«مبيصرفش على ابنه».. الفنانة عايدة غنيم تهاجم زوجها

هاجمت الفنانة عايدة غنيم زوجها بعد ادعائه بأنه يراعي ابنه ويتكفل به، لذا فتحت النار عليه من خلال نشرها فيديو على مواقع التواصل الاجتماعي توضح فيه حقيقة تلك الادعاءات.

الفنانة عايدة غنيم تهاجم زوجها

وجاء ذلك في مقطع فيديو نشرته عايدة غنيم عببر حسابها الشخصي بموقع الفيديوهات الشهير «تيك توك»: «ابني من يوم ما انفصلت قسمًا بالله ما حد بعتله جنيه ولا اترفعت عليه سماعة تليفون، ولا اتقال له كل سنة وأنت طيب في عيد ميلاده ولا في أي مناسبة في الحياة، أنا متكفلة بكل حاجة ويعلم ربنا والناس المقربين مني، وأنا متكفلة بكل مصاريف ابني من أكبر حاجة لـ أكبر أصغر حاجة ومصاريف علاجه كلها، اللي أقل دواء فيها بيوصل لـ 150 دولار».

الفنانة عايدة غنيم تهاجم زوجها

وأوضحت عايدة غنيم: «يا ريت تحترموا صمتي وسكوتي وإني عايشة في حالي وبربي ابني وربنا ما يحوجني ليكم ولا يحوجني لأي حد، متتكلموش من ورايا وتقولوا إحنا بنصرف، ده محصلش وكل حاجة عندي بالمستندات سواء مصاريف وأدوية بالتفاصيل».

وأضافت عايدة غنيم: «أنا مش مانعة إن حد يشوف ابني لأني مش هتعب نفسية طفل وعمري ما هحرم ابني من إن حد يشوفه ده إذا كان حد عايز يشوفه، ومفيش حد بيصرف جنيه على ابني ولا حد يعرف حاجة عن ابني هو خف ولا لأ، وأشعاته وتحاليله أنا اللي متكفلة بيها ومتحملة مسئوليته كلها، ومفيش حد بيصرف على ابني جنيه ولا قريب ولا غريب».

الفنانة عايدة غنيم تهاجم زوجها

وتابعت:« أنا نفسي قولت يا جماعة الولد مالوش علاقة بأي خلافات ومع ذلك ولا أي حد اهتم ولا حد سأل، فمحدش بعد كده يجي يقول إحنا بنصرف».

وقالت:« مش معنى إني ساكتة أنا مش بتاعة وجع دماغ ولا ليا في المحاكم والقضايا، أنا ست في حالي وبربي ابني والحمد لله ربنا بيرزقني برزقه وطول ما ربنا رازقني خلاص الفلوس دي آخر حاجة أفكر فيها، وحقي اتنازلت عنه ولكن حق ابني مش من حقي إني أتنازل عنه، ومش معنى إني مطلبتهوش إني اتنازلت عنه ده محصلش ويشهد ربنا على كل كلمة بقولها وكل الناس القريبين مني عارفين ده».

اقرأ أيضاًاليوم.. محاكمة طليق الفنانة علا غانم لاتهامه بالاعتداء عليها

تزوجت نيازي مصطفى ووصلت للعالمية.. محطات بحياة الفنانة كوكا أشهر بدوية في السينما

المصدر: الأسبوع