بعد إحالته للمحاكمة.. قاتل زوجته في بدر: حاولت 6 مرات لحد ما نجحت
تاريخ النشر: 8th, January 2025 GMT
قصة سيدة بدر والتي لقيت مصرعها على يد زوجها في القاهرة بسبب خلافات بينهما، واعتقاده بأنها تسببت في مقتل ابنتهما قبل فترة من الجريمة، إلا أنه تم ضبطه وقررت النيابة العامة في القاهرة إحالته للمحاكمة لاتهامه بقتل زوجته في بدر.
. كواليس اللحظات الأخيرة داخل شقة مصر الجديدة| صور
كواليس قضية سيدة بدر، كشفتها التحقيقات التي أجرتها النيابة، حيث تبين قيام الزوج بخنق زوجته داخل شقة الزوجية في بدر، وكشفت معاينة الشقة حينها أنها مكونة من غرفتين نوم وصالة وحمام كما تم العثور على جثمان المتوفية وتبين انها مسجاه على ظهرها ملفوف بملاية بيضاء باحدى غرف النوم مرتدية ملابسها بالكامل عبارة عن سترة سوداء وبنطال بيجامة برتقالي اللون وملابس داخلية كاملة، ويوجد ملاية أخرى معقودة حول العنق ويوجد بالجثمان اثر خنق بالرقبة وتبين ان زوجها يدعى رمضان عبدالله 30 سنه عامل.
اعترافات المتهم كشفت ملابسات جريمة سيدة بدر، اللي حصل ان انا متجوز من نيرة بقالى حوالى 5 سنين وربنا كرمنا بولد وبنت يونس واحسان وانا اتجوزت مراتي وكنا عايشين في المنيا وبعد كده حصل مشاكل في بيت العيله عندنا فأبويا قالي خد مراتك واطلع على القاهرة فأنا جيت على التجمع الأول وأجرت شقة جمب أهل مراتى لانهم ساكنين هناك واشتغلت اى حاجة تجيب فلوس حلال عشان خاطر أكفى بيتي وبرضه مكنش عاجب مراتي وأهلها وكانوا دائماً بيستهزأوا بيا وبيعيروني عشان خاطر هما معاهم فلوس كثير وبعد كده طلبت منى ان انا اجيبلها شقة ثانية وانا كنت شغال وقتها غفير في مدينة بدر وكنت شغال برضه سواق على ميكروباص عشان خاطر احسن دخلي وفعلا رحت دفعت عربون ايجار شقة في الكيلو 4 ونص مدينة نصر.
وأكمل في أقواله تاني يوم وانا في الشغل لقيت واحد صاحب حمايا بيكلمني وبيقولى ان بنتی احسان ماتت فأنا جريت بسرعة ولما سالتهم هي ماتت ازاى معرفتش اخد منهم حق ولا باطل وبعدين وانا رايح ادفنها عندنا في المنيا ببص على بنتى لأول مرة لقيت في خرابيش في وشها ولما سألت اهل مراتى لقيتهم مسكوا فيا ورفعوا عليا عصايا فأنا من ساعتها قررت أني أنتقم من مراتي واقتلها زى ما قتلت بنتي.
وتابع المتهم قاتل زوجته في بدر، قولت انا لازم اجيب حق بنتي وانتقم ده كان من حوالي ٥ او ٦ شهور لما بنتي احسان ماتت ومن ساعتها وانا يفكر ازاى انتقم لبنتي واقتل مراتى وحاولت اعمل الموضوع ده أكتر من مره بس فشلت من ضمنهم مرة بعد ما بنتي ماتت علطول كنت سايق الميكروباص بتاعي وكنت رايح على السلام بالليل ركب معايا شاب معرفوش وقابلنا كمين ولقيته بيقولى انه معاه خنجر قولتله هاته متخفش ولما عدينا من الكمين خدته منه واديته 500 جنيه وفضلت شايل الخنجر معايا عشان خاطر اخد حق بنتي وبعدها بكام يوم ومراتي كانت عند أهلها لفيت من وراها عشان خاطر اقتلها بس مقدرتش وبعد كده خدتها وجيت عشت انا وهى وابني في بدر في العمارة اللي انا غفير عليها وبعد كده أجرت الشقة اللى انا عايش فيها دلوقتي من ٣ شهور وقولت ان دى الشقة اللي انا هخلص عليها فيها وفعلا حاولت حوالى ٥ او ٦ مرات قبل كده وفشلت.
