الجمهور لـ عفاف مصطفى "أنتي بتعملي كده علشان تكوني تريند".. والفنانة تجيب

قالت الفنانة عفاف مصطفى، أن تصريحات الفنانة مادلين طبر عن الزعيم عادل إمام، هي من شجعتها على كتابة ذلك المنشور، موضحة أن مادلين لديها الحق فيما قالته.

وتابعت عفاف مصطفى خلال مداخلة هاتفية عبر برنامج تفاصيل، الذي تقدمه الإعلامية نهال طايل عبر فضائية صدى البلد 2: "لما لقيت مادلين طبر هي اللي فتحت الموضوع أنا اتجرأت وعملت كده، وهي عندها حق في الخطوة دي ومن حقنا نشوف الزعيم عادل إمام أنا مش بقحم نفسي عليه".

وأضافت عفاف مصطفى، قائلة: "في ناس كتير بتقابله وأنا عندي معلومات بتوصلني لحد البيت ومتأكد منها مليون  في المية.. اشمعنا أنا أو اللي من جيلي".

وردت عفاف مصطفى على سؤال البعض بخصوص أنها فعلت ذلك من أجل التريند قائلة: "أنا لو عاوزه أعمل تريند كنت ظهرت في برامج، لكن أنا عملت ده علشان أنكش رامي إمام مكنتش أتخيل أن البوست يوصل للمرحلة دي، في ناس بتتهم أني بتير الجدل ورفضت أظهر في كتير من البرامج".

واختتمت عفاف مصطفى: "أنا بوجه رسالة لـ رامي إمام وبقوله عاوزه أشوف الأستاذ عادل إمام وأسلم عليه لأن ده هو الأب الروحي للوسط الفني".

 

منشور عفاف مصطفى عن عادل إمام

وخلال منشور لها عبر حسابها الشخصي  على موقع فيسبوك، كتبت عفاف مصطفى: زعلانة من رامي إمام بعتاله الرساله الأخيرة دي عالوتساب ضمن العشرات قبل كده.. الرسالة الـ 15 ليك أستاذ رامي أتمنى يقراها أستاذي عادل.. نفسي ورجائي أشوف الأستاذ عادل وجه لوجه لأني عارفة أني الوحيدة اللي بضحكه لما بقعد جنبه زي ما قاللي قبل كده.. وكنت دايما أكلمه تليفونيا ويضحك ويبقى سعيد لمجرد يسمع صوتي.

واستكملت: دلوقت حضرتك يا أستاذ رامي الوحيد اللي تقدر تحسم طلبي المتكرر، سؤال أستاذ رامي هوه أنا خطر على بابا ولا حاجة؟.

وأضافت: أنا لو عملت كوبي لكل رسايلي اللي بترجاك فيها أزوره ونزلتها في صفحتي حضرتك هتحقق لي طلبي لما تلاقي الناس متضامنة مع رجائي.. الرجاء المتكرر.. ممكن تسمحلي وأنت من بيت كريم بزيارته وتبلغه قبلها ولو عندكم تحفظات أو ظروفه لا تسمح أنا مش هزعل”.

آخر أعمال عفاف مصطفى

ومن الجدير بالذكر أن آخر عفاف مصطفى مسلسل جعفر العمدة الذي تم عرضه في الموسم موسم الرمضاني الماضي لعام 2023 على قناة DMC.

وهو من تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر، وبطولة محمد رمضان، زينة، هالة صدقى، إيمان العاصى، مى كساب، منة فضالى، عصام السقا، مجدى بدر، أحمد فهيم، منذ رياحنة، دعاء حكم، أحمد داش، بيومى فؤاد، فريدة سيف النصر، جورى بكر، طارق النهرى، وعدد آخر من الفنانين.

 

المصدر: بوابة الفجر