ياسمين عز للمصريات: جوزك مش بيخونك ده رايح يتفرج على الأهلي الفجر.. فيديو

خاص

وجهت الإعلامية ياسمين عز رسالة طريفة للسيدات المصريات، تزامنًا مع مشاركة النادي الأهلي في بطولة كأس العالم للأندية 2025، التي تستضيفها الولايات المتحدة.

وقالت ياسمين خلال برنامجها “كلام الناس” المُذاع عبر قناة “MBC مصر”: “لو لقيتي جوزك بيتسحب على طراطيف صوابعه الفجر، ده لا بيخونك ولا متجوز عليكي، ده رايح يتفرج على ماتش الأهلي في كأس العالم للأندية، سيبيه يتفرج في أمان”.

وأضافت: “الفرق في التوقيت بين مصر وأمريكا 8 ساعات، يعني لو الماتش الساعة 8 مساءً في أمريكا، هيكون الساعة 4 الفجر عندنا، قومي قطعي له بطيخ فيليه من غير لب، وخليه يعيش اللحظة”.

واستكملت حديثها: “الأهلي فرح جوزك في مواقف كتير، ولما تلاقيه فرحان ما تستخسريش عليه البهجة، متقارنيش نفسك بالأهلي، كل واحد وله مكانته في قلبه”.

واختتمت ياسمين حديثها، قائلة: “الأهلي بإذن الله يكسب بورتو، ويرجعه بلده دمعته على فانلته وشورته”.

ويستعد المارد الأحمر لمواجهة مباراة بورتو البرتغالي فجر الثلاثاء المقبل، في ختام دور المجموعات للمجموعة الأولى.

https://cp.slaati.com//wp-content/uploads/2025/06/X2Twitter.com_8zZfStB2_fd8ty9e_720p.mp4

المصدر: صحيفة صدى