محمد منير يطلّ بعد غياب.. وطبيبه يطمئن الجمهور على حالته الصحية
تاريخ النشر: 24th, August 2024 GMT
متابعة بتجــرد: حرص الدكتور نور الدين عبدالرحيم، على طمأنة جمهور ومحبي الفنان المصري محمد منير على حالته الصحية، بعد تعرضه لأزمة في الفترة الأخيرة.
ونشر نور الدين فيديو عبر حسابه على موقع فيسبوك ظهر فيه إلى جوار منير، وتحدث الأخير قائلاً: “قابلت أطباء كتير بس مشفتش في كفاءة الدكتور نور الدين، أنا واحد من عشاق ألمانيا وتخيلت إنه هيعمل العملية وخلاص لكن تشرفت بتفكيره ووضعه الطبي، ياريت مصر تفتح للكوادر المصرية اللي تشرف”.
ورد الدكتور نور الدين في الفيديو: “سعدت بيك ويسعدني أكون سبب في شفائك وربنا يديك الصحة وطولة العمر، وتسعدنا دايما بفنك ربنا يباركلك ونسعد بيك”، كما كتب في تعليقه على الفيديو “بطمن جمهور الكينج محمد منير على سلامته وربنا يحفظه من كل سوء.. دعواتنا ليك بكل الخير، وكل مشاعر الحب والتقدير والأمنيات الطيبة”.
وكانت الصفحة الرسمية لـ محمد منير عبر موقع انستجرام، قد أعلنت عن تأجيل حفله الغنائي في الإسكندرية الذي كان مقرراً إقامته يوم 22 أغسطس الجاري: “بنعتذر لجمهورنا عن تأجيل الحفل القادم المقام يوم 22 أغسطس 2024 في حديقة أنطونيادس في الإسكندرية لأسباب طارئة”.
main 2024-08-24 Bitajarodالمصدر: بتجرد
كلمات دلالية: محمد منیر نور الدین
إقرأ أيضاً:
أحدث ظهور لـ«الكينج».. دعاء فاروق تكشف عن تفاصيل زيارتها لـ محمد منير
كشفت الإعلامية دعاء فاروق عبر صفحتها الرسمية على موقع التواصل الاجتماعي الشهير “فيسبوك”، عن تفاصيل زيارتها للفنان الكبير محمد منير.
وقالت دعاء فاروق: “على غرار الصوت الشهير اللي بيقول أنا طلعت في التلفزيون.. أنا ممكن اعمل صوت بنفس الانبساط والدهشة بيقول أنا زرت الكينج محمد منير في بيته!!! وعشان متحتاروش وتقولوا إيه اللي جاب القلعة جنب البحر الموضوع ببساطة إن ريهام إبراهيم صديقتي الجميلة كانت بتزورني امبارح للاطمئنان على ديدو ابني، وفي وسط القعدة تركتها ودخلت المطبخ.
وإذا بروكي بنوتي جت تقولي الحقي يا ماما ده ريهام بتكلم محمد منير في التليفون عادي.. قلت لها آه يا روكي ما ريهام من أصدقائه المقربين جدا منذ سنوات طويلة.. ودخلت على ريهام وقلت لها كواحدة مصرية أصيلة ممكن تحشر نفسها في مكالمة لا تخصها بتاتا: سلميلنا عليه يا ريهام وقوليله إن كلنا بنحبه.. وأعتقد ده العادي بتاع أي كائن مصري سامع صوت محمد منير طالع من السماعة اللي جنبه.. فإذا بريهام تقول له طب خد دعاء فاروق عاوزة تكلمك وكانت مفاجأة لطيفة لأنه لطيف جدا جدا لدرجة إني لما بقول له على فكرة جوزي بيحب يسمعك جدا وفعلا هو مطرب عماد المفضل قال لي بمنتهى اللذاذة ”الله الله".
خلصت المكالمة بكلمات الثناء اللطيفة وأنهيتها بإن شاء الله تيجي فرصة وأشوف حضرتك قريب فكانت المفاجأة إنه قال لي اتفضلي نوريني مع ريهام بكره".
وتابعت دعاء فاروق: “نجم كبير وقيمة كبيرة وعلى قدر نجوميته على قدر تواضعه ولطفه الشديد في استقبالنا.. وفرحت جدا لما قال لي إنه اتفرج عليا النهارده الضهر في برنامجي.. في الصورة ريهام إبراهيم اللي بشكرها بجد على المفاجأة والزيارة الحلوة دي وعازفة الهارب الجميلة ياسمين حربي اللي اتعرفت عليها من خلال ريهام إبراهيم من سنتين وحبيتها جدا جدا.. النهارده ٥ مايو ٢٠٢٥ يوم أحب أوثقه يوم زيارة الكينج محمد منير”.
انطلاق معرض “صنع في مصر” بطرابلس يوليو المقبل