هدوء فى مواقف الفيوم .. والمواطنين "السولار هيخللى الأسعار نار"

شهدت مواقف محافظة الفيوم حالة من الهدوء اليوم الجمعه بعد زيادة اسعار البنزين والسولار بمقدار2 جنيه للتر خاصة وان اليوم اجازة وحركة الركوب اقل من المتوسط وقد امتلآت المواقف بالسيارات دون وجود ركاب.

 وقد اجتمعت اللجنة الخاصة بتسعير اجرة الركوب فى المحافظة وقررت زيادة الاجرة بمقدار 13% واصبحت اجرة السيرفيس داخل المدينة 4 جنيهات والتاكسى 19.

50 جنيه ؟

حكومة غاوية نكد

"ليه بس يزودوا السولار" هذه العبارة جاءت على لسان احد المواطنين فى الفيوم واردف قائلا :" كل حاجة بتغلى بسبب السولار وهيخللى الاسعار نار حتى ربطة الفجل والجرجير" ما لحقناش تفرح بمؤتمر شرم الشيخ والوصول لكأس العالم ..الحكومة غاوية تنكد علينا .

وكتب احد المواطنين على صفحته على الفيس بوك : الحكومة اعلنت اننا بدأنا نجنى ثمار التنمية وصندوق النقد اعلن انه لم يطلب زيادة المحروقات ,مش عارفين ليه الحكومة بتزود اسعار البنزين والسولار والغاز ."حكومة غاوية نكد" .

احد السائقين فى موقف مصر قال : التعريفة الجديدة فيها ظلم للسائق ودلل على ذلك بقوله السولار رفع 2 جنيه  والزيادة اللى بتقررتها المحافظة لا تكفى خاصة وان زيادة السولار يزيد بعدها  سعر  الكاوتش والزيوت وقطع الغيار أضعاف, واضاف الكل  زعلان عشان الاجره زدات ونسيو قطع غيار العربيات اللي هيا كمان زدات ب الف جنيه  مره واحده ومحدش اتكلم.بالاضافة الى الترخيص والتجديد اللى بقى بيصرف حوالى 15 الاف جنيه .

وتقول فتحية جابر ربة منزل السولار رفع اتفرجوا بقي على أسعار الخضار والفراخ والمواد الغذائيه وطبعا باقى الحاجات, المواطن الغلبان هيموت.

وقد تواجد فى موقف مصر بمدينة الفيوم صباح اليوم اسامه الخولى مدير عام المواقف بالمحافظة ونائبه رفعت عوض الله بالاضافة الى عدد من الموظفين بالادارة الذين انتشروا فى اغلب مواقف المحافظة لتطبيق التعريفة الجديدة للركوب فور اعتمادها من الدكتور احمد الانصارى محافظ الفيوم .

44 55 444 677

المصدر: بوابة الوفد