القومي لذوي الاعاقة يكشف لـ"الوفد" عن أنشطتهم داخل معرض الكتاب

قالت فيروز الجوهري، مترجم لغه اشاره ومدرب لغه اشاره بالمجلس القومي للاشخاص ذوي الاعاقه، إن المجلس يشارك كل عام في معرض الكتاب من خلال جناح خاص.

وصول حافلات الأسرى المُحررين إلى الضفة الغربية.. صور

وأضافت في تصريح خاص للوفد: "احنا جناح المجلس القومي للاشخاص ذوي الاعاقه في قاعه 3 بي 35 موجود معانا داخل الجناح  مطبوعات بيقوم بها المجلس زي كتب  التعامل اتيكيت التعامل مع الاشخاص ذوي الاعاقه".

وتابعت: "  كمان الكتاب القانون اللي هو بيتكلم عن قانون رقم 10 لحقوق الاشخاص ذوي الاعاقه سنه 2018 الكتاب معمول في هيئه سؤال وجواب ومعانا كمان مطبوعات زي بروشورات كده صغيره 
كمان منتجات الخاصه بيهم هناك علشان من باب التمكين الاقتصادي للجمعيات".

واستكملت: "  كل حاجه بنعملها بتنزل كمان على صفحه المجلس والناس بتبيع المنتجات بتاعتها والارباح دي راجعه ليهم هم احنا مش بناخد منها كمجلس ولا نسبه ولا اي حاجه المكان بيتوفر مجاني 100% لكل الناس، كمان معانا منتجات اللي موجوده جوه الجناح في كروشيه في بامبو وفي العاب اللي هي البازل والالعاب المنتصوري التعليميه وكمان موجود العاب للمكفوفين خاصه بالمكفوفين عندنا وما عندنا كمان منتجات جلد".

وقالت: "كمان المجلس قايم بمبادره اسمها مبادره معرض الكتاب باللغه الاشاره المبادره دي من  مختلف انواع المحافظات بيجوا يترجموا ويغطوا كل الندوات اللي المعرض بيقوم بيها بلغه الاشاره احنا كمان بنعلم الناس اللي بتمر على الجناح عندنا لغه الاشاره سواء كان كبار صغار اطفال كل الناس بتتعلم لغه الاشاره من مبدا الاتاحه ونشر اللغه وان الناس لازم تكون عارفه ان في لغه موجوده عندنا في المكان في مصر عموما لغه اسمها لغه الاشاره بيتحدث فيها فوق السبعه مليون اصم داخل مصر".

واختتمت: "غير كده المجلس طبعا بيعمل ندوات رئيسيه خاصه بيه بتتكلم طبعا عن مفهوم الاعاقه وخلافه وغير الورش اللي بيقوم بها داخل جناح الاطفال للاطفال بيكون فيها دمج مع اطفال ذوي اعاقه واطفال غير ذوي اعاقه يعني احنا عندنا ورشه النهارده عن اعاده التدوير وغيرها من الندوات".

المصدر: بوابة الوفد