منى زكي لـ«أسرار النجوم»: فيلم «رحلة 404» يتناول فلسفة الذنب والغفران وهاني خليفة مخرج كبير
تاريخ النشر: 26th, January 2024 GMT
تحدثت الفنانة منى زكي عن فيلمها الأحدث في دور العرض وهو فيلم «رحلة 404»، وذلك خلال مداخلة هاتفية لبرنامج «أسرار النجوم» مع إنجي علي عبر إذاعة «نجوم إف.إم».
وقالت منى زكي عن مخرج العمل هاني خليفة: «مخرج كبير جدا وبحبه أوي عالمستوى الإنساني والفني وبيركز في التفاصيل والنتيجة اللي طالعة دي هي رؤية هاني في الدور والفيلم، صحيح كان معانا ورق مكتوب حلو أوي لمحمد رجاء لكن هاني خليفة له رؤية مميزة وتدخله في أدائنا كممثلين هو اللي طلع الشحنة القوية دي وأنا بحبه وأتمنى ما يقعدش في البيت والوسط بيفتقده».
وعن رأي زوجها الفنان أحمد حلمي في العمل، قالت: «حلمي مبسوط من الفيلم جدا ومبسوط بيه ومعجب جدا وهو راجل محترم، وهو من أول ما اتجوزنا بيساند وبيفهم يعني إيه المرأة بتكون متضايقة من حاجة وهو بيحب ينصر المرأة بشكل عام، والطريقة اللي بيتعامل بيها مع مامته وأخته بيبين احترامه».
كما تحدثت عن الفلسفة وراء فكرة الفيلم، وقالت: «ربنا الأعظم مننا كلنا بيغفر فالمفروض الناس كمان لا تحكم عليكي ولا تصدر أحكام يعني أنا دي وجهة نظري والفلسفة اللي ورا الفيلم فكرة الذنب وإحساس الشخص بالذنب وتساؤلاته جواه هل هيتغفر له ولا لا، فدي الفلسفة ورا حدوتة الفيلم اللي متقدمة.. وأنا في الحقيقة طبعا بغفر وأكيد بتمنى أي حد غلطت في حقه يغفر لي، وأنا مع إني أغفر ويتغفر لي».
وعن التأجيلات التي شهدها الفيلم على مدار السنوات الماضية، قالت: «أكيد كنت قلقانة القلق الطبيعي والقصة عندي من 2013 وإحنا ابتدينا نصور من 3 سنين وخلصناه على طول، بس ما كنتش متوترة لكن كان نفسي الفيلم يفضل على مستواه ورغم اللي حصل فضل على مستواه».
المصدر: بوابة الفجر
كلمات دلالية: مني زكي آخر أعمال منى زكي برنامج أسرار النجوم فيلم رحلة 404 انجى على
إقرأ أيضاً:
من الشاشة إلى خطوط الموضة .. موهبة جديدة لـ رحمة حسن
كشفت الفنانة رحمة حسن عن جانب مختلف من شخصيتها الفنية بعيدًا عن التمثيل، حيث أعلنت عن شغفها بمجال تصميم الأزياء، وشاركت جمهورها عبر حسابها على موقع إنستجرام مجموعة من الصور لمشروع تصميم كانت قد عملت عليه في عام 2019، لكنه لم يرَ النور حينها.
وقالت رحمة في تعليقها على الصور:"مشروع اشتغلت عليه في 2019، ومش عارفة ليه مكملش؟، أو الشركة اختفت! مش عارفة لسه موجودة أو لا! بس كان حاجة كنت بعملها وأنا مبسوطة"
وأشارت إلى أن التصميم كان دومًا من أكثر الأمور التي تحبها، لافتة إلى أن لديها شغفًا آخر تتمنى العمل عليه منذ كانت طفلة، وقالت:
"لسه في حاجة تاني بحبها ونفسي اشتغل عليها من وأنا صغيرة جدًا، يمكن تكون هي دي الحاجة اللي دايمًا بشوف نفسي فيها، من زمان.. القريب مني بس هما اللي عارفين إيه هي.. إنشاء الله تتحقق في يوم."