«قلت لیهو»:

موعظة النقيب كان يعلم بأننا سنألم ☹️

موعظة النقيب كان يعلم بأننا سنألم ☹️ ✍️ تبيان توفيق الماحي حدث في يوم 3 إبريل الثورة ———————- التاريخ ده عمري ما حأنساهو لأنو غيّر في مفهومي كتير ،، في الزمن داك كانت المظاهرات في أوج عنفوانها وكانت الخرطوم ملتهبه بشعلة الثورة والمواكب والتجهيز لموكب يوم سته إبريل الإتحدد قبل أسبوع من يومه .. وقتها كنت صاباها في بري الدرايسه مع مجموعة من تروس بري وتروس شارع الأربعين وكانت مهمتنا قيادة نداءات المواكب التلقين ورفع الشعارات للشباب المشاركين .. وكان التوجية محدد إننا نخاطب الجيش وبالأخص قاصدين العساكر والضباط الصغار عشان نقدر نأثر فيهم ونخليهم جزء من حراك الشارع تمهيداً ليوم سته إبريل .. كانت وجهتنا القصر الجمهوري بحكم إننا قريبين من بري شارع النيل الخرطوم واتحركنا بي جامعة الرباط...


الدعاوي ساهلة والكلام ساهل لكن ساعة الجد بثبتو الرجال

بدايات الحرب دي كنت بمشي مرات أتونس مع شباب المدرعات في بعض الارتكازات أها مرة قلت للفدائي مصطفى مصطفى بحر قلت ليهو يا ليتني كنت معكم قالي ليه يا ليتك كنت معانا حسي تعال خش خلى خشمي ملح ملح قلت ليهو ما بعرف أدق سلاح قالي ي زول تعال يومين بس الثنائي بسلمك ليهو خلي الكلاش سكت ساي والزول من ديك بقى ما بتفاصح الدعاوى ساهلة و الكلام ساهل لكن ساعة الجد بثبتو الرجال عشان كده ربنا قال لينا ﴿ لَا يَسْتَوِي الْقَاعِدُونَ مِنَ الْمُؤْمِنِينَ غَيْرُ أُولِي الضَّرَرِ وَالْمُجَاهِدُونَ فِي سَبِيلِ اللَّهِ بِأَمْوَالِهِمْ وَأَنْفُسِهِمْ فَضَّلَ اللَّهُ الْمُجَاهِدِينَ بِأَمْوَالِهِمْ وَأَنْفُسِهِمْ عَلَى الْقَاعِدِينَ دَرَجَةً وَكُلًّا وَعَدَ اللَّهُ الْحُسْنَى وَفَضَّلَ اللَّهُ الْمُجَاهِدِينَ عَلَى الْقَاعِدِينَ أَجْرًا عَظِيمًا ﴾ [النساء – ۹٥]مصطفى ميرغني إنضم لقناة...


شاب سوداني يغير ملابسه بسرعة في شوارع الرياض .. ما القصة؟

قالي في كيس في المقعد الورا مدو لي معاك، مديت ليهو الكيس وما عارف فيهو شنو ولا سألتو، توقعت يكون سندوتشات ولا أي حاجة خفيفة ياكلوها لأنو ورانا مشوار طويل، وطبعا هو سايق العربية وأنا راكب معاه في المقعد الأمامي.بعد شوية وفي أول إشارة تلاقينا ونحن في شوارع الرياض العاصمة السعودية اشوف ليك صاحبي طلع ليهو جلابية وسروال من الكيس وعايز يغير ملابسو، قلت ليهو دا شنو يا زول انت ما نصيح؟ رد لي استمتع بالرحلة ودع القيادة للسائق.وبدا صاحبي في كل إشارة سرعة سرعة يملص في هدوم الشغل ويلبس في الجلابية والسروال، ولحدي الطاقية والشال ظبطهم تماااام وأنا ساكت ما قلت ليهو حاجة خايف من لسانو الطويل.أها بعد ما خلص براهو قالي نحن ماشين وين؟ مش معزومين غدا؟ قلت...


