مهرجان تامرحسني للمدارس وأقوى التجهيزات العالمية.. ما الأسباب ؟
تاريخ النشر: 20th, April 2024 GMT
أعلن الفنان تامر حسني عبر صفحته الرسمية على موقع التواصل الإجتماعي الشهير “ فيسبوك ” عن إقامة مهرجان سنوي للمدارس يحمل أسمه .
وقال تامر حسني : عارف ان تكاليف حفلاتي بشكل و حجم المسرح و جميع المؤثرات البصريه الخاصه بشغلي ميقدرش عليها كتير من المدارس فقررت اعمل مهرجان كل سنة و فيه اقوى التجهيزات العالمية ، يوم بجمع فيه ٥٠ مدرسه زي النهارده و نحتفل معاهم و سميناه مهرجان تامرحسني للمدارس و المهرجان ده اهداء مني لكل تلاميذ و اساتذة و مدارس مصر العظيمة في يوم التخرج او بدء الموسم الدراسي ياما فرحتوني بتعليقاتكم و بحضوركم افلامي و سماع اغانيا عشان كده حبيت اردلكم الفرحه دي بطريقتي و حفلة النهارده حقيقي من اجمل الحفلات اللي قدمتها على مدار مشواري مليون مبرووووووك لكل الشباب الخريجين و عقبال كل السنين و حتى للمناسبه دي عملت اغنيه و هتنزل من الحفله دي ان شاء الله على طول .
وتابع تامر حسني : شكراً للنجم ماجد المصري و ابنه المطرب الصاعد آدم المصري و المطربه الصاعده دانيا الحريري و النجمه رانيا منصور و ابنتها نجمة المستقبل توانا و الفنانه الصاعده ساره هيثم و الطفل الجميل آسر احمد و الاستاذه أمايا و اصدقائها اللي عملولي remix هاااايل ،،، الحفله عملها وحوش المسرح العربي اللي فخور انهم من فريقي و ليهم عندي بوست مخصوص على مجهودهم الخارق اللي حصل النهارده شكراً لكل الجمهور الكريم و ان شاء الله نتقابل السنه الجايه.
المصدر: صدى البلد
كلمات دلالية: تامر حسني الفنان تامر حسني النجم تامر حسني ماجد المصري مدارس مصر
إقرأ أيضاً:
ربنا يطمن قلبك وقلب أمه.. أنغام تدعو لـ آدم تامر حسني بالشفاء
حرصت المطربة أنغام، على دعم الفنان تامر حسني، بعد إجراء نجله آدم لعمليتين جراحيتين.
ونشرت أنغام صورة له مع ابنه عبر حسابها الشخصي بموقع إنستجرام وعلقت قائلة: "نرجو من الله الشفاء العاجل لآدم ايه العزيز تامر حسني، ربنا يطمن قلبك وقلب أمه يارب".
وأعلن النجم تامر حسني عبر حسابه الشخصي على فيسبوك، منذ قليل عن خضوع ابنه آدم لعمليتين جراحيتين كبيرتين بشكل مفاجئ، إثر انفجار الزائدة الدودية، موجها رسالة شكر لجمهوره على كم الدعوات التي تلقاها لشفاء ابنه.
وكتب تامر حسني عبر حسايه الشخصي فيس بوك: “على تليفوني و تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بسو بقولكم كده عشان تبقوا حريصين مع نفسكم أكتر ولولادكم.. ومش كل سخونية تقولوا ده شوية برد و خلاص لا روحوا اكشفوا كويس و اعملوا سونار على البطن و الزايدة مرة و٢ عشان برضو ساعات مش بيبان و لازم الدكتور يضغط بطريقة معيّنة، تقريباً أقوى شوية عشان يعرفلإني سمعت كتير اليومين دول إن الزايدة خادعة”.
وتابع: “اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي.. وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب و يعدي مرحلة الخطر”.
وأوضح: "اشفيه وعافيه يارب، هو وكل ولادنا بس هو راجل و هيتحمل وإن شاء الله ربنا يكرمه و يعافيه و يحفظه هو و إخواته و يحفظ كل ولادكم يارب وأحب أقول تاني شكراً من كل قلبي على دعواتكم.. أنا شايف قلب كل حد فيكم و هو بيدعي بصدق متشكر أوي يا جماعة شكراً لكل اللي اهتم وسأل عن ابني و دعاله هنا أو على التليفون واللي طلعوله صدقات لشفائه من غير ما يعرفونا شخصياً أنا مش لاقي كلام أشكركم بيه و أنا برضو بدعيلكم و بقول لكم مثلها وأضعاف أضعافها و ربنا يحفظكم ويحفظ أولادكم قادر يا كريم".
وزيرة البيئة تناقش مع المديرة التنفيذية لبرنامج الأمم المتحدة للبيئة آخر مستجدات مفاوضات معاهدة البلاستيك