«احنا مش هندخل المزاد عليك».. ميدو يكشف كواليس مكالمته مع إمام عاشور
تاريخ النشر: 11th, July 2023 GMT
تحدث الإعلامى، أحمد حسام «ميدو»، نجم الزمالك السابق، وعضو اللجنة الفنية بنادى الزمالك، عن بعض التفاصيل الخاصة بصفقة إمام عاشور، لاعب خط وسط الزمالك السابق وميتلاند الحالى.
أخبار متعلقة
أحمد حسن: رحيل إمام عاشور عن ميتلاند يؤثر على احتراف اللاعب المصري
تامر أمين: مبادئ النادي الأهلي تقتضي التعاقد مع إمام عاشور (فيديو)
الأهلى يقترب من التعاقد مع إمام عاشور
وترددت أنباء قوية في الساعات الماضية عن توقيع إمام عاشور، للنادي الأهلي ويتبقى فقط إنهاء الأمور مع النادى الدنماركى للإعلان عن الصفقة.
وقال ميدو في فيديو بثه عبر حسابه الشخصى على موقع التواصل الإجتماعى «انستجرام»: «إمام عاشور، واحد من أفضل اللاعبين في مصر، وسيكون إضافة كبيرة لأى نادى ينتقل له خلال الفترة المقبلة».
وأضاف: «تردد في أخر 24 ساعة كلام كتير عن انى دخلت في مفاوضات مع إمام عاشورـ لعودته لنادى الزمالك، والكلام ده كله مالهوش أساس من الصحة وأنا النهاردة هحكى التفاصيل كاملة، وفى الوقت الحالى أنا لا اتقلد أي منصب داخل نادى الزمالك، لكن أنا محب لنادى الزمالك ودايمًا موجود جوه لنادي الزمالك للمساعدة».
وتابع: «إمام، في يناير الماضى عمل المستحيل علشان يحترف وكان بيمتلك عرض من نادى ميتلاند الدنماركى، والزمالك توصل لاتفاق مع النادى الدنماركي للحصول على 3 ملايين دولار نظير بيع اللاعب».
واستكمل: «استبشرنا خير بعد البداية القوية لإمامـ مع النادى الدنماركى والجميع توقع نجاحه في أوروبا، لكنه بعد الإصابة وطلبه أن يتم علاجه في مصر، قال إنه لم يتأقلم وأبلغ ادارة ميتلاند انه لن يعود مرة أخرى، وهذا ما سبب غضب شديد لمسؤولى النادى الدنماركى».
واسطرد: «تواجد إمام عاشورـ بشكل مستمر داخل نادى الزمالك عقب عودته لمصر بسبب علاجه والزمالك فتح له ابوابه بحكم أنه احد ابنائه».
وكشف: «والد زوجة إمام عاشور كلمني يوم الخميس الماضى، وقالى احنا زملكاوية طلب مني عودة اللاعب للزمالك، وإمام كلمني الجمعة اللي فاتت، قولتله انت عايز ايه، رد وقال أنا عندي عروض وهشوف الأفضل ليا، قولتله انت أخ صغير ليا والخناقة دى احنا مش هندخلها إلا لو انت قولت انك مش عايز تلعب لاى نادى تانى غير الزمالك، ابعت لميتلاند وبلغهم بشكل رسمي انك عايز تعلب للزمالك ومش هتلعب في أي حته إلا الزمالك، مد لينا ايدك وشوف احنا هنعمل إيه، تعالى خطوة واحنا هنيجي 10 خطوات، ولازم الخطوة دى تيجي من عندك لان احنا مش هندخل المزاد عليك، وكنت منتظر انه يقولى هبلغ النادي إنى لن العب في مصر إلا للزمالك، فوجئت انه بيقولى يا كابتن ميدو العروض اللى هتجيلى افضل هاخدها».
ووقال: «امبارح العصر فوجئت أن امام بيكلم ناس في الزمالك وبيراميدز وبيقولهم اتحركوا وخلصوني وكلمت ناس في ميتلاند بلغوني أن إمام وقع للأهلي بشكل رسمي من 4 أيام ومعرفش اللاعب بيكلم الزمالك وبيراميدز ليه طالما وقع ممكن تكون مشكلة نفسية عنده وعايز يحس أن كل الناس عايزاه».
