راشد عبد الرحيم: ام در عائدة ما أحلاها

اليوم وكل يوم تتطهر امدرمان الحبيبة وتتهيأ للعودة كما كانت سرة السودان وقلبه وعقلة .
لكل سوداني فيها ذكري ومحبة نابعة من كل ضروب الحياة .
أمدر التي لا يعرفها الذين دنسوها من الجنجويد هي حياة السودان تأريخه وحاضره .
تاتيها من الخرطوم فتفتح لك قلبها ومكنونانتها .
يستقبلك مبني البرلمان ومسجد النيلين .
تلقي إليك بثمار تاريخها من خور أبوعنجة وبوابة عبد القيوم والعرضة حيث كانت تستعرض جنود المهدية .

امدرمان موطن الطرب والفن السوداني من إتحاد الفنانين والإذاعة تأتيك منها الأصوات ندية تلاوة الشيخ عوض عمر وليلي المغربي يشرق بها يومك لتسلمك حقيبة الفن لمجد الطرب السوداني الأصيل .
يكمل عقد الفن النضيد شعراء البوستة العظام من أمثال محمد يوسف موسي صاحب ( فات الاوان ) .
كل امدرمان نغم حي العرب وإبراهيم عوض ، العباسية وزيدان والتيجاني حاج موسي .
الموردة ربيع الدنيا وعوض احمد خليفة بلحن عثمان حسين .
المسرح القومي تضاحكك منه ذكري الفاضل سعيد والعجب .
شارع العرضة تشمخ عنده أنديتنا الكبري الهلال والمريخ والموردة بتاريخ حافل من عظماء الملاعب جكسا وماجد والدحيش وقاقارين .
حتي الملابس والأزياء تجدها في امدرمان غير .
اجمل البدل عند محلات الشريف وفنان السفاري عبد الله توتو وعمدة الجلابيب في ترزي الوصية واقمشة التراث تحيكها سعدية الصلحي كأجمل ما يكون .
الموائد لذيذها فيها أسماك عوضية وفول الجان وابو صليب والتحلية من باسطة سيد مكي وبسبوسة شريف .
لا غرو في ذلك إن كان عمدة التذوق كله للطرب والفن والأكل والحكاوي قد نبع من قهوة جورج مشرقي .
امدرمان كل هذا وهي
امدرمان قبة المهدي والشيخ قريب الله والفاتح البدوي أولاد عمر الإمام والحبر يوسف وسعاد الفاتح وفاطمة أحمد إبراهيم وصادق عبد الله عبد الماجد وعثمان صالح ومقابر البكري وحمد النيل وحوش البنا وحوش الإمام والهاشماب والضو حجوج
منارات العلم والمعرفة في امدرمان المعهد العلمي وامدرمان الإسلامية قلعة تعليم البنات الأحفاد وجامعة أمدرمان الأهلية والصبية في بيت الأمانة الثانوية وللمعلمين صروح في معهد المعلمين وكلية المعلمات .
امدرمان تتطهر من بغاة ليسوا منها ولا من تاريخنا التليد .
يكفيهم قبحا انهم نهبوا منزل الفنان الكبير محمد وردي وباعو عوده بألف من الجنيهات لا تشتري صفارة لطفل في حواري أمدرمان .

المصدر: موقع النيلين