بعد تصدرها التريند.. أبرز تصريحات منى الشاذلي مع أنس بوخش
تاريخ النشر: 3rd, January 2024 GMT
تصدرت الإعلامية منى الشاذلي، محركات بحث جوجل في الساعات الماضية بعد استضافتها في برنامج " Abtalks” مع الإعلامي أنس بوخش المذاع على قناته الرسمية بموقع الفيديوهات الشهير "يوتيوب".
وقالت منى الشاذلي: “أنا بنت الطبقة المتوسطة المصرية، والداي كانوا من جيل الستينات العظيم، وعلمني والدي إن الجوهر أهم من المظهر،وأنا محبة لكل محيطي، غير كارهة لأي شيء سواء أكل أو شخص، ممكن أزعل من شخص وأحذفه من حياتي، وكلمة كراهية صعبة عليا،وأحب أن أكون منتجة وليس مدللة، ولم أتربى منذ صغري على الدلال، عشان لما تيجي النعمة أفرح بها ولما تزول أقدر أتخطاها”.
أما عن علاقتها بوالدتها قالت منى الشاذلي: “أنا كنت طفلة وديعة.. وفي العموم أنا إنسانة وديعة وقوية.. ولكن قوتي داخلية، بشوف أقوىالناس هم الناس الهادية اللي قوتها داخلها، ومش بحب القوة اللي فيها صوت عالي وفرد عضلات، وحياتي كانت مع أسرة محبة وأم عطوفةجدًا”.
وحول زواجها وقصة حبها، أوضحت منى الشاذلي:" اتعرفت على جوزي في إيطاليا، وبقالي 25 متجوزة وأنا وجوزي متناقضين في كلحاجه وهو مش رومانسي، والناس اللي ما عاشوش قصة حب في حياتهم فاتهم حاجة حلوة أوي، والحب الأول بيكون فيه شغف يكفي العالم بعد كده يدخل الاعتياد".
وتابعت:" لما قررت اسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لاكنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظمالعلاقات اللي بتبدأ بخناق بتعيش لمدة طويلة وأنا وهو دلوقتي تمينا 25 سنة مع بعض وأنا وجوزي متناقضين في كل حاجه وهو مشرومانسي، هو حنون ورجل عائلة عظيم، لكنه راجل عملي، ومش بنزعل من الاختلاف بينا".
وأوضحت منى الشاذلي: " الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولو اكتافك متتحملشالمسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير".
وعن الوظيفة التي كانت تتمنى العمل فيها، أضافت منى الشاذلي:" كان نفسي أبقى دكتورة أو مدرسة عشان أساعد الناس، ولما دخلتالجامعة الأمريكية لقيت الأقرب ليا هو الإعلام"
المصدر: بوابة الفجر
كلمات دلالية: منى الشاذلي أنس بوخش أبرز تصريحات منى الشاذلي الإعلامية منى الشاذلي منى الشاذلی
إقرأ أيضاً:
اللي بيتعرض عليا ما يستاهلش| أسامة عباس يكشف حقيقة اعتزاله
كشف الفنان الكبير أسامة عباس، عن حبه الشديد للقراءة، قائلًا: "آه الحمد لله، دي هي هوايتي المفضلة الأولى. والحمد لله عندي مكتبة يعني أي حد يفتخر بيها".
وعندما سألته نهال طايل، إذا كان قد اعتزل الفن، رفض استخدام هذا المصطلح، في مداخلة هاتفية ببرنامج تفاصيل المذاع على قناة صدى البلد 2، قائلاً:"ما كلمة اعتزلت دي كلمة كبيرة أوي يعني"، موضحًا: "اللي بيتعرض عليا ما يستاهلش إني أعمله ساعتها لو عملته، ممكن أي حد من اللي هو كان أصلاً مقتنع بقدراتي يقول إزاي يا أسامة تعمل ده؟".
وأكد أسامة عباس، أنه إذا عُرض عليه عمل جيد، فإنه لن يتردد في العودة، قائلاً: "آه أكيد، أكيد، هجري وراه كمان، أنا اللي هجري وراه. لكن الحقيقة اللي بيتعرض عليا لأ، ما بيُثرش شهيتي للعمل الفني تاني مرة أخرى".
وعن بداية مشواره الفني، أوضح أسامة عباس، أنها كانت إلى حد ما صدفة، قائلاً: "وأنا في الجامعة كنا بنعمل سكتشات كده مع بعض، حاجات بدائية كده بتاعة طلبة يعني. لكن لما اتخرجت توقفت تماماً عن التمثيل وكنت اتجوزت وابتديت بقى أشتغل كمحامي. فما كانش في تمثيل لحد بعد يجي سبع تمن سنين من الشغل".
إنهاء أزمة صحفيي الطريق مبدئيا .. تفاصيل