???? هاشتاقات المطالبة بفتح الانترنت الفضائي للسودان ما منها فائدة

عشان الناس ما تضيع جهدها عالفاضي. هاشتاقات المطالبة بفتح الانترنت الفضائي للسودان ما منها فائدة.

الانترنت الفضائي ما “واي فاي” او شبكة اتصال ممكن تتفتح او تتقفل البساطة دي..
بالذات “ستارلنك” لأنه بيعتمد على أقمار صناعية في مدار منخفض، متحركة باستمرار..
الشبكة سلفاً مغطية معظم كوكب الأرض، بس عشان تستقبلها محتاج طبق خاص من ستارلنك بيتحرك بميكانيزم داخلي معين عشان يعدل وضعيته ويكون مواجه أقرب قمر صناعي ليه في كل لحظة.

ومحتاج كمان رسيفر خاص من ستارلنك او راوتر.. يعني ما ممكن تستقبل انترنت ستارلنك في تلفونك مباشرة.. عشان التلفون ما فيه أنتنّة ستالايت ولا مصنوع للغرض دا.

الطريقة الوحيدة الممكن ينجح بيها الهاشتاق دا، ان ستارلنك ترسل لكل سوداني طبق وراوتر سعرهم مئات الدولارات.. ودا شيء مستحيل.

اعتقد من الأفضل تركيز الجهد الإعلامي في تسليط الضوء على التعتيم الحاصل للاتصالات دا.. وإدانة من يجتهد في معاقبة وإذلال الشعب السوداني وتعسير حياته.. دا الممكن يجيب نتيجة.

Mohamed Khalid Doshka

المصدر: موقع النيلين