مروة عبد المنعم لـ تامر حسني: بحبك بس زعلانة منك (فيديو)
تاريخ النشر: 31st, August 2024 GMT
حلت الفنانة مروة عبد المنعم، ضيفة مع الإعلامي هيثم بسام، في برنامجه «حقك مع المشاكس»، عبر قناة «القاهرة والناس»، كاشفة عن خلافها مع الفنان تامر حسني.
ووجهت مروة عبد المنعم، رسالة عتاب لـ تامر حسني، قائلة: «معنديش خلافات مع حد، هو يعرف يوصلني أنا لا، وبقوله زعلانة منك، أنت مش مجبر إني أبقى معاك على طول لكن أنت وعدتني وقولت لي مش هسيبك وعملنا دويتو حلو ونجح، أنا اللي بسألك ليه مفكرتش تستثمر هذا الدويتو، وأنا عمري ما هرفض إني أمثل معاك، أنا بحبك وزعلانة منك».
تعرضت مروة عبد المنعم، للهجوم الشديد من قبل متصلة، تدعى «عبير»، خلال حلقة برنامجها «تفاحة مصرية»، حيث قالت لها: «أنا عندي مشكلة مع الناس اللي بتشتغل مهنة تانية غير مهنتها، حضرتك مثلا شغالة مذيعة وأنتي ممثلة.. معرفش تيجي إزاي.. وأنا عندي 27 وخريجة إعلام وقاعدة مبشتغلش عشان حضرتك واخدة مكاني».
وردت مروة عبد المنعم، على المتصلة، قائلة: «أنا قعدت هنا بتعبي، واشتغلت على نفسي 25 سنة، مشكلتك حاليًا انك اتخرجتي من إعلام ومش لاقية شغل فبتهاجمي أي حد، المفروض بدل الهجوم تدوري على حلول، مش تهاجمي نجاح الآخر، أنا اشتغلت على نفسي، وبقيت مذيعة بسبب تعبي، من غير ما أحقد على حد، لو كنتي اعلامية شاطرة كنتي تابعتي الحلقات قبل الحكم عليا، وانا متأكدة ديمًا أن الشاطر هو اللي هينجح ويوصل».
اقرأ أيضاًمتصلة تهاجم مروة عبد المنعم: انتي واخدة مكاني.. والأخيرة: «أنا قعدت هنا بتعبي»
بسبب الحجاب.. مروة عبد المنعم تتصدر تريند جوجل «صور»
عالم أزهري يهاجم مروة عبد المنعم بسبب الحجاب: «لا تستهيني بالأوامر الإلهية»
المصدر: الأسبوع
كلمات دلالية: تامر حسني مروة عبد المنعم الفنانة مروة عبد المنعم مروة عبد المنعم
إقرأ أيضاً:
تامر حسني يطمئن جمهوره على حالة نجله آدم
كشف نجم الجيل تامر حسني تطورات الحالة الصحية لنجله آدم وذلك عبر صفحته الرسمية بموقع التواصل الإجتماعي "فيسبوك" وذلك بعد إجرائه العملية الثانية حيث نشر قائلًا: "لكل الغاليين اللي اهتموا بتعب ابني
الحمدلله الوضع مستقر بعد العملية التانية وخرج من العناية المركزة بفضل الله ثم دعواتكم اللي لو عشت أشكركم عمري كله مش هوفي حقكم وربنا يتمم الشفاء على خير،، ودايمًا بقول على دعواتكم الكريمة: لكم مثلها وأضعاف أضعافها
… شكرًا يا أغلى الناس ربنا يحفظكم ويحفظ ولادكم قادر يا كريم"
تعرض نجل الفنان تامر حسني (آدم) لوعكة صحية ودخل على إثرها العناية المركزة وذلك بعد انفجار الزائدة الدودية حيث أنه قد خضع لعملية جراحية منذ أيام ولكن قد حدثت معه تطورات أخري وقد دخل العمليات مرة أخري صباح اليوم.
وأجري آدم تامر حسني الجراحة الثانية وأنه الآن يمكث فى العناية المركزة في أحد المستشفيات بمدينة 6 أكتوبر في القاهرة مع استقرار فى حالته الصحية.
تامر حسني يكشف تفاصيل حالة نجله في منشور سابق
وفي سياق متصل يذكر أنه قد كشف تامر حسني تفاصيل حالة آدم الصحية بالتفصيل في منشور سابق قائلًا: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس"
وتابع: "وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد، وخلاص لا روحوا اكشفوا كويس واعملوا سونار على البطن والزايدة مرة و٢ عشان برضو ساعات مش بيبان ولازم الدكتور يضغط بطريقة معيّنة، تقريبًا أقوى شوية عشان يعرف، لإني سمعت كتير اليومين دول إن الزايدة خادعة"
وأضاف: "اطمنوا كذا مرة قبل لحظة انفجارها عشان بجد مشاكل بتحصل بعدها كبيرة وحزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر، يارب، بحق “كن فيكون”.
اشفيه وعافيه، هو وكل ولادنا
بس هو راجل وهيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب"
واختتم قائلًا ؛ "وأحب أقول تاني شكرًا من كل قلبي على دعواتكم، أنا شايف قلب كل حد فيكم وهو بيدعي بصدق
متشكر أوي يا جماعة شكرًا لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصيًا، أنا مش لاقي كلام أشكركم بيه وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم".
شهداء من ضحايا المساعدات في غزة وسوء التغذية يفتك بالأطفال