مها أحمد: أظهر على «تيك توك» بشكل محترم كفنانة.. وملتزمة بقواعد المنصة
تاريخ النشر: 16th, March 2024 GMT
علقت الفنانة مها أحمد على ظهورها على منصة «تيك توك» قائلة: «الناس فاهمة غلط، وجوزي مجدي كامل لو مش موافق مش هعمل كده، لأنه رجل أوي وبحترمه، واللايفات التانية اللي مش حلوة مش من مصر، لأن كل بلد له قواعد».
الكسب عبر منصة تيك توكوقالت مها أحمد خلال استضافتها ببرنامج «أسرار» مع الإعلامية أميرة بدر المذاع على قناة النهار: «في نجوم بيجلها أدوار من تيك توك، وفيه نجوم كوميديا طلعت على تيك توك وعملوا مسابقات ومطرب مشهور جدا، وبيطلع يعمل تحديات وبيجيلوا دعم ولو هما مش عايزين، أو مش قاصدين المكسب منه، ممكن يقفلوا زرار الهدايا من البرنامج، والمنصة مش بتكسب إلا مشاهير التيك توك، إنما أنا لو عايزة أكسب هطلع طول اليوم مش هنام، اللي بيبعت هدايا دول بيدعموا من باب زكاة أو صدقة، لكن أنا بكسب علاقات مش فلوس، المنصة معمولة للمواهب اللي مش عارفين يطلعوا، وإحنا بنطلع بشكل حلو كفنانين وبندعم بعض».
وعن اتهامها بالغرور قالت: «مش عندي غرور لكن بحاول أخليه عندي، يمكن اطلع ترند، غروري في بداية حياتي خلاني أرفض أدوار وخسرني كتير».
وتابعت: «عملت بطولة مسلسلين ومسرح وفيلم، أنا بطلة من بدايتي مش زي ما الناس بتقول أنت بتطلبي شغل يا كومبارس، مع أني أتشرف بالكومبارس لأنه بني آدم».
المصدر: الوطن
كلمات دلالية: مها أحمد تيك توك مها أحمد تیک توک
إقرأ أيضاً:
حرب تصريحات بين بين شوبير وأحمد حسن: الاتهامات بالتلقيح والشخصنة تثير الجدل
اشتعلت الأجواء الإعلامية مؤخرًا بين أحمد شوبير، الإعلامي الرياضي المعروف، وأحمد حسن، مدير منتخب مصر الثاني، في حرب تصريحات مليئة بالتوجيهات والانتقادات المتبادلة بينهما.
حيث بدأت الأزمة مع تعليقات شوبير الأخيرة حول الجهاز المعاون لحلمي طولان، المدير الفني للمنتخب المصري، قبل أن يتبادل الطرفان الاتهامات والانتقادات في برنامج "الكابتن" على قناة دي إم سي، يوم 12 ديسمبر 2025.
بدأت الأزمة عندما تحدث شوبير عن اختيارات طولان للجهاز المعاون، مشيرًا إلى أنه كان قد حذر المدرب من اختياراته غير المثالية، وخاصةً الجهاز المعاون الذي يضم أحمد حسن وحارس مرمى المنتخب السابق، عصام الحضري.
وتابع شوبير بانتقاد واضح قائلاً إن هناك ما يسمى بـ "شغل المكيدة والتلقيح" داخل الجهاز الفني.
رد أحمد حسن على شوبير بشكل حاد، مشيرًا إلى أن شوبير كان يهدف إلى "شخصنة الأمور" و"تلقيح" المواقف لصالح جهات معينة.
وقال حسن: "شفت بعض الناس شخصنت الأمور، ومنهم كابتن شوبير، ولقيت الناس بعثوا لي فيديو وهو مصمم يشخصن الأمور. لكن تمام، معنديش مشكلة، ومحدش يرجع يزعل بعد كده، لسه المشوار مع بعض مكملين".
وأضاف أنه إذا كان شوبير يعتقد أن اختياراته كانت سيئة، فإنه كان يجب عليه أن يتعامل مع الموضوع بطريقة أكثر احترامًا.
أحمد حسن لم يتوقف عند هذا الحد، بل أكمل هجومه قائلًا: "قال لي: أنا حذرت الكابتن حلمي من الجهاز المعاون، وهو قصده طبعًا الجهاز المعاون اللي أنا والحضري فيه، مش قصده حد تاني. وقال شغل المكيدة والتلقيح.
وتابع: "عايز أقول له يا كابتن شوبير: إنت تعرفني كويس، وأنا لو قليل الأصل هقول في وشك إنك قليل الأصل".
ثم وجه رسالة مباشرة لشوبير، قائلاً: "إحنا مبنخافش من حد، وعمرنا ما كنا بنغلط في حد، لكن دي مش أسلوبنا، والأسلوب ده معروف أسلوب مين. ده سنة كاملة تلقيح على جمهور الزمالك ونادي الزمالك".
وفي المقابل، رد شوبير على الاتهامات بأن حسن يحاول تبرير تصرفات جهازه المعاون بأسلوب غير مهني، مؤكدًا أن تلك التصريحات لا تعني له شيئًا، وأنه كان من الأفضل التركيز على الأداء داخل الملعب بدلًا من هذه الحروب الإعلامية.
أحمد حسن أضاف أيضًا: "عيب، مش إحنا اللي بنعمل ده لينا اسمنا وتاريخنا، بنحترم كل الناس، واللي يحترمنا نشيله على دماغنا من فوق، إنما هنشخصن الأمور؟ محدش يزعل بعد كده، لأن إحنا كمان بنعرف نرد، وبنعرف نرد بأدب وباحترام، وبنعرف ناخد حقنا بأدب وباحترام".
لوكاشينكو يحذر أمريكا من تكرار سيناريو حرب فيتنام في حال تورطها مع فنزويلا