حصل «الأسبوع» على اعترفات سهير عبد الحليم، 16 سنة ربة منزل، والمتهمة في قضية قتل المسئول اليمني بالجيزة، بعد صدور قرار من المحكمة بتأجيل محاكمة المتهمين بالقضية لجلسة 6 مارس المقبل للاطلاع على القضية.

تفاصيل اعترفات المتهمة بقتل المسئول اليمني

وقالت المتهمة في التحقيقات: «أنا كنت قاعدة أنا وعبد الرحمن - جوزي عرفي - عند أبويا في المنيب في الجيزة، ويوم الخميس جت دينا عندنا وهي أصلا أختي من أمي وصاحبها رمضان، ودخلوا قعدوا في الصالة ودينا قالتلي عايزاكي في حوار ورمضان قعد في الصالة لف سيجارة حشيش وقعد يشربها هو وأبويا، وعبده كان قاعد في الصالة التانية روحت أنا ناديت دينا ودخلنا الأوضة وقولتلها في ايه قالتلي فيه واحد صاحبي اتعرفت عليه وهنروح نفتشه، قولت لها مين ده قالتلي لا متعرفهوش ده سعودي لسه متعرفه عليه وقالت لي هنروح نحط له منوم ونفتشه ورمضان يستنانا في الشارع، قولتلها عبده مش هيرضى اروح لوحدي طلعنا من الأوضة رحنا لعبده أنا وهي وأنا ناديت رمضان».

وتابعت المتهمة بإنهاء حياة المسئول العسكري اليمني: «قالولي ساعتها ده واحد هيتحط له منوم وسألتهم المنوم ده هيعمل حاجة قالولي لا مش هيعمل، انتي بس خليكي معاها، قلتلهم خلاص هنروح أنا وعبده قالي ساعتها ماشي، والكلام كان قدام عبده وقلت لعبده وهو مكنش راضي لحد ما أقنعته إني هروح لوحدي لو مش جاي معايا، لحد ما اتفقنا إن احنا الأربعة نروح عشان نحط له المنوم ونفتشه، وناخد الحاجة اللي في الشقة ونزلنا احنا الأربعة وكانت الساعة 12 بالليل، واحنا ماشيين عشان نركب التوك توك دينا قالت هنروح عنده البيت أنا وهي، نحط له المنوم في أي حاجة يشربها عشان ينام، ورمضان وعبده هيبقوا واقفين تحت عشان ياخدوا مفاتيح العربية، ويمشوا بيها واحنا هنركب تاكسي ونمشي وراهم واتفقنا على كدة».

وأكملت المتهمة: «روحنا ركبنا توك توك لحد سلم المنيب، وسبنا عبده ورمضان ييجوا ورانا واحنا ركبنا تاكسي وبعد ما ركبنا دينا كلمت الراجل وادتهوني عشان مكنتش فاهمة حاجة، وقلت له ابعتلي على الواتس عشان مش فاهمة وبعت العنوان واللوكيشن، وبعتلنا فيديو ليه وهو داخل العمارة وبيضغط على الأسانسير الدور العاشر وبعدين التاكسي وصلنا ونزلنا جبنا سجاير من الكشك ورنينا عليه على الموبايل وقولناله الباب مقفول، قال أنا نازل لكم وفتح الباب وخدنا وطلعنا، ولما طلعنا قلعنا البلوزات التقيلة وقعدنا بالتي شيرتات الكات، وبنطلونات جينز وهو كان لابس بنطلون وبلوفر وقعدنا في الصالة، وكان حاطط ازازة ويسكي على الترابيزة وعصير وقعدنا شغلنا أغاني على التليفون ودينا قامت رقصت، وبعدين انا قمت رقصت وهو قام رقص معايا، وبعدها دينا قالت له عايزة تلج ودخلت المطبخ.

وأضافت المتهمة: «بعدها هو دخل ورا دينا المطبخ روحت طلعت المنوم وحطيته في الكوباية، وقلبت الكوباية بإيدي وهو خرج بالتلج هو ودينا وشرب الكوباية ودينا عملت نفسها بتشرب وبعدين هو صب ويسكي تاني في الكوباية، وقام دخل الأوضة دينا حطت منوم تاني في الكوباية وقلبتهم بصباعها وادتني كيس المنوم وهو شرب الكوباية وبعدها رمضان رن وكلمها وقفل، وبعدها داخ وقال أنا داخل أنام، ورمضان وعبده طلعوا بعدها الشقة».

