صفية العمري تكشف عن علاقتها بـ حورية فرغلي

كشفت الفنانة صفية العمري عن علاقتها بالفنانة حورية فرغلي، كما صرحت بتعرضها لانتحال الشخصية عبر مواقع التواصل الاجتماعي، وذلك خلال لقائها في برنامج عرب وود.

 

وقالت صفية العمري في لقائها ببرنامج عرب ودد: “حورية فرغلي أنا بحبها جدًا واتأثرت بمرضها جدًا وبتربطني بيها علاقة إنسانية جدًا وصداقة حلوة أوي، ومش هي بس أي إنسان في أزمة لازم أقف معاه بشكل انساني ومش لازم يكون فنان لازم نتشارك مع الناس ولا يدوم إلا وجه ربنا.

”

 

وأردفت صفية حديثها، قائلة: “اتعرضت لانتحال الشخصية على مواقع التواصل الاجتماعي كتير وياما قفلت صفحات وبلغت عن عدد كبير جدًا معرفش ليه دايما بيصطادوني ودايما بقول يجماعة متثقوش في اي حد بينتحل شخصيتي وبيحط صورتي لأن أحيانا الردود اللي بتطلع من الناس الفيك دي ناس كتير بتقولي مش كلامك ومش مصدقين أنه ده انتِ عشان عرفين شخصيتك واحترامك للناس فمنهم لله”.

 

صفية العمري تعلق على عمل الفنانين: "محدش عارف ظروف التاني"

 

كما كشفت الفنانة صفية العمري عن استيائها جراء الأحداث التي يمر بها الوطن العربي في الآونة الأخيرة، بالإضافة إلى أصعب المراحل التي مرت عليها، وعن أبنائها موضحة أنها لم تتمنَ دخولهم الوسط الفني.

 

وقالت الفنانة صفية العمري في تصريحات تلفزيونية لها: “موجوعة جدًا من اللي بيحصل في فلسطين، لكن بالنسبة للفنانين اللي بيشتغلوا، محدش عارف ظروف التاني، قلبنا وعواطفنا مع الناس اللي بتتعرض للظلم، لكن لازم نشوف أن في تدمير آخر في الحياة، لازم نقدر الفنان اللي بيشتغل منظلموش”.

 

وأضافت صفية العمري: “الإنسان دايمًا بتجيله لحظات إحباط وحياته بتتغير مع الظروف وبيكون فيه طلوع وهبوط، ولازم يبقى فيها إحباطات شوية ولازم يبقى فيها الرضا والتفاؤل ونقول يا رب، النهاردة في أحداث مدمرة والكون كله ملغبط، لكن ربنا حاطط فينا روح فيها تفاؤل ويا رب يرزقنا ويجدد حياتنا ونقول الحمد لله رب العالمين إننا بصحة جيدة ونحاول تاني ونجدد المقاومة، وده سر الرضا إنك تكون راضي من نفسك ومتحاولش تأذي حد وتتماشى مع أسلوب الحياة”.

المصدر: بوابة الفجر