عارفين إنه هيضيعها| تعليق مثير من «ميدو» على إهدار «عبدالرحمن» ركلة جزاء للإسماعيلي
تاريخ النشر: 20th, September 2023 GMT
علق أحمد حسام ميدو على أخطاء بعض لاعبي الإسماعيلي في خسارة الفريق أمام زد بـ الدوري المصري الممتاز.
وقال “ميدو” في تصريحاته عبر برنامج الريمونتادا على قناة المحور: "أحمد عادل عبد المنعم حارس الإسماعيلي مش متعود على اللعب بقدميه، وده اللي هيخلي إيهاب جلال يواجه أزمة كبيرة في ظل رغبته في بناء اللعب من الخلف" .
وأضاف: "الخسارة من زد كلها دروس لإيهاب جلال، أهمها اللي يشوط ركلة الجزاء، لازم يكون بينه وبين الجمهور ثقة، وتكون حالته كويسة الفترة اللي فاتت".
واختتم: "مش عارف ليه عبد الرحمن مجدي هو اللي يشوط ركلة الجزاء، راجل عنده مشاكل مع الجمهور الفترة اللي فاتت، كان لازم حد يشوط غير عبد الرحمن مجدي، في أكتر من لاعب كان ماشي بشكل كويس كان لازم يشوط، و80% من الشعب المصري كانوا عارفين إنه هيضيع".
المصدر: صدى البلد
إقرأ أيضاً:
لازم تبقي أذكى من كده.. شوبير ينتقد تصرف نجم الزمالك أمام بتروجت
تحدث الإعلامي أحمد شوبير حارس مرمى الأهلي ومنتخب مصر السابق بالأداء الذي ظهر عليه فريق الزمالك في مباراة بتروجت أمس بالدوري المصري الممتاز.
ونجح الزمالك في الفوز على بتروجت بنتيجة 3-1، وقدم الفريق عرضا رائعا مع مدربه أيمن الرمادي.
وقال أحمد شوبير: “عجبني أيمن الرمادي في مباراة بتروجت، بدأ يفرض إسلوبه على لاعبي الزمالك ولاعبو الزمالك كمان بدأوا يفرضوا إسلوبهم على المنافس وهو الخروج بالكرة من تحت ومفيش خوف ومتقلقش حتى لو انقطعت منك، وكمان منح فرصة لأيمن أمير عبدالعزيز لما لعب بدلا من حسام أشرف ويبدو أنه لاعب جيد، ولعب شيكابالا بعد غياب وسجل، وعبدالله السعيد نزل بدلا من سيف فاروق جعفر في الشوط الثاني”.
وأضاف شوبير: "اللي معجبنيش في المباراة اللي عمله مصطفى شلبي عجيب جدا، يعني أنت كسبان 3-1 والمباراة خلصت ولسه جايب هدف ثالث وتمام التمام، واعتراض بلا داعي يطرد بسببه".
وأوضح شوبير: “كان فيه فاول بلا داعي وشغلانة وحدودتة فتم طرده وهيغيب مباراة، آه مش مؤثرة لكن ليه في السي في بتاعك يبقى فيه طرد، دي كرة في نص الملعب مش محتاجة عنف ولا طرد ولا اعتراض على الحكم”.
واختتم شوبير: “اللاعيبة لازم يكونوا أذكى من كده.. المرة دي جايلك في مباراة مالهاش أهمية لكن فيه مباراة ثانية ممكن تكون مؤثرة”.
نتيجة الصف الرابع الابتدائي.. موعد ظهورها ورابط الاستعلام المباشر