اقرأ أيضاًلـ 6 مارس.. تأجيل محاكمة المتهمين بقتل المسؤول اليمني في الجيزة

وصول المتهمين بقتل شخص يمني الجنسية لحضور أولى جلسات محاكمتهم

المصدر: الأسبوع

كلمات دلالية: اللواء العبيدي فی الصالة

إقرأ أيضاً:

محمد رمضان يطرح أحدث أغانيه "الجو حلو".. فيديو

 

طرح النجم محمد رمضان أحدث أعماله الغنائية بعنوان “الجو حلو”، وذلك عبر قناته الرسمية على يوتيوب وكافة منصات الموسيقى، حيث أعلن عن إطلاق الأغنية اليوم الأربعاء من خلال حسابه على إنستجرام، وسط حالة من الترقب بين جمهوره.

الأغنية الجديدة نالت تفاعلًا واسعًا منذ الكشف البرومو الأول لها، واعتبرها المتابعون “أغنية الصيف” المنتظرة، لما تحمله من أجواء مرحة وإيقاع مميز يتناسب مع موسم الإجازات.

 

وفي سياق آخر، يستعد محمد رمضان لإحياء حفل غنائي ضخم يجمعه بالفنانة اللبنانية هيفاء وهبي، ضمن فعاليات موسم صيف 2025 في لبنان، وذلك يوم السبت 23 أغسطس المقبل. ومن المقرر أن يقدّم النجمان باقة من أشهر أغنياتهما في واحدة من أقوى حفلات الموسم العربي.

 

تقول كلمات أغنية "الجو حلو"

 

شورت فانلة قاعدة مع الشلة
بحر شمس نلعب نتسلى
نخرج نسهر نضحك مع بعض
الصيف.. حلو.. واحنا مع بعض

انا خدت اجازة يعني مفيش نوم
من 6 الصبح هقضيها عوم
قاعد في المية لأخر اليوم
ما الدنيا في كوم ومزاجي في كوم
كدة الدنيا سخنت وانا مضطر
انا لازم ابلبط الجو حر
سارح انا بـ يختي في نص البحر
انا وهي بس تالتنا شيطان

والجو حلو.. الجو الجو الجو الجو حلو
الجو الجو الجو الجو حلو
الجو الجو الجو الجو حلو
الجو الجو الجو الجو حلو


في المياة ننط ونعمل تش
فسفوري عالي بسبب الفيش
انا مش محتاج اعمل ريفريش
في وسط اخواتي انا مبكتئبش
غروب الشمس ع المغربية وكل اصحابي قاعدين نحوا
الصورة حلوة عشان طبيعية قدامنا شط وورانا مية

الجو الجو الجو الجو حلو
الجو الجو الجو الجو حلو
الجو الجو الجو الجو حلو
الجو الجو الجو الجو حلو

بصطاد من غير سنارة.. بعوم من غير عوامة
عالدوغري معايا خلصانة.. انا اسمي لوحده علامة
ظبطت الفورمة.. عملت اللوك
لبست الكت والجو Hot.. انا نازل اعوم في المية هنط
طلبت معايا عشان...

الجو الجو الجو الجو حلو
الجو الجو الجو الجو حلو
الجو الجو الجو الجو حلو
الجو الجو الجو الجو حلو

شورت فانلة قاعدة مع الشلة
بحر شمس نلعب نتسلى
نخرج نسهر نضحك مع بعض
الصيف.. حلو.. واحنا مع بعض

مقالات مشابهة

  • القبض على سيدة متهمة بقتل طفليها في العمرانية ومحاولة الهروب إلى كورنيش النيل
  • سقوط جزء من واجهة صالة نادي الاتحاد السكندري دون إصابات
  • أمن الجيزة يضبط المتهمة بقتل طفليها في العمرانية
  • محمد رمضان يطرح أحدث أغانيه "الجو حلو".. فيديو
  • «معنديش أي ذكرى مع أمي».. دينا فؤاد تتصدر التريند لهذا السبب
  • دينا فؤاد: معنديش أي ذكرى مع أمي.. وموت المنتجين الأربعة كسرني
  • إلهام الفضالة ترد على هجوم عبدالله بوشهري: إنسان ناكر العشرة والمعروف.. فيديو
  • تفاصيل جديدة في واقعة التعدي على طالبة جامعية بالمعادي
  • مسؤول أممي يندد بقتل “إسرائيل” للمجوعين في غزة ويصف ما يجري بـ”مذبحة”
  • قبل ما تشتري إقامة