View this post on Instagram
A post shared by Mido (@ahmedhossammido)
الزمالك الاهلى امام عاشور ميتلاند الدنماركى ميدو توقيع امام عاشور للاعبى امام عاشور والزمالك
المصدر: المصري اليوم
كلمات دلالية: شكاوى المواطنين الزمالك الاهلى امام عاشور ميدو مع إمام عاشور
إقرأ أيضاً:
محمود سعد يكشف تفاصيل مكالمته مع محمد محمود عبد العزيز بشأن أزمتهم مع بوسي شلبي
كشف الإعلامي محمود سعد عن مكالمة جمعته بالفنان والمنتج محمد محمود عبد العزيز، وذلك فى منشور عبر موقع فيسبوك.
وكان الإعلامي محمود سعد قد وجه نصحية إلى أطراف الخلاف القائم وهم ابناء الفنان القدير محمود عبد العزيز والمذيعة بوسي شلبي .
وقال محمود سعد : ردا على التعليقات.. ليه كتبت بوست في قصة ابناء محمود عبد العزيز مارفعتش التليفون وكلمتهم؟.. هو انا ما عنديش تليفون لا محمد ولا كريم ده اول حاجة.. بس طبعا كان ممكن اجيبه.. لكن.. لما بدأت القصة تابعتها زي حضراتكم.. وانا ماعنديش معلومات اكتر من اللي قاله الناس.. الكلام مش لطيف. والتفاصيل دمها تقيل.. الحقيقة اني قلت يعني انا مش عايز ابقى بضغط عليهم.. انا بحبهم من وهما صغيرين وهما دلوقتي كبروا وبقوا نجوم وشخصيات كبيرة يقدروا ياخدوا قراراتهم بنفسهم مية في المية.. وانا ماحبش ابقى وصي على حد.. فلقيت انه الاسلم ان انا اكتب كلمتين. هم شافوهم ماشافوهمش مش مشكلة.
وتابع محمود سعد : في حاجة بتعملها احيانا مش بتريحك قوي لكن بتحل مشكلة قابلتك.. انا قابلتني مشكلة ان في تجريح كده وكلام على محمود عبد العزيز واحنا متفقين كلنا كده انا واحمد ومحمود والمجموعة دي ان احنا ندافع عن بعض.. قلت اكتب كلمتين.. الكلمتين دول انا حاسسهم بجد انه يا جماعة لموا الحكاية دي.. مش عايزين شوشرة.. كتبت كلمتين هم يعملوا بيها او ما يعملوش هم مش ملزمين قدامي في حاجة.. لو اتكلمت في التليفون يبقى انا الزمتهم بانه اللي انا بقوله ده يصح انهم يعملوه.. لا ماقدرش الزمهم ولا احب ان انا الزمهم.
وأستكمل محمود سعد : ففوجئت تاني يوم بان محمد بيدور عليا وجاب تليفوني وكلمني وقعدنا نتكلم كتير.. شكرته على انه اهتم وهو شكرني على اني اهتميت وكانت مكالمة كويسة.. بس ادي كل الحكاية.. فانا مش حابب اورطهم خالص.. ولا حابب ادخل في القصة دي لان ادخل فيه اعمل ايه.. ده خلاف بين الناس على شيء ما. يعني انا عرفت جزء منه لكن الباقي ما عرفتوش.. فانا ما اتدخلش..
في حد قاللي قول رأيك بصراحة اقول رأيي في ايه؟ سيدة كانت مرتبطة بمحمود عبد العزيز وفي مشكلة بينها وبين ولاده وولاده.. انا اقول رأيي في ايه؟ انا بس اقول يا جماعة لموا الموضوع بلاش شوشرة.. يا جماعة تصافوا مع بعض.. يا جماعة روحوا المحكمة من غير ما تكتبوا في السوشيال ميديا.. فحتى محمد قال لي انا ما عملتش حاجة خالص. غير لما طلع الكلام من الجهة التانية رحت مطلع بيان انا وكريم وما اتكلمتش خالص.. بس ادي كل الحكاية.
السكة الحديد تُطلق قطارات إضافية بمناسبة عيد الأضحى المبارك | جداول المواعيد