علي جبر: بيراميدز لم يحصل على حقه الكافي بعد التتويج بدوري الأبطال
تاريخ النشر: 10th, July 2025 GMT
أكد علي جبر قائد الفريق الأول لكرة القدم بنادي بيراميدز ولاعب الإسماعيلي والزمالك السابق، أنه شخص قليل الكلام، لا يحب الظهور أو الأحاديث الإعلامية، مضيفًا: التركيز مهم جدًا وشيء أساسي للاعب الكورة عشان كده بحب أركز في شغلي داخل الملعب فقط.
وأضاف لاعب الزمالك السابق في تصريحات هامة لبرنامج نجوم دوري نايل مع أحمد المصري عبر إذاعة أون سبورت إف أم: بدأنا فترة الإعداد للموسم الجديد منذ أيام، عندنا طموح كبير ننافس به على كل البطولات، متابعًا: نافسنا الموسم الماضي على 4 بطولات حتى اللحظات الأخيرة وربنا كرمنا بالفوز بلقب دوري أبطال إفريقيا، كنا مركزين جدًا عشان نفوز بالبطولة دي لإنها الأهم والأقوى ومكاسبها كتير.
وشدد علي جبر: الكل عارف منافسة الأهلي والزمالك في مصر على أي بطولة بتبقى صعبة إزاي ومتطلباتها كتير، النادي تأسس منذ 7 سنوات فقط، والناس بتطالبنا بالبطولات من أول يوم، متابعًا: موضوع المنافسة صعب جدًا والقصة مش لاعبين فقط، لكن منظومة كاملة، وإحنا كبيراميدز بنفتقد لأهم ضلعين فيها وهما الجمهور والإعلام، عشان كده كمنظومة بنحاول نخلق الدوافع والحوافز لنفسنا، عشان كده الفوز ببطولة من الأهلي أو الزمالك ده إنجاز كبير وشيء صعب جدًا مش سهل زي ما الناس متخيلة، ما بالك بقى بدوري أبطال إفريقيا.
واختتم لاعب الإسماعيلي السابق حديثه: مخدناش الاهتمام اللازم بعد فوزنا بدوري أبطال إفريقيا، كسبنا البطولة واحتفلنا مع الجماهير اللي حضرت في الملعب وتاني يوم كل شيء اتنسى كإننا بنكسب البطولة كل سنة، لو البطل كان الأهلي أو الزمالك كانوا زمانهم بيحتفلوا لحد دلوقتي والإعلام بيتكلم عنهم كل يوم، مضيفًا: فخورين بنفسنا ومبسوطين بالبطولة وفرحانين بالإنجاز التاريخي الكبير اللي حققناه لمصر وده يكفينا، احتفلنا وراضينا نفسنا كمنظومة.
المصدر: الأسبوع
كلمات دلالية: بيراميدز نادي بيراميدز علي جبر فريق بيراميدز أخبار بيراميدز
إقرأ أيضاً:
موقفه وحش.. جمال عبد الحميد يكشف مفاجأة في قضية زيزو مع الزمالك
تحدث جمال عبدالحميد، عضو مجلس إدارة نادي الزمالك السابق، قائلًا: “احنا مش قد المحامين، أستاذ أشرف عبدالعزيز، محامي زيزو، أكيد هو اللي قاله يعمل كدة”.
وأضاف عبر قناة “النهار”: “أكيد المحامي قاله كدة عشان يكون في تنازل أو يفكولوا شوية الحبل، ويريحوا الموضوع أوي، لأن زيزو موقفه وحش”.
وتابع: “زيزو موقفه وحش عشان الحاجات اللي أثبتوها وودوها للاتحاد، إنه راح سفارة أمريكا عشان الفيزا، والكلام اللي اتقال في الإعلام إن الأهلي عايز يمضيه من سنة ونصف”.
وأكمل: “أنا من رأيي الموضوع محسوم لصالح الزمالك، بس (زيزو) بيقاوح عشان على الأقل ده يتقلل شوية، ممكن العقوبة اللي تيجي إنه يتوقف يتشطب يحصله أي حاجة، رايح نادي وهو على مع نادي تاني. أنا معرفش العقوبة إيه”.
ولا تزال أزمة أحمد سيد زيزو، لاعب الأهلي الحالي، مع الزمالك، تتصدر المشهد، خاصة بعد تقدم اللاعب بشكوى ضد ناديه السابق، للمطالبة بمستحقات متأخرة.
رسائل طمأنينة للمواطنين| المركزي يثبت الفائدة تأكيدا لتراجع التضخم.. خبير يوضح