محمد محمود فيلم «بنقدر ظروفك» يطرح قضية تناسب المجتمع المصري.. فيديو
تاريخ النشر: 8th, June 2024 GMT
تمنى الفنان القدير محمد محمود، أن فيلم «بنقدر ظروفك»، ينال اعجاب الجمهور، لأنه يطرح قضية تناسب المجتمع المصري، لافتًا إلى أن هذا دور الفن.
وأضاف محمد محمود في لقاء خاص مع الإعلامية شيرين سليمان ببرنامج سبوت لايت المذاع عبر قناة صدى البلد، قائلاً: «الرسالة اللي يؤديها الفن أنه يبصر الناس بمشاكلهم بشكل لطيف، احنا بنطرح قضية خصوصًا في الظروف اللي احنا عايشينها حاليًا من وجهة نظرنا بشكل بسيط».
وأوضح محمد محمود أنه يجسد ضمن أحداث فيلم «بنقدر ظروفك»، شخصية أب مسئول عن أسرة، قائلاً: «أب مصري بيشتغل بقال وشايف الناس بتعاني وبتشتكي من غلاء الأسعار، فبقترح أن بدل البيع ما يبقى بالطريقة التقليدية، هات كيلو سكر هات 3 كيلو أرز ودقيق، هات اللي على قدك اللي يناسب احتياجاتك».
وأشار محمد محمود إلى أن المجتمع المصري يواجه مشكلة شائعات غلاء الأسعار، قائلاً: «احنا مشكلتنا في المجتمع المصري حاليًا، تطلع شائعة عن غلاء سعر الزيت، واحد يشتري كرتونة زيت ويركنها تحت السرير لغاية ما تبوظ، ما أنت لا استفدت بيها وحملت على ميزانيتك وحرمت ناس محتاجاها».
وناشد محمد محمود الموطنين بشراء السلع التموينية على قدر غذاء اليوم، قائلاً: «بدل ما تشتري 5 كيلو هات ربع كيلو.. بتحمر بطاطس النهاردة، هات اللي يقضي أكلة النهاردة وتناسب ميزانيتك وماتعملش احتكار للسع اللي في السوق والكل يعيش».
وأكد الفنان محمد محمود على سعادته بالتعاون مع الفنان أحمد الفيشاوي، قائلاً: «أنا ولادي بيحبوه جدًا وفرحوا أني هبقى معاه في الفيلم، وهو إنسان بسيط جدًا وحبوب، وبيتعامل مع الصغير والكبير بمنتهى الحب والاحترام، شاب جميل».
المصدر: الأسبوع
كلمات دلالية: برنامج سبوت لايت الإعلامية شيرين سليمان أحداث فيلم بنقدر ظروفك ابطال فيلم بنقدر ظروفك احداث فيلم بنقدر ظروفك أبطال فيلم بنقدر ظروفك بالعرض الخاص أبطال فيلم بنقدر ظروفك المجتمع المصری محمد محمود
إقرأ أيضاً:
رمضان عبد المعز: اللي يتقي ربنا يفتح له أبواب مكنش يتخيلها.. فيديو
قال الشيخ رمضان عبد المعز، الداعية الإسلامي، في أحد برامجه، إن الحديث عن صفات المتقين مش مجرد تنظير ديني، لكنه مفتاح للفرج والخروج من الأزمات، مستشهداً بقول الله تعالى: "ومن يتق الله يجعل له مخرجاً ويرزقه من حيث لا يحتسب".
وأضاف الشيخ رمضان عبد المعز، خلال حلقة برنامج "لعلهم يفقهون"، المذاع على قناة "dmc"، اليوم السبت: "المتقين ناس عندهم ورع، يعني بيخافوا ربنا بجد وبيبُعدوا عن كل حاجة فيها شبهات، حتى لو مش حرام صريح، بس طالما فيها شُبهة، بيبعدوا عنها، زي ما النبي ﷺ قال: "فمن اتقى الشبهات فقد استبرأ لدينه وعرضه"".
وأشار إلى أن الناس كلها عارفة الحلال من الحرام، وعلّق: "ماحدش بيتصل بيسأل الشيخ: ينفع أشرب خمره؟ أو آكل خنزير؟ كلنا عارفين إن ده حرام، لكن بيحصل لبس في الأمور اللي في النص، اللي هي منطقة الشبهات".
وأوضح: "الورع مش ضعف، لكنه قوة والتزام، وأن الراعي اللي بيقرب من حدود الحمى بيعرّض نفسه إنه يقع فيه، والنبي ﷺ شبّه اللي بيقرب من الشبهات كأنه بيرعى حوالين منطقة محظورة، وممكن يقع فيها في أي لحظة".
وتابع: "المتقين بيسعوا إنهم يخلوا نفسهم دايمًا في المنطقة الآمنة، وما يقولش زي ما البعض بيقول ‘أنا مضطر’، لأن ربنا قال: ومن يتق الله يجعل له مخرجاً... يعني مهما كانت الأزمة، التقوى هي المفتاح".
وضرب مثال بالشباب، وقال: "اللي مش قادر يتجوز، والنفس بتضغط عليه، النبي ﷺ قال له يعمل إيه: فعليه بالصوم فإنه له وجاء، يعني وقاية، بدل ما يقول أنا مضطر وأدخل في الحرام".
بكام في البنك المركزي؟.. سعر الدولار مقابل الجنيه المصري اليوم الإثنين 19 مايو 2025