جزيرة سيناء التي احتلتها إسرائيل عقب نكسة 5 يونيو 1967.
بعد سنوات من الاستنزاف والتخطيط العسكري الدقيق، نجحت القوات المسلحة المصرية في تنفيذ عملية عبور تاريخية لقناة السويس، وتدمير أقوى خط دفاعي في العالم في ذلك الوقت، وهو خط بارليف، باستخدام أساليب جديدة وغير متوقعة، من أبرزها خراطيم المياه لفتح ثغرات في الساتر الترابي الضخم.
وتمكن الجيش المصري من تحقيق عنصر المفاجأة الاستراتيجي على الجيش الإسرائيلي ، وعبور القناة في وقت قياسي، ورفع العلم المصري على الضفة الشرقية،وتدمير خط بارليف والسيطرة على رؤوس كباري بعمق داخل سيناء.ومهدت الحرب الطريق إلى استعادة سيناء بالكامل عبر المفاوضات السياسية لاحقًا.
انتهت الحرب باتفاقيات أدت إلى انسحاب إسرائيل من معظم سيناء، وصولًا إلى اتفاقية السلام التي استعادت بها مصر أراضيها بشكل كامل.
أكدت الحرب أن القوة المسلحة قادرة على فرض واقع سياسي جديد.
مناقشة ترتيبات استئناف الرحلات الجوية بين ليبيا والإمارات