مصطفى حسني.. الداعية الإسلامي يكشف رحلته في طريق الدعوة
تاريخ النشر: 8th, March 2024 GMT
مصطفى حسني.. كشف الداعية مصطفى حسني عن تفاصيل رحلته في طريق الدعوة، وتفاصيل تغير حياته من البداية حتى الآن، خاصة وقت اندفاعه وحرصه على دعوة الناس دون طلب العلم بشكل كاف وذلك منذ 16 عامًا.
ويعتبر مصطفى حسني من الدعاة الذين يتابعهم العديد من الناس من جميع الأعمار سواء داخل مصر أو خارجها، وذلك لتميزه بصفات جذب انتباه المشاهدين بسبب أسلوبه البسيط والسلس في التحدث عن الدين الإسلامي، والرد على أسئلة المتابعين مما يزيد من شعبيته وحب الناس له.
وأوضح الداعية مصطفى حسني خلال لقائه في برنامج «معكم منى الشاذلي» المذاع على قناة ON، العديد من الأشياء حول رحلته في طريق الدعوة، وأكد على اعتزازه برحلته، على الرغم من اندفاعه في البداية، قائلا: «بعتز بها رغم ما فيها في أوقات من اندفاع وجهل ولخبطة ورغبة مش متفقة مع قدر العلم اللي عندي».
وأضاف: «كل الرحلة دي أدت في الآخر إن ربنا أكرمني بالمشايخ اللي علموني إن في الآخر خالص الصادق ربنا بيهديه.. لذلك لما الواحد مر بكده بقى يتفهّم لما واحد يقرأ كتاب فيحب الكلام في الدين عشان يدوّق الناس اللي هو داقه ثم يندفع بدون علم لأن أنا اندفعت بدون علم».
الداعية مصطفى حسنيوتابع قائلاً: «لي فترة في حياتي كان سيدنا الشيخ يزعل مني أوي لانشغالي بالدعوة وعدم انشغالي بطلب العلم.. وكانت المشايخ دائما تعلمنا نخلي 80% طلب علم و20% دعوة.. وشيخي يقولي ركز وذاكر واتعلم قبل ما تتكلم، لأن الإنسان اللي بيبدأ يتكلم مع الناس في الدين بيلاقي القبول، مش لأنه كويس لكن عشان الناس بتحب ربنا.. فكلمة مع كلمة الناس تحتفي به جدا فيصدق إنه بيعرف فتجيله شهوة حب الظهور وحب التأثير وعنده إحساس إنه بياخد بإيدي الناس لربنا فيكتفي بكلمتين أو كتاب أو شريط بيسمعه».
واستأنف: «لغاية ما سيدنا الشيخ خاصمني في يوم من الأيام لأني فضلت الدعوة على العلم، ولما خاصمني روحت عشان أصالحه واتأسف له في بيته، الكلام ده من 16 سنة.. ونمت عنده ليلتها.. فشوفت رؤية وقتها مكانتش محتاجة لتفسير لأنها بتقول حقيقة اللي ربنا عايزة مني».
الداعية مصطفى حسنيوأردف: «شوفت كأني راكب عربية، هي نوعها الترجمة بتاعته السرعة، والناس شايفاني راكب عربية سريعة، بينما كانت العربية دي ببدال مش بنزين من جوا، فكنت بنهج أوي وأنا جواها.. وده كان حالي وقتها.. كنت مبسوط من إعجاب الناس بكلامي وانا صغير بس مكنتش مستريح.. الناس شايفة عربية شيك من برا وأنا جواها كنت تعبان أوي، وصحيت من النوم عاوز أسيب النهج اللي كنت فيه ده وارجع للسنة، فحصل تغير كبير أوي وبقيت 80% طلب علم و20% كلام».
واختتم حديثه قائلا: «عشان كده بعذر إخواتي اللي بيندفعوا أحيانا في الكلام بدون ما يتعلموا.. لأنها لذة.. لذة هداية الناس لكنها مليانة بالشهوة».
اقرأ أيضاًبصير.. برنامج جديد لـ مصطفى حسني في رمضان (تفاصيل)
عبر انستجرام.. الداعية مصطفى حسني يكشف «أسرار راحة البال»
«كاريكا وحودايتو».. برنامج جديد لـ عصام كاريكا بموسم رمضان 2024
المصدر: الأسبوع
كلمات دلالية: الداعية مصطفى حسني برنامج معكم منى الشاذلي مصطفى حسني معكم منى الشاذلي الداعیة مصطفى حسنی
إقرأ أيضاً:
بعد تعرض نجله لوعكة صحية.. حسام حبيب يوجه رسالة دعم لـ تامر حسني
وجه الفنان حسام حبيب، رسالة دعم إلى الفنان تامر حسني، وذلك بعد تعرض نجله «آدم» لوعكة صحية مفاجئة، على إثرها خضع لعملية جراحية لإزالة الزائدة.
ونشر حسام حبيب، عبر ستوري حسابه بموقع تداول الصور والفيديوهات «إنستجرام» صورة تجمع تامر حسني بنجله آدم، وعلق عليها: «الف سلامة يا تامر لـ آدم، ربنا يشفيه ويعافيه ويطمنك عليه يا رب، ويقومه بسلامة إن شاء الله».
وفي وقت سابق كشف الفنان تامر حسني، آخر تطورات الحالة الصحية لنجله آدم، وذللك بعد دخوله إلى العناية المركزة، وتدهور حالته الصحية، الأمر الذي أثار حالة من القلق لدى الكثيرين من محبيه.
وأشار تامر حسني، عبر حسابه الرسمي بموقع التواصل الاجتماعي «فيسبوك» إلى تفاصيل الحالة الصحية لنجله، قائلا: «أنا مش عارف أشكركم إزاي على كمّ الدعوات اللي دعيتوها، لربنا لشفاء آدم ابني اللي جاتلي منكم هنا وعلى تليفوني».
وأضاف تامر حسني: «تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونة عادية بس، وبقولكم كده عشان تبقوا حريصين مع نفسكم أكتر ولولادكم، ومش كل سخونة تقولوا ده شوية برد».
وتابع تامر حسني: «خلاص لا روحوا اكشفوا كويس، واعملوا سونار على البطن والزايدة مرة و2 عشان برضو ساعات مش بيبان، ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة».
وأردف: «اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب و يعدي مرحلة الخطر يارب، بحق “كن فيكون».
اقرأ أيضاً«بعد زواجهما».. يارا تامر تكشف تفاصيل تعرض مسلم لوعكة صحية
بعد حذف الصور والمتابعة.. هل انفصلت بسمة بوسيل عن الفنان تامر حسني؟
الدوري العراقي.. الموصل يتراجع والغراف يستعيد الصدارة بعد الفوز على عفك