حسام حبيب يكشف أسرارا عن حياته الشخصية: أعاني من نوبات هلع
تاريخ النشر: 4th, April 2024 GMT
كشف الفنان المصري حسام حبيب، أسرارا عديدة عن حياته الشخصية، لافتا إلى أن نقطة التحول الكبرى في حياته كانت انفصال والديه.
إقرأ المزيد
وخلال لقائه ببرنامج "ع المسرح" قال المطرب حسام حبيب: "نفسي أغني لعبد الحليم حافظ وشيرين عبد الوهاب بس بخاف أغنيلهم.
وأضاف حبيب: "لو في حزني أوي أغني لـشيرين "أنا مش هفضل كده على طول"..نفسي أغنيها مش علشان هي أغنية حلوة بس ولكن علشان أنا فعلا زهقت من نفسي دي شخصيتي فعلا وبتعبر عني".
وأردف: "نقطة التحول الكبرى في حياتي انفصال أبويا وأمي".
وأكمل الفنان المصري موضحا: "جلد الذات هو اللي جاب لي كل الأمراض النفسية ونوبات الهلع وده من وأنا صغير، أنا على طول مش مرتاح ولو كنت مثلا بحب واحدة واتخانقنا أقعد أبص على الحاجة الغلط اللي عملتها وخليتها تغلط فيا أو تسيبني والتمس لها العذر، أنا بفكر بقلبي مش بعقلي وبسامح كتير جدا".
كما صرح حسام حبيب بالقول: "انفصال أبويا وأمي كسرني من جوا وأثر فيا جدا وعايش في رعب دائم وحتى لو عندي عربية وجيت أبيعها ابقى زعلان ولا جيت أغير بيت وانقل لبيت بكون خايف ومرعوب، الخوف الزيادة بيخليني موصلش للنتيجة اللي انا عايزها وبقيت عايش حياة خيالية".
وتابع: "الخجل من اكبر المشاكل اللي كانت مسيطرة عليا خاصة في المدرسة وكنت باغيب فترات كبيرة عن المدرسة خاصة مرحلة الاعدادي والثانوي، بس لما كنت بغلط بحب العقاب، ولكن أنا بكره الكدب، ولما بغلط باروح أقول لأمي وقتها بحس إني شجاعة حتى لو الغلط كارثة".
واستطرد حسام حبيب:"عشت مع أمي وانا عمري 14 سنة وهي ربنا يديها الصحة وطول العمر، مكنتش دلوعة وبقيت راجل وانا صغير".
كما كشف حبيب قائلا:"أنا بحب ربنا جدا ودايما في دماغي، بس حاجة غريبة جدا.. مبصليش، أنا خايف أبقى مزعل ربنا مني علشان كده اتفادى الاتصال المباشر مع ربنا وده غلط، الهروب فيه نوع من انواع الكدب لإن ربنا شايف عيوبي ومطلع علي كل شئ وشايفني طول الوقت، وبالتالي الصلاة تنهى عن الفحشاء والمنكر ولما اقف قدام ربنا اخطائي هتقل".
المصدر: "فيتو"
المصدر: RT Arabic
كلمات دلالية: أخبار مصر أخبار مصر اليوم تويتر غوغل Google فنانون فيسبوك facebook مشاهير حسام حبیب
إقرأ أيضاً:
شوبير لجماهير الأهلي: اللي بيكرهك مش هيسقفلك حتى لو كسبت
انتقد الإعلامي أحمد شوبير، الهجوم على لاعبي الأهلي و المدير الفني الجديد بعد تراجع نتائج الفريق و خسارتة امام بالميراس البرازيلي، ضمن منافسات الجولة الثانية، من مجموعات بطولة كأس العالم للأندية.
وقال شوبير عبر قناة الاهلي:اللي بيكرهك مش هيسقفلك حتى لو كسبت ،مهما عملت، هيفضل يقول أصل الفريق التاني كان تعبان، أصل البطولة ضعيفة، هو ببساطة مش بيحبك".
وأضاف:"نعم، من حق الجماهير تزعل، تتضايق، تعاتب، لكن في النهاية لازم تفتكر شعارنا: على الحلوة والمرة معاه.
و تابع:أنت لسه واخد الدوري، ولسه بطل أفريقيا، ولسه بتمثل القارة في كأس العالم للأندية.
مباراة الأهلي القادمة
ويواجه الأهلي العديد من التحديات قبل لقائه المرتقب مع بورتو البرتغالي في الجولة الثالثة من دور المجموعات بكأس العالم للأندية 2025 المقامة بالولايات المتحدة، حيث يدخل المباراة بصفوف منقوصة وأزمات تهدد طموحاته في التأهل.
رغم تعقيد موقف المجموعة، تبقى آمال الأهلي قائمة بشرط الفوز على بورتو بفارق هدفين مع خسارة إنتر ميامي أمام بالميراس بنفس النتيجة، وهو السيناريو الوحيد الذي يمنح الفريق بطاقة العبور استنادًا لفارق الأهداف، في حال تساوي النقاط مع إنتر ميامي.
سخرية مريرة: أين اختفى البرلمان العراقي؟