رانيا يوسف: الراجل الشرقي بتوجعه كلمة «مقصر أوي»

كشفت الفنانة رانيا يوسف عن رأيها في الرجل الشرقي عقب حلولها ضيفة على برنامج «مساء DMC» تقديم الإعلامية جاسمين طه، اليوم الخميس، وذلك بعد تألقها خلال الماراثون الرمضاني الدرامي لعام 2024.

وتحدثت رانيا يوسف خلال لقائها مع الإعلامية جاسمين طه عن مسلسل وبقينا اتنين، قائلة: «لو مسلسل بقينا اتنين كان اتعرض برة رمضان كان هيتشاف أحسن خاصة أنه عمل اجتماعي والأعمال الاجتماعية تشاهد خارج رمضان أفضل، ولكن كل حاجة ليها توقيت عرض».

وأضافت رانيا يوسف: «ياسمين شايلة مسؤولية العيلة شبهي وهو ده دور الست دايما، احنا شايلين شيلة محترمة».

وتابعت: «أما الرجل مش بيجيب غير فلوس بس، وده ضغط عليها زيادة عن اللزوم وهو اللي بيخلق مشاكل كبيرة بين الزوج والزوجة وبيخلي حياتهم مش سعيدة».

وواصلت: « لازم شريك الحياة يغذي الست بالدلع والخروج والهدايا والحنية ومشكلة الرجل الشرقي أنك تقوليله انك مقصر.. بتوجعه أوي، وياريته بيصلح لا ده بيعاند أكتر وبيقصر أكتر لحد ما الست تبقى شايلة وتقرر أنه لا خلاص مش هكمل ويوصل الموضوع للانفصال».

وأردفت: « غلطت إني اتجوزت بدري بس كان نفسي أبقى أم.. وأصعب فترة في حياتي أما عيالي اتولدوا ومتفقة مع بناتي أنه مفيش جواز قبل سن 30 ولازم فترة الخطوبة تبقى طويلة».

واستكملت: «لو بنتي مش سعيدة في حياتها هحاول أصلح ولو منفعش ممكن يتطلقوا عادي، وده مش تشجيع على خراب البيوت ولكن أحسن ما ولادهم يتأثروا من أنهم مع أب وأم مش سعداء»

اقرأ أيضاًبعد مسلسل «وبقينا اتنين».. رانيا يوسف في ضيافة جاسمين طه على dmc «صور»

مرتضى منصور يفتح النار على رانيا يوسف بسبب صورة جريئة: في رمضان؟

مسلسلات رمضان 2024.. طلاق رانيا يوسف في مسلسل «بقينا اتنين» يتصدر التريند

المصدر: الأسبوع