مصدر يكشف سر غياب حسام غالي عن مواجهة الخطيب

غاب حسام غالي، عضو مجلس إدارة النادي الأهلي عن مواجهة محمود الخطيب رئيس النادي، في اجتماع المجلس مساء الخميس.

مجلس إدارة الأهلي يعتمد ميزانية العام المالي

حسام غالي قاطع الاجتماع لأسباب خاصة بعد تصريحاته الأخيرة بشأن رغبته في الترشح لرئاسة النادي.

مصدر مقرب من حسام غالي أكد أن الأخير لم يحضر الاجتماعات الأخيرة للمجلس على مدار آخر شهرين.

في سياق متصل بعث محمود الخطيب، رئيس النادي الأهلي، برسالة حاسمة للاعبي الفريق الأول لكرة القدم على هامش مران الخميس، على ملعب مختار التتش، مشددًا على أهمية الالتزام بروح الفريق والعمل الجاد لاستعادة النتائج الإيجابية.

وقال الخطيب، في حديثه للاعبين والكابتن وليد والكابتن عماد وكل الطاقم الموجود، هما إخواتكم، هما المسئولين مسئولية كاملة عن كل ما يخص الفريق الأول".

وأضاف: "عايز أتكلم معاكم، ككورة، الكرة مش أسماء الكرة جدعنة ورجولة، وسبرينتات واحتكاك، الكرة مش اسماء أبدا، خدوا بالكم، إحنا في استاد مختار التتش (رحمة الله عليه) أحد الاساطير، مرورًا بوجود سيادتكم وكلهم كانوا أحسن منا، كله راح وانتم دلوقتي وجهة النادي".

وتابع: "الفترة اللي فاتت، مكنتش أحب أبدا تكون موجودة معاكم أنتم، الاهلي كيان، الأهلي تاريخ، الأهلي مبادئ، الأهلي قيم، والأهلي هيبقى كدا.. والأهلي هيذكر اللي هيمشي على نفس الخط بتاعه، لازم نفكر يا رجالة في الكلام دا.. إحنا النهاردة ناويين نقدم إيه ونعمل إيه".

واستمر: “أنا اتكلمت معاكم قبل كدا.. واضح إن إحنا نسينا، إزاي تقدروا جماهير الأهلي وتحترموا كيان النادي، هو دا المطلوب منكم، النادي الأهلي بيصبر لكن مبيقبلش أي حاجة غير اللي هيساهم في رفع اسم كيان هذا النادي، دا اللي إحنا هنقبله بس”.

وواصل “أنا عندي ثقة كبيرة في كل واحد فيكم، ننسى الفترة اللي فاتت، نشطب عليها، ونشوف اللي جاي ايه، وانا متأكد يا رجالة، لو التركيز زاد، الموضوع إن شاء الله تحققوا كل اللي تتمنوه، واللي الجماهير تتمناه”.

وأتم: “حافظوا على تاريخكم.. تاريخ ناديكم، نقدر جماهيرنا ونحترمهم، وإن شاء الله كلنا نمد إيدينا ونقرأ الفاتحة”.

المصدر: بوابة الوفد