زوج في دعوى نشوز: على سنجة عشرة في الشارع وبجلابيه في البيت
تاريخ النشر: 12th, May 2025 GMT
زوج في دعوى نشوز: على سنجة عشرة في الشارع وبجلابيه في البيت
أقام “محمود.ع”، موظف دعوى نشوز أمام محكمة الأسرة بالتجمع الخامس ضد زوجته، بعد زواج دام عامين، متهمًا إياها بتغيير سلوكها بعد الزواج بشكل لا يرضيه، قائلاً في دعواه: “بتحلي نفسها وهي خارجة، وبتتزين للناس أكتر من جوزها”.
بدأت الأزمة، حين لاحظ الزوج أن زوجته تختلف في تصرفاتها بين المنزل وخارجه، حيث تتجاهل مظهرها أمامه، لكنها تظهر بأفضل حالاتها حين تخرج من البيت، وهو ما أثار غيرته وقلقه، ودفعه للشك في نواياها، خاصة بعد رفضها التغيير رغم محاولاته المتكررة.
وأوضح الزوج أنه سعى للحفاظ على كرامته وضبط أعصابه، فطلب منها الذهاب إلى منزل أسرتها حتى تهدأ الأمور، لكنها رفضت، مما اضطره إلى حبسها داخل المنزل، ومع تفاقم الخلافات ورفضها التصالح، لجأ إلى القضاء ورفع دعوى نشوز، ولا تزال الدعوى قيد النظر أمام المحكمة.
المصدر: صدى البلد
كلمات دلالية: دعوى نشوز محكمة الأسرة دعوى نشوز
إقرأ أيضاً:
بخيل ومش عايز يدفع حق التاتُّو.. حنان تطلب الخلع في محكمة الأسرة
لجأت سيدة ثلاثينية تدعى “حنان”، إلى محكمة الأسرة في مصر الجديدة؛ بسبب مشكلاتها مع زوجها، حيث طلبت منه أموالا للذهاب إلى مركز تجميل، إلا أنه رفض؛ فنشبت بينهما خلافات، قامت على أثرها بطلب الخلع منه.
سردت حنان قصتها مع زوجها، قائلة: «عمري 28 عاما، وتزوجت قبل عام واحد فقط، كنت أحلم بشاب من نفس البيئة التي نشأت بها، يعلم عن الموضة والأزياء وكل شيء، وكان زوجي بالفعل لديه خبرة ليست كبيرة، ولكنه شخص متحضر ومثقف، يعلم الكثير عن الحياة، وأسلوبه محترم للغاية».
وروت حنان قصتها: «اتقدم لأهلي، ووافقوا عليه من أول مرة، واتخطبنا مدة 6 شهور بس، وبعدها عملنا فرح كبير وشيك جدا، واتجوزته، وبصراحة مكنش بيرفض لي أي طلب، وكان مهتم بيا، وكل حاجة بيني وبينه كانت كويسة، وده في فترة أول 3 شهور في الجواز، لكن بعدها اتغير».
أكملت حنان قصتها عن زوجها، قائلة «بعد 3 شهور كنت ساعات أطلب منه يشتري لي حاجات؛ كان يرفض، ويقولي حاجات تافهة، وإنه معندوش اعتراض على الفلوس، بس مش كل حاجة نشتريها وخلاص، وساعتها أنا كنت طالبة منه فلوس عشان أشتري حاجات ميك آب جديدة، وأنا سكت؛ عشان كان عندي بصراحة».
وأضافت حنان: «بعد حوالي 10 شهور جواز، قامت بيني وبينه خناقة كبيرة؛ بسبب إني طلبت منه فلوس عشان أروح مركز تجميل أعمل تاتُّو، وأركِّب برسينج، وأظبَّط الدنيا، وكل ده عشانه هو، وعشان أهتم بنفسي، لكن هو رفض، وقالي المبلغ كبير، ومش معايا الرقم ده دلوقتي، مش هينفع تروحي».
وواصلت حنان حديثها: «فضلت شهر ونص كل شوية حِجَّة شكل، لحد ما في الآخر قالي أنا مبحبش مراتي تعمل تاتو والحاجات دي، مع أني عملته في الفرح، وكان عاجبه جدا، وهو متحضر وعارف كويس الحاجات دي، ومكنش عنده مشكلة، بس مش عارفه إيه اللي حصل خلاه كده».
وأنهت حنان حديثها: «طلبت منه الانفصال في هدوء، وده بعد تدخل الأسرتين والأصدقاء، لكنه رفض، والحياة خلاص بقت بينا مستحيلة، وأنا مش هعيش مع حد قافل دماغه وبيتحكم فيا وخلاص، روحت رفعت عليه قضية خلع».
تأجيل محاكمة عاطل بتهمة قتل سيدة فى القناطر الخيرية للخميس المقبل