صبري فواز يرد على منتقدي تصريحه عن الموالد وجمهوره يتفاعل
تاريخ النشر: 18th, October 2025 GMT
وجه الفنان صبري فواز رسالة نارية لمنتقدي تصريحاته التي أطلقها مؤخرًا عن الموالد، وتأثيرها في صقل شخصيته وتكوينه الفني، مؤكدًا أن هذه الموالد من ضمن العادات المتعارف عليها في مصر.
صبري فواز: هي دي مصر يا حبيبيوكتب صبري فواز عبر حسابه الرسمي على «فيسبوك»: «الحلوين المقطقطين اللي لسه بيتعرفوا على مصر وناسها واحتفالاتها وموالدها دول، هي دي مصر يا حبيبي، هي دي مصر يا بابا، حابب تتعرف عليها عيش فيها واقرا عنها، واللي مش قادر تفهمه، إسأل و هاتلاقي ألف مين يجاوبك».
وأضاف فواز: «لكن تقعدوا فاتحين بقكم و مستغربين وعمالين تفتوا و تنظروا و تصدروا أحكام و انتم مش عارفين حاجة كده، ماينفعش يا بابا.. ماينفعش يا حبيبي».
وتفاعل جمهور صبري فواز مع منشوره، حيث كتب أحدهم: «حاجة عجيبة جدا، وجايين سنة 2025 يكتشفوا مظاهر الاحتفال بالموالد اللي جزء أساسي من أقدم ثقافة في التاريخ!»، فيما تكب متابع آخر: «وانا صغيرة كانوا أهالينا بياخدونا مولد المطراوى كل سنة ومفيش مرة يفوتو معاده ويشترولنا طراطير وحلويات».
فواز: الموالد رافدا مهما في تكوينيوكان صبري فواز قد صرح مؤخرًا خلال فعالية «مساحة حرة»، بمقر المركز القومي للمسرح، قائلًا: «تكويني بدأ في الريف، كنت أملك الخيال طوال الوقت، وكانت الموالد رافدا مهما في تكويني، حيث كنت حريصا على حضورها، وكان أول احتكاك لي بالمسرح المدرسي في المرحلة الإعدادية».
آخر أعمال صبري فوازوكان آخر أعمال صبري فواز مسلسل «شهادة معاملة أطفال»، بطولة نخبة من النجوم أبرزهم، محمد هنيدي، محمود حافظ، سما إبراهيم، نهى عابدين، وليد فواز، ألحان المهدي، خالد أنور، إلهام وجدي، ومن إخراج سامح عبد العزيز.
اقرأ أيضاًصبري فواز: تعلقت بالمسرح منذ الصغر.. والموالد الشعبية رافدا مهما في تكويني الفني
غدا.. صبري فواز في ضيافة «القومي للمسرح والموسيقى والفنون»
المصدر: الأسبوع
كلمات دلالية: صبري فواز محمد هنيدي سما إبراهيم نهى عابدين محمود حافظ وليد فواز آخر أعمال صبري فواز ألحان المهدي صبری فواز
إقرأ أيضاً:
رد فيدرا على منتقدي دعمها لحملة مقاطعة منتجات الكيان الصهيوني
حرصت الفنانة فيدرا على التعليق بشان الانتقادات التي وجهت إليها مؤخرًا بسبب دعمها لحملة مقاطعة المنتجات التابعة أو الداعمة للكيان الصهيوني مؤكدة أنها تتبنى هذا الموقف عن قناعة شخصية تامة، وتحرص في حياتها اليومية على الالتزام به قدر الإمكان.
وقالت فيدرا في منشور لها عبر حسابها بموقع التواصل الاجتماعي «فيس بوك»: «أنا بطلت أشتري أي حاجة من أي دولة بتدعم الكيان. كل هدومي وكل اللي باستخدمه سواء مكياج أو لبس أو حاجة للشعر بأجيبه بعد ما أعمل بحث وأتأكد إن الماركة دي مش في قوائم الدعم».
وأضافت: «الصالون اللي بعمل فيه شعري مش سلسلة أجنبية ولا فرع كبير ده مصري خالص، يا بييجوا ليا البيت، يا بروح لهم في محلهم. كلهم مصريين وليهم فرع واحد عندنا، والخامات هما اللي بيدوّروا عليها مخصوص علشان تكون براندات مش في المقاطعة. وشكرًا للكوافير عماد مجدي اللي بيلف في مصر ويجتهد ويدور على منتجات مناسبة ناس بتحب شغلها وبتحترم موقفي».
وتابعت: «بالنسبة لِسؤال طب والناس اللي بتتسرح وتتضرر؟ أنا شايفة إن في أولويات. أولويتنا الإنسانية إن فيه ناس بتتقتل وبتتشرّد ودي حاجة أهم من أي فقدان وظيفة مؤقت. وبعد كده، الناس اللي بتترك شغل في الشركات دي بتلاقي فرص تانية عند براندات محلية بتكبر ده مش كلام، شركات مصرية اتوسع شغلها لما الناس اختارت المنتجات المحلية. يعني المقاطعة مش هدفها تدمير، الهدف إنه نحفّز صناعتنا ونبني قدرة محلية أقوى».
السوشيال ميديا سلاح لفضح جرائم الكيان الصهيونيواستكملت: «أنا عمري ما قارنت نفسي بحد، أنا إنسانة بتكلم عن أفعالي الشخصية. أنا مسؤولة عن قراراتي وماليش دعوه بغيري، وبالنسبة لحاجات زي الموبايل والكمبيوتر: دي للأسف حاجات أساسية في حياتنا ومفيش ليها بدائل وطنية بنفس القوة لحد دلوقتي. بس الحقيقة إحنا قلبناها ضدهم: السوشيال ميديا اللي اخترعوها بقينا بنستخدمها سلاح نفضح بيه جرائمهم، وصوت فلسطين بقى واصل للعالم كله».
واختتمت: «في الآخر كل واحد حر في قراراته. أنا مش بهين حد ولا بزايد على حد، ومش بطلب حد يعمل زيّي. بس لو أنا قررت أخد موقف بالمقاطعة فأنا مقتنعة بيه والحقيقه أن أنا ما أخدتش الطريق الأسهل. لو حد شايف ده سخيف، ده رأيه وهو حر فيه، شكرًا لكل اللي بيسألوا بجدية وباحترام، وشكرًا لكل اللي بيقدّروا الموقف ويحترموا اختلاف الآراء»
مصرع طفل دهسًا تحت أقدام جاموسة داخل منزله بمركز دار السلام فى سوهاج