واختتم اعترافاته، كل مرة كانت تعدى منها لحد مجيت يوم الواقعة الساعه 7:00 بالليل تقريبا كنت راجع من الشغل ودخلت البيت وهي كانت قاعدة في اوضة النوم جمب المرتبة ولقيت ابني يونس كان بيعيط فأنا افتكرت بنتى احسان واللى حصلها قولتلها انتى بتضربي الواد وعاوزه تموتيه هو كمان فردت عليا وعلت صوتها واحنا عالم صعايدة فأنا رحت ضربها كام قلم وقولت انا هقتلها وانتقم منها واخد حق بنتي وهي كانت قاعدة على يميني رحت جي خانقها من وراها ورحت جای حاطط دراعی على رقبتها وايدى على بقها رحت جي حاططها بين رجليا لحد ما اتاكدت ان النفس راح خالص ورحت جای شديدها على المرتبة وحطيت ايدى على رقبتها وموتها.
المصدر: صدى البلد
كلمات دلالية: القاهرة بدر سيدة بدر المزيد مصر الجدیدة عشان خاطر سیدة بدر وبعد کده فی بدر
إقرأ أيضاً:
والد طالبة ثانوية عامة يستغيث: لجنة بنتي كلها غش.. وأطالب الوزير بالتحقيق
استغاث أحمد شراقة، ولي أمر طالبة في الثانوية العامة 2025، عبر حسابه بموقع التواصل الاجتماعي “فيس بوك”، لوزير التربية والتعليم والتعليم الفني؛ بسبب وجود غش في لجنة ابنته.
وكتب ولي الأمر، في منشوره: "بنتي في لجنة امتحان اللغة الإنجليزية بـ مدرسة الثانوية بنات بسوهاج، واللي حصل النهاردة مهزلة بكل المقاييس، المفروض إن الملاحظ يكون الحارس الأمين على مجهود أولادنا، لكن للأسف لاقيناه واقف على الباب بيعمل دور "الناضورجي"، بيأمِّن للطالبات الغش، واللي معاها سماعة بيجاوبها، واللي مش معاها؛ تتهان أو تحس إنها الغلطانة! …. وبنتي خرجت من اللجنة حاسة إنها غريبة في وسط لجنة فوضى وغش علني، وكأن الطبيعي إن كل البنات تغش، وإن اللي بتحافظ على ضميرها هي الغلط!".
وأضاف ولي الأمر: “ارحموا ولادنا من القرف ده، إحنا بنربي أولادنا على القيم والأمانة، مش علشان نرميهم في وسط بيئة بتكافئ الغلط وبتحبط الصح، رسالتي للملاحظ اللي كان واقف على الباب النهاردة: اتقِ الله، وراجع ضميرك، وخاف من دعوة مظلوم”.
وأخيرا قال ولي الأمر: “نطالب بالتحقيق الفوري من كل من: وزير التربية والتعليم، ووكيل وزارة التربية والتعليم بسوهاج، ومحافظ سوهاج، ومدير إدارة سوهاج التعليمية”.
التعليم تنفي وجود غش جماعي ولجان أولاد أكابر
وكان شادي زلطة المتحدث الرسمي بلسم وزارة التربية والتعليم والتعليم الفني، قد أكد أن امتحانات الثانوية العامة 2025 العام الحالي، لم تشهد حدوث أي وقائع غش جماعي، ولم تظهر بها ما يسمى بـ لجان أولاد الأكابر نهائيا.
وقال المتحدث الرسمي باسم وزارة التربية والتعليم والتعليم الفني، في تصريحات تليفزيونية، إنه تم زيادة عدد أفراد التفتيش قبل دخول لجان امتحانات الثانوية العامة 2025.
وأضاف أنه يتم تحريز وكشف وسائل الغش قبل دخول الطلاب للجان امتحانات الثانوية العامة 2025 يوميا، مؤكدا أن هناك مجهودا كبيرا جدا يٌبذل من كل أطراف المنظومة التعليمية العام الحالي؛ لخروج امتحانات الثانوية العامة 2025 بأفضل صورة.
وحذر المتحدث باسم وزارة التربية والتعليم، مما يتم تداوله على السوشيال ميديا من أخبار مغلوطة وغير رسمية وغير موثقة، هدفها فقط إثارة البلبلة حول منظومة امتحانات الثانوية العامة 2025.
خبراء روس يقترحون طريقة لتقدير عمر الرفات في علم الآثار والطب الشرعي