يحتاج الكثير في العيد الي بعض النصائح الغذائية في عيد الفطر المبارك فبعد شهر كامل من الصيام، الجسم بيكون متعود على نظام غذائي مختلف، وأي تغيير مفاجئ ممكن يسبب مشاكل مثل الانتفاخ، التخمة، وعسر الهضم.
1. لا تبدأ يومك بالكحك والبسكويت
بعد الصيام، الجهاز الهضمي مش مستعد لاستقبال سكريات ودهون عالية فجأة.
الأفضل تبدأ فطارك بوجبة متوازنة زي بيض + جبن + خضار + شريحة توست أسمر، علشان تحافظ على استقرار السكر في الدم.
الفسيخ والرنجة مالحين جدًا، وده ممكن يسبب احتباس السوائل وارتفاع الضغط، خاصة بعد فترة صيام طويلة.
نصائح عند تناول الفسيخ والرنجة:
• اشرب مياه كتير لتعويض الأملاح.
• تناول الخضروات الورقية (زي الجرجير والخيار) لأنها تقلل امتصاص الأملاح.
• يفضل تناولها مع الليمون والخل لتقليل تأثير البكتيريا والسموم.
• تجنبها تمامًا لو عندك ضغط مرتفع أو مشاكل في الكلى.
3. تحكم في كمية الكحك والبسكويت
الكحك والبسكويت مليانين سكر ودهون مهدرجة، وده ممكن يسبب ارتفاع السكر في الدم بسرعة.
الأفضل ما تتجاوز 2-3 قطع فقط في اليوم، ولو قدرت تستبدلها بكحك دايت أو شوفان يكون أفضل.
4. اشرب مياه كتير
تناول الأملاح العالية في الفسيخ والسكريات في الكحك ممكن يسبب جفاف وانتفاخ، فحافظ على شرب 2-3 لتر مياه على الأقل خلال اليوم.
ابتعد عن المشروبات الغازية لأنها تزود الانتفاخ ومش بتساعد على الهضم.
5. الحركة مهمة بعد الأكل
بعد الغداء، حاول تمشي 20-30 دقيقة لتحفيز الهضم وتقليل تخزين الدهون.
تجنب النوم مباشرة بعد الأكل لتفادي التخمة والارتجاع.
الخلاصة:
ابدأ فطارك بوجبة خفيفة ومغذية
تحكم في كمية الكحك والبسكويت
تناول الفسيخ والرنجة بحذر ومع خضروات
اشرب مياه كتير وتجنب المشروبات الغازية
المصدر: صدى البلد
كلمات دلالية: العيد نصائح عيد الفطر عيد الفطر نصائح غذائية الکحک والبسکویت الفسیخ والرنجة
إقرأ أيضاً:
حنان مطاوع : ممكن أصحى الصبح ألاقي نفسي في فيلم ضد معتقداتي
رفضت الفنانة حنان مطاوع، استغلال صورتها وصورة والدها دون إذن، ووصفت الأمر بـ"الانتهاك" و"سرقة الحقوق". وأعربت عن استيائها الشديد من فيديو متداول على منصات التواصل الاجتماعي، تم فيه استخدام صورتها وتقنيات الذكاء الاصطناعي لإظهارها في مشاهد مؤثرة مع والدها الراحل كرم مطاوع، وكأنهما يبعثان برسائل من العالم الآخر.
وقالت:"الفيديو مؤلم... أنا مش بحب أستدعي صور الوفاة أو الألم، ولما بشوف الصور دي، قلبي ممكن يتقبض ويتوجع."
وأضافت، خلال مداخلة هاتفية ببرنامج "الصورة"الذي تقدمه الإعلامية لميس الحديدي على شاشة "النهار":"صاحب المقطع اعتذر، وبشكره على حسن خلقه، وكان بالفعل حسن النية، لكن في نفس الوقت، لازم يكون فيه مبدأ يحكم الأمر."
وشددت على ضرورة سنّ قانون لحماية الأفراد من الاستخدام غير المشروع للتكنولوجيا، قائلة:"لازم نحمي نفسنا من الاستخدام السيء للتكنولوجيا. ممكن أصحى الصبح ألاقي نفسي في فيلم ضد معتقداتي أو ضد أفكاري وتوجهاتي، في مشاهد ما أقدرش أعملها أصلاً!"
وتابعت:"خلينا نحط قاعدة قانونية... إن الشخص الموجود في أي مقطع يتم إعلامه، دي أبسط حقوقي، إني أوافق أو أرفض استغلال شكلي أو صوتي أو صورتي. دي أبسط الحقوق."
مناقشة ترتيبات استئناف الرحلات الجوية بين ليبيا والإمارات