سفير مصر في نيودلهي يُقدم نسخة من أوراق اعتماده لوزارة الخارجية الهندية
تاريخ النشر: 22nd, October 2024 GMT
استقبل السفيرAnshuman Gaur، رئيس مراسم الدولة بوزارة الخارجية الهندية، يوم ٢١ أكتوبر ٢٠٢٤، السفير كامل جلال، سفير مصر الجديد لدى الهند، وذلك لاستلام نسخة من أوراق اعتماده سفيرًا لمصر لدى الهند.
وقد استهل السفير كامل جلال اللقاء بالإعراب عن اعتزازه لتعيينه سفيرًا لمصر لدى الهند، مُشيرًا في هذا السياق إلى توجيهات السيد رئيس الجمهورية بالعمل على تعزيز العلاقات الثنائية بين القاهرة ونيودلهي في شتى المجالات، ولاسيما من خلال ترجمة اتفاقية الشراكة الاستراتيجية بين البلدين إلى خطوات عملية تُلبي مصالح البلدين وطموحات الشعبين الصديقين.
ومن جانبه، أشاد المسئول الهندي بما شهدته العلاقات الثنائية بين مصر والهند من تطور خلال العامين الماضيين في ضوء زيارتي رئيس الجمهورية إلى نيودلهي في شهري يناير وسبتمبر ٢٠٢٣ وزيارة رئيس الوزراء الهندي إلى القاهرة في شهر يونيو ٢٠٢٣، معربًا عن أطيب أمنياته للسفير المصري بالنجاح والتوفيق في مُهمته الجديدة.
المصدر: بوابة الوفد
كلمات دلالية: وزارة الخارجية الهندية الهند
إقرأ أيضاً:
(كامل إدريس .. زعيم ومفكر ولا خازوق جديد)
انتشرت صورة قبل يومين ظهر فيها الدكتور كامل إدريس رئيس الوزراء و هو لابس جاكيت ما بشبه اللبس السوداني ، جاكيت بدون ياقة مفتوحة او كرفتة و مقفول من قدام زي الجلابية ، اللبسة دي في الحقيقة اسمها ( نهرو جاكيت ) و مرتبطة بشخصية عالمية مشهورة اسمها ( جواهر لال نهرو ) و نهرو ده كان أول رئيس وزراء للهند .
و قبل ما نعرف قصة نهرو مع كامل ادريس شنو لازم في الاول نجهز كباية قهوة بدون سكر و بدون دواء و للناس الما بتعرف ( نهرو ) بنقول ليهم ده زعيم و مفكر و اديب من الناس القادوا الهند لطريق الإستقلال من الإستعمار البريطاني و بعد الإستقلال بداء يبني الدولة الحديثة بتفكير جديد و بدون اي تبعية للغرب او الشرق لانو السيد نهرو كان من المؤسسين لحركة ( عدم الإنحياز ) مع الزعيم جمال عبد الناصر و تيتو من يوغسلافيا ، الحركة دي معناها إحنا ما تابعين لي زول ، لا لامريكا ولا لروسيا و إحنا بنقرر وين بتكون مصلحتنا .
السيد نهرو كان دائما بيلبس الجاكيت البسيط و المميز ده و دي حاجة خلت الناس تربط اللبسة دي بشخصية نهرو القوية و الفكرية و تسميها على اسمو ، لكن ، السؤال هنا ، لييييه كامل إدريس لبس لبسة نهرو ؟؟
كامل إدريس ما زول بسيط، كامل زول قانوني ضليع و مثقف كبير و من الناس الشايلة هم السودان من زمان و لامن زول ذي كامل ادريس يلبس لبسة نهرو المعروفة فاكيد ما صدفة و اكيد دي رسالة صامتة بتقول انا زول بفكر و ما داير امشي وراء التبعية و عايز ابني صورة جديدة للسودان فيها كرامة و عزة خاصة و انو لبسة نهرو دي بترمز للكرامة و الإستقلال و اصبحت رمز عالمي للزعماء و المفكرين و كامل عايز يقول انا ما سياسي عادي انا زعيم و مفكر و في نفس الوقت عايز يقول سياستنا ح تكون عدم الانحياز لاي معسكر و قرارنا ح يكون مستقل و ح اعمل في السودان ذي ما عمل نهرو في الهند
الزعماء و المفكرين ما بيتكلموا كتير و حتى صمتهم بيكون عندو معنى و كامل ادريس بي لبستو دي قال كتير من غير ما يتكلم و كنت متوقع انو اللبسة دي تلفت نظر الناس و تتكلم عنها لانها ما عندها علاقة بملابسنا الوطنية و لا بتراثنا و لا يمكن انو كامل ادريس يكون لبسها بالصدفة و هو في ساعاتو الاولى في كرسي الحكومة
جواهر نهرو لامن استلم رئاسة وزراء الهند استلمها دولة مفككة و فقيرة و متخلفة في التعليم و الصحة و الصناعة و قرر انو يبداء من الصفر و فعلا خلال سنوات اصبحت الهند دولة قوية ليها مكانتها في العالم .
إحنا حاليا في السودان برضو طالعين من حروب و انقلابات و تدخلات اجنبية و السودان محتاج لزول ذي نهرو عندو بعد نظر و قريب من شعبو و بيعرف كيف يخاطب العالم و يختار الطريق الصحيح للبلد ، فهل ح يكون كامل ذي نهرو فعلاً ؟
ما عايز احكم على كامل قبل ما اشوف حكومتو و شغل حكومتو لكن كامل ادريس قال عندو خطة و تصور و دي الحاجة الخلتني اتفاءل بيهو لانو ما حصل في تاريخ السودان جانا رئيس وزراء شايل خطة و تصور واضعهم بي نفسو .
خلونا ندعم دكتور كامل لانو كامل بدون دعم الشعب ما ح ينجح ، خلونا نقيف معاهو لحدي ما نشوف القبة تحتها نهرو ولا خازوق جديد و كل عام و انتو بالف خير .
نزار العقيلي
3 إصابات شمالي الأردن بعد سقوط شظايا صواريخ (شاهد)