بعد هجوم واسع ولاذع عليه.. تامر حسني يوضح ما خفي عن الناس بشأن إعلانه لشركة مصرية
تاريخ النشر: 13th, March 2024 GMT
علق الفنان تامر حسني على تعرضه لحملة الانتقاد مؤخرا، بعد تعاقده على إعلان لشركة شيبسي المدرجة ضمن حملة المقاطعة، والذي يُعرض ضمن إعلانات موسم رمضان 2024.
وكتب الفنان تامر حسني عبر "فيس بوك": مساء الخيرعليكم بقالي يومين بتابع اللي بيحصل واحتراما للجميع أنا بوضح حاجة بخصوص إعلان شيبسي الأخير، أولا أنا على قوة الشركة من سنتين قبل أي أحداث وده مش أول إعلان ده ثالث إعلان في عقدي، معلش أحيانًا الكلام عند بعض الناس بيبقى سهل، وتحديدا لما بيكون بدون علم بالعقود وبحيثيات الموضوع كله.
وتابع: ثانيًا أنا مضيت على عقد مكتوب فيه إن شيبسي شركة مصرية، ولها سجل تجاري ضريبي مصري منفصل والبند قدامكم أهوه لصدق كلامي، والأهم لأي حد بيشكك في انتمائي للقضية الفلسطينية هقوله أنا من 20 سنة وأنا في ضهر القضيه، ومش كلام وأغاني بس لا أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته ويروح بنفسه معبر رفح أثناء الضرب، مجاملة مثلا.
إقرأ المزيدوتابع تامر حسني: "وأخيرا أنا لما قررت أكون الوجه الإعلاني لشيبسي من سنتين لأنه منتج مصري كل المصريين بيحبوه، والبطاطس من الفلاحة المصرية وبيتباع في مصر بس واتربينا عليه، والأهم إن الشخص البسيط يقدر يشتريه في ظل ظروفنا الاقتصاديه وأظن ده واضح في الاعلان، ده كان شعوري الشخصي اتجاه الحمله وأنا بمضيها من سنتين، عشان كده كان واجب عليا التوضيح للجميع وللّي مش واصلاله الصوره بكل احترام، وشكرا لكل اللي ردوا عني وهما مغمضين، حقيقي أنتوا نعمة كبيرة من ربنا ألف شكر ورمضان كريم على الجميع"
واجه الفنان المصري تامر حسني موجة غضب واسعة عبر مواقع التواصل الاجتماعي بعد ظهوره في إعلان لشركة "شيبسي"، وهي واحدة من الشركات المدرجة ضمن قائمة المقاطعة.
وهاجم الجمهور حسني بشكل لاذع، لدرجة أنهم أطلقوا حملة واسعة تدعو إلى إلغاء متابعته على حساباته الرسمية في مواقع التواصل الاجتماعي، والتي، بحسب عدد من المواقع الإخبارية المصرية، أدت إلى خسارته نحو مليون متابع على منصة "فيسبوك"، ليصبح عدد المتابعين 24 مليونا بعد أن كان 25 مليون متابع على الصفحة.
المصدر: وسائل إعلام مصرية
المصدر: RT Arabic
كلمات دلالية: أخبار مصر أخبار مصر اليوم الحرب على غزة تويتر شهر رمضان طوفان الأقصى غوغل Google فنانون فيسبوك facebook قطاع غزة منصة إكس تامر حسنی
إقرأ أيضاً:
تامر حسني يطمئن جمهوره على حالة نجله آدم
كشف نجم الجيل تامر حسني تطورات الحالة الصحية لنجله آدم وذلك عبر صفحته الرسمية بموقع التواصل الإجتماعي "فيسبوك" وذلك بعد إجرائه العملية الثانية حيث نشر قائلًا: "لكل الغاليين اللي اهتموا بتعب ابني
الحمدلله الوضع مستقر بعد العملية التانية وخرج من العناية المركزة بفضل الله ثم دعواتكم اللي لو عشت أشكركم عمري كله مش هوفي حقكم وربنا يتمم الشفاء على خير،، ودايمًا بقول على دعواتكم الكريمة: لكم مثلها وأضعاف أضعافها
… شكرًا يا أغلى الناس ربنا يحفظكم ويحفظ ولادكم قادر يا كريم"
تعرض نجل الفنان تامر حسني (آدم) لوعكة صحية ودخل على إثرها العناية المركزة وذلك بعد انفجار الزائدة الدودية حيث أنه قد خضع لعملية جراحية منذ أيام ولكن قد حدثت معه تطورات أخري وقد دخل العمليات مرة أخري صباح اليوم.
وأجري آدم تامر حسني الجراحة الثانية وأنه الآن يمكث فى العناية المركزة في أحد المستشفيات بمدينة 6 أكتوبر في القاهرة مع استقرار فى حالته الصحية.
تامر حسني يكشف تفاصيل حالة نجله في منشور سابق
وفي سياق متصل يذكر أنه قد كشف تامر حسني تفاصيل حالة آدم الصحية بالتفصيل في منشور سابق قائلًا: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس"
وتابع: "وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد، وخلاص لا روحوا اكشفوا كويس واعملوا سونار على البطن والزايدة مرة و٢ عشان برضو ساعات مش بيبان ولازم الدكتور يضغط بطريقة معيّنة، تقريبًا أقوى شوية عشان يعرف، لإني سمعت كتير اليومين دول إن الزايدة خادعة"
وأضاف: "اطمنوا كذا مرة قبل لحظة انفجارها عشان بجد مشاكل بتحصل بعدها كبيرة وحزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر، يارب، بحق “كن فيكون”.
اشفيه وعافيه، هو وكل ولادنا
بس هو راجل وهيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب"
واختتم قائلًا ؛ "وأحب أقول تاني شكرًا من كل قلبي على دعواتكم، أنا شايف قلب كل حد فيكم وهو بيدعي بصدق
متشكر أوي يا جماعة شكرًا لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصيًا، أنا مش لاقي كلام أشكركم بيه وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم".