السيسي.. الإخوان ممكن تدمر مصر بـ 2 مليار جنيه.. والامن القومي يسد كل ثغرة أمام الارهابيين

سام برس
تحدث الرئيس المصري عبد الفتاح السيسي ، مع مجلس القضاء الأعلى صباح يوم الاحد ، عن سهولة هدم وتدمير الدول من قبل جماعة الإخوان المسلمين الارهابية .

وقال السيسي : "أنا كنت بكلم السادة مجلس القضاء الأعلى الصبح وقلتهم تخيلوا ممكن جماعة الإخوان الإرهابية تهد مصر بـ2 مليار جنيه، وهما استغربوا جدا، قلتلهم سهلة يعطوا "باكتة و20 جنيه وشريط ترامادول لـ100 ألف إنسان ظروفه صعبة، ينزل يعمل حالة فوضى".

أضاف الرئيس السيسي، خلال جلسة "المشروعات القومية والبنية التحتية " ضمن فعاليات مؤتمر "حكاية وطن.. بين الرؤية والإنجاز": "أهد بلد فيها 100 مليون أو 105 مليون بمليار جنيه ، يعني 30 مليون دولار ، فيه ناس بتصرفهم في حفلة! يبقى لما أجي أدفع 85 مليار للأسرة اللي هيا مش حاسة إنها عايشه والناس مرميه في الصفيح في الشوارع وفي المقابر ، فحد يقولك البلد اللي مش لاقيه تاكل تفرشلهم الشقة كمان؟.

طبعا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه.. إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول".

وأكمل الرئيس السيسي: "ماحدش هيهاجمك كتير من بره بشكل مباشر لأن ده تبعاته ضخمة جدا ومكلفة جدا مش بس عسكريا وماليا حتى من منظور القانون الدولي والنظام العالمي الموجود، الناس نازله تتظاهر وأنا بمليار جنيه أنزلهم 10 أسابيع ورا بعض زي ما نزلوهم".

المصدر: اليوم السابع

المصدر: سام برس