خالد محمود: ندمت على مشهد القبلة في "شاويش نص الليل" والسينما لازم تكون نظيفة
تاريخ النشر: 28th, August 2023 GMT
تحدث الفنان خالد محمود عن وجهه نظره في الفن قائلا:' الفنان قدوة مهمة جدا والدليل أن الممثل الكويس بتلاقي الناس مبسوطة وفرحانه بيه وبتابعه، وبتعمل اللي بيعمله وردود أفعال الناس عليه أن دوره كان إيجابي وبيفيد المجتمع، الممثل اللي بيضر بتلاقي الناس كلها مبتختلفش عليه إنه قدوة سيئة والفن لو مش رسالة مكنش في فيلم كلمة شرف للراحل فريد شوقي يغير قانون في الحياة الاجتماعية أو فيلم جعلوني مجرما الفيلمين دول غيروا قوانين في البلد.
وأضاف محمود خلال تصريحاته تليفزيونية :" أنا ضد اللي بيقول الفن مش رسالة والا مكنتش اتقال على الفن قوة ناعمة، وانا مش ضد مصطلح السينما النظيفة السينما لازم تكون نظيفة احنا بتشتغل عشان نعمل عملية متعة للناس وتتبسط من خلال التليفزيون أو السينما.
وعن مشهد القبلة في فيلم شاويش نص الليل أوضح خالد محمود قائلا :' أنا مكنش بإيدي ومكنتش صاحب قرار ده كان فيلم بطولة لواحد عنده ١٨ سنة ولما اتعرض الفيلم أنا مرضتش عن نفسي في الحته دي على الرغم من أن الفيلم وصل رسالة كبيرة جدا .
وكشف خالد محمود رفضه لمشهد به قبلات في فيلم سينمائي:' أنا مع نفسي لما قعدت قلت مستحيل اعمل حاجه فيها قبلات، وفي فيلم طلب مني مخرج مشهد فيه قبلة قولتله اي المبرر الدرامي فتفهم ولغى المشهد تماما ومن ساعتها لحد دلوقت كل حاجه بالنسبالي تمام.
المصدر: صدى البلد
كلمات دلالية: الفنان خالد محمود فريد شوقي خالد محمود خالد محمود فی فیلم
إقرأ أيضاً:
«حلي الوحيد أروح لربنا».. محامِ شاب يُنهي حياته ويوجه رسالة مؤثرة لعائلته
في واقعة صادمة وغامضة، قرر محامي شاب الانتحار والتخلص من حياته بشكل مفاجئ، دون أن يكشف عن السبب الرئيسي الذي دفعه إلى اتخاذ هذا القرار "المؤلم"، واكتفى فقط برسالة ودّع بها أهله وأصحابه والمقربين منه.
تفاجأ رواد مواقع التواصل الاجتماعي، بمنشور لـ شاب يدعى "محمد عبد العزيز"، يبلغ من العمر 35 عاما، ويمتهن المحاماة، قرر التخلص من حياته في ظروف غامضة أثارت جدلا واسعا، خلال الساعات الأخيرة الماضية.
وقال "عبد العزيز"، خلال منشوره: "لو البوست ده نزل يبقى أنا أخدت القرار اللي بقالي فترة كبيرة بفكر فيه وكنت متردد، والقرار ده هو إني أخلص كل اللي حواليا من أنهم يشيلوا همي، معنى إن البوست ده نزل يعني هتلاقوني في المكتب ومخلص على نفسي".
وأضاف: "بس فيه كلام نفسي أقوله لكل الناس اللي كانوا في حياتي، الحلو منهم والوحش، وأولهم عيلتي، "أبويا، أنا كان نفسي أفرحك قوي وكان نفسي إنك تبقى فخور بيا، بس للأسف ماعرفتش أعمل كده، وأنا آسف خذلتك".
وتابع: "أمي، أنتي أغلى حاجة عندي في الدنيا، والتراب اللي بتمشي عليه ده كان بيريحلي نفسي في الدنيا وإنك جنبي، وأختي إيمان، أنا بحبك قوي، وأنا عارف قد إيه إنك هاتبقي زعلانة عليا، بس بقدر الإمكان عايزك تطلعي أمك من اللي هاتبقى فيه.
وأكمل: "إخواتي الرجالة، أنا بحبكم واحد واحد، وكان نفسي أقولكم إني بحبكم كلكم ونفسي ما أبقاش قصرت مع حد فيكم٫ ولاد إخواتي، أنتوا السند والظهر لجدكم وستكم، خَلوا بالكم من نفسكم، أنتوا أحسن حاجة حصلت لي في حياتي، وعمري ما كنت أتخيل إني أحب عيالي قد ما بحبكم كده".
وواصل: "عمي وولاد عمي وباقي قرايبي، أنا كنت بحبكم قوي وأكتر من نفسي كما، وصحابي، ابقوا خلوا بالكم من أبوي وأمي وعوضوهم عني، وربنا يخليكم فاكريني طول العمر بالخير، بس أصلها مش مستاهلة أبقى ميت الموتة دي، وسيرتي كمان في الدنيا وحشة".
واختتم رسالته: "في الأخير يا رب أكون سيرتي حلوة وسط الناس، ويكون الناس كلها تفتكرني بالطيب، ولو أي حد زعلان مني، أنا آسف، بس ما لقيتش حل إني أبقى عندي 35 سنة ولسه زي ما أنا ما عملتش حاجة في دنيتي غير إني أروح لربنا.
اقرأ أيضاًالتحقيق مع عامل اعتدى بـ «مضرب ذباب» على سيدة مضطربة نفسيا بالمطرية
«بدأت بضرب وانتهت بدور رعاية».. القصة الكاملة لـ اعتداء نجل محمد رمضان على زميله
تفاصيل الحالة المرورية اليوم في شوارع وميادين القاهرة والجيزة
شاهد | الرئيس الإماراتي يستقبل ترامب في قصر الوطن بأبوظبي