مي عمر: "جوزي أهم حاجة في حياتي"
تاريخ النشر: 11th, March 2024 GMT
حلت الفنانة مي عمر اليوم ضيفة على برنامج "ألبوم صور" المذاع على محطة راديو إنرجي في أولى حلقاته.
وخلال اللقاء، قالت "عمر" إنها لا تحب أن يتدخل الناس في حياتها الشخصية، وتحرص على الخصوصية بشكل كبير.
وتحدثت عن استخدامها للفلاتر في الصور قائلة:" بستخدم فلاتر بس تكون طبيعية مش مبالغ فيها.. وبتضايق لما بلاقي الصورة بعيد عني مش شبهي.
وأشارت إلى أنها تحرص على تعديل المعلومات المغلوطة عن حياتها العملية، أما فيما يخص الانطباعات عنها أوضحت:"فيه حاجات مش بهتم أوي بالصح والناس هيعرفوا مع الوقت.. مش كل الناس بتشوف الوش الحقيقي بتاعك لازم يقرب.. كل واحد بياخد الفكرة اللي في دماغه".
وأكدت مي عمر على أنها لا تحكم على الأشخاص من الخارج، وتعودت منذ صغرها ألا تحكم بالظاهر، موضحة:"عشان أحكم على حد لازم أقرب منه وأعرفه".
وتحدثت مي عمر عن المقربين لها قائلة إن معارفها مستمرين معها منذ سنوات إلى جانب عائلتها المقربة منها، موضحة:" في ناس بنكتشف حقيقتهم مع المواقف وبيفضل كويس طول ما هو عاوز مصلحة؟..المواقف الجامدة بتبين الناس على حقيقتها وهنا بتقدري تفلتري الناس ولا لا... اللي بيبقى مش كويس معاكي مرة بيغلط فيكي تاني وتالت ورابع لو سامحتي".
ووصفت مي عمر زوجها المخرج محمد سامي بأنه:" أهم حاجة في حياتي باخد رأيه في كل حاجة وبيدعمني"، مشيرة إلى أنها شخصية قاسية مع نفسها وتنتقد نفسها بشكل كبير.
وقالت إنها واحدة من 4 شقيقات، يعشن معظمهم خارج مصر، وأنها تفتقد شعور قربهن وتواجدهن معها طوال الوقت.
المصدر: البوابة نيوز
كلمات دلالية: مي عمر ألبوم صور محمد سامي
إقرأ أيضاً:
داليا مصطفى: كل مشكلة بتحصلي درس.. وبعيش أفضل أيام حياتي.. فيديو
تحدثت الفنانة داليا مصطفى عن تطورها الشخصي والنفسي خلال الفترة الأخيرة، مؤكدة أنها أصبحت أكثر وعيًا في التعامل مع الصعوبات، وأنها ترى في كل مشكلة تمر بها درسًا يجب فهمه واستيعابه.
وأوضحت داليا مصطفى، في لقاء خاص مع الإعلامية شيرين سليمان، ببرنامج سبوت لايت، المذاع على قناة صدى البلد، قائلة: "أنا مقتنعة إن كل مرحلة وليها حلاوتها وجمالها، حتى وإن كان فيها بعض المشاكل، بس مؤخرًا بقيت مستوعبة وفاهمة كويس قوي إن أي مشكلة بتحصل لي هي درس، مطالبة إن أنا أفهم منه المشكلة دي حصلت لي ليه؟، وده يمكن الفترة الأخيرة بقى عندي وعي شوية، أو فهم إنه لما بتحصل لي مشكلة، أبقى قادره ما أقعدش وأتضايق، لازم أفهم هي المشكلة دي حصلت لي أنا ليه؟ إيه السبب؟".
وأضافت داليا مصطفى، قائلة: "أنا مقتنعة جدًا إن ربنا عمل ده علشان أطلع فايزة في الآخر، مش مجرد إنه هو بيعذبني أو بيضايقني أو بيتعبني، لا، هو عايز يخليني أوصل مرحلة تانية خالص من الفهم والوعي، فأنا شايفة إن أنا بعيش دلوقتي أفضل أيام حياتي، والحمد لله".
وتحدثت داليا مصطفى، عن أهمية الصحة النفسية، قائلة: "شايفه إنه أي حد في الدنيا لازم يروح كل فترة على الأقل لدكتور نفسي، يقعد يتكلم معاه، يقول له مشاكله، يساعده لأن الموضوع مش سهل إنك تمشي في الحياة لوحدك، ما تبقاش فاهم أنت ماشي في أي اتجاه، يعني أبعت مسج لحد: أنا عايزه أتكلم، بس عايزه أتكلم دي ممكن لو اتكلمت مع حد صاحبك، 8 دقائق بس مش أكتر من كده، هتريح أعصابك جدًا، تقول له على المشكلة بتاعتك".
وأضافت داليا مصطفى، قائلة: "الستات تحديدًا، الستات غير الرجالة، الرجالة بتبقى محتاجة إجابة واضحة وصريحة: أعمل إيه في واحد، اتنين، تلاتة، الستات لا.. الستات محتاجة تفضفض بس".
https://www.youtube.com/watch?v=yj3IOzwIktw
تنافس مثير على مقاعد البطولات الأوروبية في الجولة الختامية من الدوري الإنكليزي