???? احذر.. مكالمة فعلنا جهاز ستارلينك في السودان باسمك ورقم تلفونك.. لماذا؟

رقم غريب أمس بالليل رسل لي في الواتساب :”السلام عليكم”. رديت عليهو الصباح. قبل شوية ضرب لي في الواتساب، بعد السلام والسؤال عن الصحة والأحوال، والأهل والأولاد، قال لي معاك شركة ستارلينك في ديم سواكن. أمس بالليل رسلت ليك رسالة وما حبيت اتصل عليك عشان الوقت مزعج. نحن بالغلط فعلنا جهاز ستارلينك بي اسمك و رقم تلفونك. فبنعتذر منك يا أستاذ. و واصل “هسا دايرين نلغي تسجيل الجهاز.” “استارلنك ده شنو؟” سألتو باستغراب.. فكتر خيرو شرح لي، قال “ده جهاز واي فاي بتاع انترنت، ما سمعت بيهو في الميديا ولا شنو؟”.. قلت ليهو لاقاتني، لكن ما ركزت معاهو. “طيب، و المطلوب شنو؟” سألتو قال لي أنا رسلت ليك رقم في الواتساب، ومفروض تقول لي الرقم ده عشان نلغي الإشتراك. وريتو...


ناشط جنوب سوداني يكتب عن فوز صقور الجديان على منتخب بلاده: (قاعدين نشجع والسودانيين يهتفوا “دبل ليهو” ولعيبة السودان بدل يطنشوا قاموا دبلوا لينا..ليه ياخ؟ رحمة مافي؟مبروك تاني وثالث للسودان لأنهم استحقوا الفوز)

حظي منشور لصحفي وناشط من دولة جنوب السودان على إعجاب جمهور مواقع التواصل الاجتماعي بالسودان.وبحسب رصد ومتابعة محرر موقع النيلين فقد قام المئات بمشاركة تدوينة الناشط “دينق قوج” التي كتبها على حسابه عبر موقع التواصل الاجتماعي فيسبوك.“دينق قوج”, كتب تدوينته عقب فوز المنتخب السوداني على منتخب جنوب السودان بثلاثية نظيفة على ملعب جوبا, الجديد ضمن تصفيات كأس العالم 2026.وكتب الصحفي الجنوب سوداني: (في الاستاد وكلي امل وخاتي في راسي منتخبا الاتعادل مع السودان مرتين وكان اقرب للفوز … اها جابوا فينا قون …. قلنا في أمل وقاعد نشجع والسودانيين بهتفوا (دبل ليهو ) ….لعيبة السودان بدل يطنشوا قاموا دبلوا لينا ….حيلي مات وقعدت في مقعدي …وجات الصاقعة قصدي الثالثة …يلا الجمهور السوداني غيروا الهتاف الى ياهو ده الشغل ده الشغل...


???? ماذا فعل الدعامة بنجم الهلال السوداني سيف مساوي مما جعل نفسية والديه تنكسر

*نص رسالة سيف* (سيف مساوي لاعب الهلال يسكن أمبدة) أمس جوني في البيت قاعدين يكسرو في الباب قلت ليهم دقائق بفتح ليكم دخلو فتشو البيت حتا حتا قلبو البيت م خلو شي شالو تلفون أبوي وامي انا بس سمعت كسير الباب دسيت تلفوني…………………… واحد قال لي عشان أخارجك من الناس ديل وريني محل الدهب والقروش قلت ليهو أنا عاطل لي 5شهور. م عندي قروش ولا قرش والله ضربوني ضرب بي حقد قال لي مفتاح العربية وين.؟ أديتو المفتاح قلت ليهو العربية عاملة حادث ليها فترة مغبرة واقفة ما تتحرك وكدا،، قال لي دي م بتنفع معاي. بقو يفتشو يفتشو في الصالون عندي بترينا كبيرة فيها شهادات وهدايا وميداليات في واحد من أولاد الخرطوم قال ليهم تعالو نمشي...