تامر حسني: "إن شاء الله هتشوفوا بعنيكم أكبر رد من ربنا.. إن وعد اللّٰه حق"
تاريخ النشر: 17th, October 2023 GMT
يحرص دائمًا نجم الجيل تامر حسني، على توجيه بعض النصائح ومشاركة المنشورات الإيجابية مع جمهوره لكي تعم الفائدة على الجميع.
ويحاول تامر حسني هذه الأيام بكافة الطرق دعم أهالي غزة في فلسطين بسبب استهدافهم من قبل الاحتلال وقصف منازلهم.
ونشر تامر حسني عبر صفحته الرسمية بموقع التواصل الإجتماعي "فيسبوك" رسالة إلى جمهوره يحثهم فيها على كثرة الإيمان والثقة بالله أن كل هذه الأحداث سوف تمر وسوف نري حكمة اللّٰه فيما يحدث ونري النصر قريبًا.
وكتب قائلًا: "في الوقت ده ناس كتير ايمانها بربنا ممكن يتزعزع أو ينهار ويقولوا طب ربنا فين مش هرد بالآيات والأحاديث عشان في ناس احق مني يتكلموا بلغة الدين بس انا هرد رد بسيط من واقع الدنيا … انت لو دخلت فيلم وجالك تليفون فا استعجلت ومشيت في ربعه الاولاني هل تقدر تحكم على نهاية الفيلم اكيد لأ يعني متحكمش على حاجه لسه مش خلصانه".
وأضاف: "طب الدنيا لسه شغاله مخلصتش يعني متعرفش بكرا ربنا شايل ايه متستعجلش وتحكم على الدنيا وانت لسه مشوفتش مرحلة النصر اللي ربنا وعد بيها اصلًا في قرآنه متحكمش دلوقتي حكمك هيكون غلط احنا لسه مكملناش الدنيا للآخر".
وتابع قائلًا: "(( يمهل ولا يهمل )) واللي راحوا دول جريوا على الجنه اللي هي الحياه الاساسيه حياة الخُلد راحوا دار الحق ومشيوا من دار الباطل يا جماعه الدنيا دي ولا حاجه دي دار باطل فيها الشر والكره والحقد والظلم.. لكن الناس دي راحت لحياه كلها حب وخير وسلام وفرح ولما في الآخره نشوف كل حد كانت حياته صعبه ومليانه معاناه ازاي ربنا كافئه على صبره وتحمله من كل اللي شافه وكرمه بأجمل نعيم الجنه هنقول (( ياريتنا كنا احنا )) الصبر يا جماعه والثقه في وعد ربنا".
منشور تامر حسني
واختتم حديثه قائلًا: "الدنيا دلوقتي وسكان الارض انقسمت ٢ ناس ايمانهم راح وناس اتمسكوا بعقيدتهم اكتر ودول اول ناس كسبوا معركة الدنيا ….. ثقوا في كاتب الدنيا العظيم انكم لازم هتسقفوا في النهايه من حلاوة نصره وهو بينصر المظلوم بمعجزه من عنده تتحقق في الوقت المناسب اللي يعلمه هو مش إحنا والله والله والله لازم يبقى معندناش شك نهائي في رحمته وفضله اكسبوا المعركه يا جماعه اوعوا ايمانكم بربنا يتهز احنا كلنا اصلًا عايشين في اختبار ولازم ننجح فيه.. ان شاء الله هتشوفوا بعنيكم اكبر رد من ربنا كما وعد في قرآنه الكريم (( ثقوا في الله )) ان وعد الله حق".
ما هي آخر أعمال الفنان تامر حسني ؟
وفي سياق منفصل يذكر أن فيلم "تاج" هو آخر أعمال الفنان تامر حسني السينمائية، ويضم الفيلم عدد من النجوم أبرزهم دينا الشربيني، ساندي، هالة فاخر، عمرو عبد الجليل، أحمد بدير وهو من تأليف تامر حسني وإخراج سارة وفيق.
ينتمي فيلم تاج لسلسلة أعمال "الأبطال الخارقين" السوبر هيروز في مصر والوطن العربي، ويجسد تامر حسني شخصيتين لتوأمين اسمهما تاج وهارون، ويمران بالعديد من الأزمات، ويُعتبر هذا الفيلم أول ظهور لبطل عربي خارق في السينما العربية.
المصدر: بوابة الفجر
كلمات دلالية: تامر حسني نجم الجيل تامر حسني فيسبوك تامر حسنی
إقرأ أيضاً:
بدعيلكم من كل قلبي.. تامر حسني يشكر الأطباء المساهمين في عمليات ابنه
وجه الفنان تامر حسني، الشكر للأطباء الذين أجروا العمليات الدقيقة لابنه آدم، بعدما استقرت حالته.
وكتب تامر حسني رسالة شكر عبر حسابه الشخصي بموقع إنستجرام: "الحقيقة أحب أشكر من كل قلبي كل من ساهم في عمليات آدم ابني ابتداء من الدكتور الكبير الأب المحترم، عمر عبد العزيز، والدكتور الكبير المحترم اللي ماسبناش ثانية مصطفى جاد، والدكتورة الكبيرة الأم
أميرة إدريس، بدعيلكم من كل قلبي يارب متشوفوش غير كل خير في حبايبكم إنتوا وكل الناس يارب، شكراً شكراً شكراً".
وحرص تامر حسني، على طمأنة متابعيه عبر فيسبوك وإنستجرام، معبّرًا عن شكره الكبير لكل من تواصل ودعا لابنه، ومشيرًا إلى أن حالة الطفل الآن مستقرة، وإنه قد غادر العناية المركزة في بعض الأحوال
يذكر أن، آدم تامر حسني، قد تعرض لأزمة صحية مفاجئة سبقتها أعراض بسيطة (ارتفاع خفيف بالحرارة)، ثم انفجار في الزائدة الدودية، مما استدعى إجراء عمليتين جراحيتين عاجلتين، ليدخل بعدها إلى العناية المركزة مجددًا بسبب مضاعفات ما بعد العملية، لا يزال يرقد فيها حتى الآن.
خبراء روس يقترحون طريقة لتقدير عمر الرفات في علم الآثار والطب الشرعي