«قالولى هيبقى أب لبنتك».. سيدة أمام محكمة الأسرة :«بعد ما اتجوزته طلع عنده مراهقة متأخرة»

أقامت سيدة ثلاثينية دعوى طلاق للضرر أمام محكمة الأسرة، وقالت في صحيفة دعواها إنها تخشى على ابنتها من زوجها الذي صدرت منه خلال الفترة السابقة تصرفاته وصفتها بالغريبة.

ذكرت المدعية أمام محكمة الأسرة: «قالولي هيبقى أب لبنتك بدل ما هي يتيمة واتجوزنا منذ 5 سنوات بعد ما زوجى توفى وترك لى طفلة، ووافقت عليه ليكون سندا لى، وقلت هيحمينا من الدنيا، ويحافظ عليا أنا وبنتي، بعد ما الوسطاء أقنعوني إنه رجل محترم وهيربي بنتي من جوزي المتوفى كأنها بنته بالضبط».

تابعت المدعية: «في أول جوازنا كان أب حقيقي لبنتي ومعاملته معانا محترمة، وبيعتبر بنتي كأنها بنته وكانت بتقوله يا بابا، ووقتها كان عندها 11سنة، وكنت بحاول بقدر استطاعتي أرد له المعروف بمعاملتي له وإني أشوف إيه إللي بيريحه واعمله، واشترط علي ما نخلفش ووافقت عشان أرضيه وأحافظ على بيتي».

وأشارت: «بعد 5 سنوات وجدته يُعاني من مراهقة متأخرة وخايفة على بنتي منه لكونها كبرت وأصبحت آنسة، وكانت علاقتها به قوية والصراحة كنت مطمنة عليها وهي معاه، لحد آخر سنة بدأت تصرفاته معاها تبقى غريبة، والبنت قالت لي إنه تعامله معاها مابقاش زي الأول، وإنه بيقرب منها بشكل غريب وتصرفاته أغرب، وكنت بكدب نفسي لحد ما تأكدت بعد ما راقبته، وبقيت مرعوبة على بنتي منه في أي لحظة، ولما واجهته حاول ينكر لكن أنا كنت شفت بعيني خلاص، وتركت له البيت وقررت أقيم دعوى طلاق للضرر عشان رفض إنه يطلقني عند مأذون لما طلبت منه.

المصري اليوم

إنضم لقناة النيلين على واتساب

المصدر: موقع النيلين